بعثة الملك عبدالله أو البترول

بالله عليك جاي تقول وش المقارنة

معروف ياخي وما يبيلها كلام

اكيد بعثة الملك عبدالله من جميح النواحي

ياخي يكفيك الشهاده من جامعه معروفه دوليا

وتضمن مستقبلك علطوول

بس اذا تبي تروح وتدشر انصحك لا تروح

اذا تبي تدرس فأنصحك ترووح بدون كلام

انت وبراحتك

 

عن نفسي لو خيروني بقول جامعة البترول (وعشان كذا ما قدمت اصلا على هذي البعثات)

لو كنت بدرس برى "مثلا" كان عن طريق سابك ولا ارامكو .............
لان هالبعثات هذي ما يمدحونها ؟ والله اعلم؟؟

بصراحة ما اعرف معلومات كثيرة عن البعثات هذي عشان اقولك ......

وبالتوفيق @46@

 

البعثة ....... أحسن

 

الفرق في هذا يعتمد على أمرين أولا على الجامعة التي ستبتعث إليها ثانيا على التخصص الذي ستدرسه...

أولا بالنسبة للجامعة التي ستذهب إليها فإذا كانت من الجامعات المعروفة تُفضل البعثة ، أما إذا
كانت غير معروفة فتنظر هل هي أفضل من البترول أم لا وهل لديها إعتراف دولي من الجهات العالمية
كالـ Abet حينها تفضل البعثة أما غير هذا فتفضل الجامعة ...

ثانيا بالنسبة للتخصص إذا كان غير موجود في الجامعة أو كان من التخصصات الدقيقة جدا تلك التي
تحتاج إليها الدولة مثل الهندسة الوراثية و بعض العلوم الدقيقة الأخرى ، عندها تُفضل البعثة على
الجامعة- أقصد جامعة البترول والمعادن .. أما إذا كانت من التخصصات الموجودة مثل الهندسة
الكيميائية أو الكهربائية فالأفضل الجامعة بالتأكيد لأنك مستقبلا ستوظف بجوار خريج الجامعة نفس
المرتبة والتخصص و أيضا لماذا تتعب حالك بالغربة وما إلى ذلك...

ولك الخيار بعد هذا لأنه مستقبلك ؛ ولا تنس صلاة الإستخارة ...

والله يوفقك أينما ذهبت ...

 

زي ما يقول أخوي القائد ..انه تعتمد على أكثر من شيء ..

أنا أقول اذا أنت بتدرس بكالريوس بس وما راح تكمل ابد .. فاخذ البعثه ..

أما اذا كنت بتكمل إدرس البكالريوس و الماجستير بالبترول والدكتوراه خذها إبتعاث ..



( سيوووووووووو سون = see you soon )

 

أخوي كـل شيء بيدكـ أنت صلي الإستخارة و بعدها سوي اللي تشوف إنكـ أرتحت له ..

بس عموماً رأيي ..


أشوف البترول والمعادن أفضل لك في حالة إن اللغة عندكـ ضعيفة أو أقل من المتوسطة على أقل تقدير إن شاء الله تأخذ البكالوريس وبعدها تطلع وبيدكـ شهادة يعني تطلع عشان تضيف الماجستير إن شاء الله .. بعدين ما تدري وش هي الظروف اللي قدامكـ على الأقل هنا في بلدكـ معزز مكرم أما هناك فما تدري وش هي الظروف بعدين السؤال ..

هـل أنت قد الغربة .. ؟؟؟
جاوب على هالسؤال قبل تقرر ..

لأن الغربة ماهي بهينة أنا عني قدمت على البعثات بس يوم جاتني الرسالة طنشت ولا راح أراجعهم ..

و أنا أوافق أخوي القائد برأيه ..

والله يوفقك ..

 

انا مثل اخووي الي قبلي ماقدمت على البعثة لاني الحمدلله رااضي بجامعة البترول الحمدلله
انا كنت اتمنى اطلع برى بس غير هذي البعثة لانهم مايمدحونها وانا اعرف اكثر من واحد برى يقووولنصيحة ابعد عنها ...

وابعد عن الشر وغني له