بعد الاستخاره اتخذت القرار..

اخي الكريم صدارة فاتحة التقديم حاليا .. تمنيات لك بالتوفيق

 

ماهو تخصصك أخي الكريم؟

 

على حسب التخصص

فيه تخصصات الطلب فيها مفتوح بدون حدود خصوصا اذا عندك خبرة

عموما اذا انت الكتريكال وعندك خبرة راسلني خاص

 

اذا انت تبي حكومي تنفعك في المرتبه فقط بدل السابعه تاخذ الثامنه بعد ما تجيب الشهاده

اما اذا ودك خاص ما تفيدك مره
فرق الف الفين ريال
الا اذا كنت في (ارامكو سابك ....الشركات الكبار)

ومن خبرتي في الشركة (شركة هندسيه كبرى معروفه) اللي انا كنت فيها
مره جاناء واحد بكالوريس عمارة من الملك عبدالعزيز
وبعدها كمل ماجستير ادارة مشاريع في نيوجيرزي

ورجع وتوظف عندنا وصار مديري (انا ما معي الا 3 سنوات خبره معماري بكالوريس)
راتبي اساسي 7000 وهو اساسي 9000
حلو

الزبده كلها الرجال ما عنده سالفه ما كمل عندنا الا شهرين ومشى ليه
ما معه خبره
هو حتى تعب نفسيا كل شي في وجهه منصبه كان construction manager

اذا تخرجت حاول تكسب خبره اافضل لك
خاصه اول 3 سنوات من حياتك المهنيه
وبعدها قدم على ماجستير ودكتوراه سواى كان انتظام او بارت تايم الدراسه

والله يرزقك بالذريه الصالحه والرزق الحلال

 

سوالك الثاني

كيف سوق الهندسين؟

اللي عليه الطلب دائما

المهندس الميكانيكي والكهرباء
الهندس الصناعي في شركات الشرقيه بس

المدني سوقه حلو هو مثل الذهب مره فوق مره تحت

اما المعماري والله ما حوله احد مسكين
هو اقوى واحد فيهم كلهم بس ما حد يعطيه وجه....(حالتنا صعبه المعماريه)

 

سبحان الله كل المعماريين اللي قابلتهم واحتكيت معهم عندهم نفس الاعتقاد (يرفعون خشومهم علينا مادري ليش!!)

 

هههههههههههههههه
وش نسوي ياخي
ماحد يبينا
هذا عشان نسد الفراغ اللي فينا

اذكر يوم تخرجت رحت انا وشباب معي مهندسين اللي كهرباء واللي مدني
نقدم على شركات
رحنا لثلاث شركات
كلهم اخذوا ملفات الشباب
الا انا و واحد من المجموعه كنا الوحيدين معماريه يقولون ما نبي معماري

المشكله دور المعماري في السعوديه معدوم
وقته وقت التصميم والتشطيبات وكلها ذي يوظفن لك معماري اجنبي

بس اعجبتني يرفعون خشومهم علينا.......

الله يحفظك و يوفق الجميع ان شاء الله لما فيه الخير
ويرزقهم بالذريه الصالحه امين

 

يا اخوان انا اوريا حبيت اسأل عن الهندسة الكيميائية لها مستقبل؟

 

اخوي كاتب الموضوع
الخبره اهم من الماجستير

واذا عملك يتطلب شهادة ماجستير بتخصصك
هم بيبتعثونك

وترا لكل وظيفه متطلبات محدده
اكثر الوظائف تتطلب بكلريوس
اذا جيت بماجستير ممكن يقولون انك over qualified for the position
وتروح فرصتك او انهم ما يحسبون لك الماجستير

اذا انتوا مالكم مستقبل
من له مستقبل


انتوا الكل بالكل في شركات البتروكيميكال

واكيد لكم مستقبل افضل من اي واحد فينا

 

اضرب الحديد وهو حامي​

ترا الدنيا سهالات

وما شاء الله ما دام انك توك فرش جراد ومن الخارج
امورك ان شاء الله ميسره

حلاتها اول 5 سنين عمل
تتبهذل بهذله لكسب الخبره والعلم بس والله لها طعم خاص بعد ما تشوف كيف بنيت نفسك

قدم اوراقك من الان والله يوفقك ويرزقك الذريه الصالحه والمال الحلال
ولا تخاف تخصص مطلوب

 

فيه ناس كثير وقعوا عقود وهم باقي طلاب على وشك التخرج

اسأل عن يوم المهنة متى وحاول تحضره او تنسق مع احد الاخوان يوزع السي في حقتك عليهم