بخصوص المسمى الوظيفي

رواتب ارامكو بشكل عام 3 اشكال
1- رواتب فريش قرادويت مهندس البترول والجيلوجيا والجيوفزياء اعلى من النقطه رقم 2 بألف ريال عادةً
2- رواتب فريش قرادويت باقي المهندسين ومعاهم تخصصات الحاسب الألي والـ MIS
3- رواتب فريش قرادويت للتخصصات الاداريه ويكونون اقل بقريد من الباقيين واقل راتب

وطبعاً هذي اعم تقسيم ويدخل تحتها الجامعه اللي متخرج منها (مدري هذي تكنسلت او لا) ولكن سابقاً كان اذا جامعتك قويه فيكون راتبك اعلى من غيرك من نفس الفئه..


اما بالنسبه لسؤالك للمسمى الوظيفي ففي بعض الادارات تلقى تحتها مسميات وظيفيه كثيره ويقدرون يحولونك إلى مسمى اخر اذا يبغون. ولكن ليه تبغى تغير المسمى الوظيفي؟


آخر شئ احب اقوله اشتغل باداره عملها الاساسي هو تخصصك لأنك راح تكون فعال معاهم ولكن اذا انت مثلاً كمبيوتر ساينس وتشتغل مع حقين الانجنيرنق.. حط في بالك انك راح تكون مهمش وتكون Support لهم فقط لا غير

 

ما اقدر اعطيك معلومه دقيقه.. هل عندك مسمى وظيفي معين تحب تستفسر عنه؟

 

المتخرجين حديثا من التخصصات الادارية يتعينون على قريد 11

ونعم المسمى الوظيفي يؤثر على الراتب الاساسي

 

هل تقصد بعد July 2013؟ لأني اعرف واحد توظف على قريد 10 بالـ 2012

 

انت تقصد Business System Analyst؟ او IT System Analyst؟ ايش المسمى الوظيفي بالانجليزي؟

 

حتى قبل July 2013 اكثر من زميل لي توظفوا قبل July 2013 على قريد 11
لكن جميعهم توظفوا على الفاينس بزنسس لاين !

ممكن صديقك توظف في بزنسس لاين آخر

 

اذا المسمى bsa وانت تحت اداره غير الـ it، تأكد 99% ان الوظيفه csl!!!

 

Csl شئ ماهو زين الا اذا تبغى تقعد وما تتطور بوظيفك

 

CSL
اللي اعرفه ان هو شخص مسؤول عن اعطاء الصلاحيات للموظفين سواء SAP
او Shared Folder للديبارت مينت.
من مسؤولياته حل اي مشاكل تقنية تواجه الموظفيين و في حالة ان CSL ما كان قادر يحل المشكلة. يرفع فيها للـ IT لحل المشكلة.

 

يعني هو يتعبر IT Support للمكان اللي يشتغل فيه. اذا مهندس الطابعه ماتطبع.. يروح يصلحها له.. اذا مهندس يحتاج صلاحيات بأحد الانظمه، يروح هو يعطيها له.. اي شئ له علاقه بالـ IT، فهو يتعبر المنقذ للاداره..

طابعات، كمبيوترات، مساحات تخزين، موقع ويب للاداره، الاتصال مع الـ IT والتنسيق بين الاطراف.. يعني كأن عامل في محل كمبيوتر ومعقب الاداره عند الـ IT

طبعاً سمعة الـ CSL طايحه بالارض بارامكو واي واحد يكون CSL على طول الناس تعتقد انه سيئ للغايه وتدبس بهذي الشغله..


لو تطلب الـ Job Descripation للمسمى الوظيفي، راح تلقاه جميل جداً وباخر كم سطر تلقى مكتوب CSL Duities ويذكرون بشكل مبهم ايش هذي المهمات وبالحقيقه تطلع شئ اخر

 

نعم قريد 11. لأن في الغالب CSL يكون تخصصه MIS, Computer Science or Computer Engineering

و جميع هذه التخصصات على قريد 11 في ارامكو