بعض الاستفسارات عن العمل في المناطق النائية في أرامكو - موضوع يهم الجميع - آمل الدخول

بحكم واحد اعرفه يشتغل بشيبه شخصيا قالو انو الطياره مافيها رحلات الى الرياض لذا اغلب اهل الرياض يتعبون في شيبه بسبب ان اقرب مطار له مطار الحسا ومن بعدها يروح لاهله بالسياره ... بنسبه للنقل الى المدن لازم بديل في الغالب او ان الاداره تعطيك ريليس وتشووف انت اي اداره تبغاك وحسب ماسمعت الشي هذا مو سهل مره والصوره ماتكون واضحه في البي دي بي يعني بعد البي دي بي ممكن توضح الصوره وتعرف انك دائم في شيبه لكن الرجال مرتاح فيها على انه متزوج وعنده عيال ومو شايل هم رمضان بحكم ان ارامكو معطيتهم بيئه عمل احلى من المدن والشغل طويل لكنه موزع على الوقت مافي ضغط في الغالب وتقريبا يجيك 70% الى 60% من راتبك الاساسي في الصراف نهايه الشهر كمجموع لانو تشتغل اوفر تايم الدوام ينتهي 6 المغرب يعني عندك ساعتين كل يوم اوفر تايم ماعدا يوم الخميس علشان تروح تركب الطياره تطلع تقريبا3 او 1 بعد الظهر انا ماذكر انه يقول كل شي موفر لي غسيل ملابس واكل مجاني وانترنت يعني اذا انت عزابي ماتفرق توكل على الله وربي يوفقك وعقبال لنا وياك يارب

هذا اللي اعرفه اتمنى اكون افدتك

 

ياخي اسألتك كثير بس واضح انك محتار وتفكر بعنف فلجلك تكرم مداين


1. هل العمل دائم ؟ بمعنى انك من اول يوم لك إلى اخر يوم في مسيرتك الوظيفية راح تكون في منطقة نائية ؟ ( مثال : يعني شخص تعين في الشيبة ، هل معناها انه سيظل في الشيبة أو أي منطقة نائية أخرى إلى أن يتقاعد ) ؟

هذا يعتمد ع القسم اللي انت ترجع له لكن بالغالب لا ماراح تموت في قسمك لكنك ايضا بالغالب بتعشش خصوصا اذا كان القسم خاص بالمنطقه ,,, مثال
انا اشتغل بحرض وتعتبر منطقه نائيه لكن قسمي الاساسي بالعضيليه وراح يرجعوني العضيليه اذا زنيت عليهم او اذا هم يبون فمصيري ارجع
بينما احد اصدقائي بشيبه هذا هو المثال للي بيعشش ,, لان اسم القسم حقه شيبه للانتاج يعني مركزه واساسه وعقله وقلبه بشييه فبيعشش سنين وسنين الى ان الله يفرج عليه او يسحب عليهم والسحبه اسهل واقرب



2. هل صحيح انه النقل صعب وربما مستحيل من المناطق النائية للمدن ؟

صعب وبعنف وتعتمد ع الحظ كثير

3. هل صحيح انه أرامكو تتعامل مع الموظف بأن مقر اقامته الدائم هو الدمام ؟ و خلال اجازة نهاية الاسبوع الطائرة
تنقله للدمام فقط ؟ ولا تنقله للرياض أو جدة ؟

فيه شيء اسمه Days off وشي اسمه Family residence
بكل المناطق النائيه رجعتك بالويكنؤ او الاوف للدمام وبعضها يضاف لها الاحساء مثل شيبه وحرض هاذي days off
نظاما يحق لك رحلة وحده بالشهر لمكان اهلك ,, وغيرها دبر عمرك هاذي family residence

4. اذا كان اجابة السؤال ال 3. هي نعم تتعامل مع ان مقر الاقامة الدائم هو الدمام .. كيف لمن هو من الرياض او من جدة بأن يستغل الاجازة الاسبوعية لزيارة اهله ؟ كلها يوم واحد ؟!!!!!!

وضحت لك فوق لكن هاذي تعتمد عالمنطقه احيان اذا تبي اهلك
مثلا خريص تعتبر منطقه نائيه مثل حرض مثل شيبه تناجيب الخ
لكن يميز خريص وحرض ان فيه باص يطلع الساعه 11 صباحا يوم الخميس للرياض فيسهل عليهم كثثيير رجعتهم لاهاليهم بينما باقي المدن يا انك تتكي بالدمام او الاحساء او الله يهينك تدق خطوط او طيران ع حسابك

5. با افتراض أني من مدينة الرياض و اعمل في أي من المناطق النائية .. و أهلي في الرياض .. و زوجتي تسكن وتعمل في الرياض .. هل يسمح لي بأن آخذ القرض السكني واشتري منزل في مدينة الرياض ؟ أو انا ملزم بالمنطقة الشرقية ؟


اشتر به بالقمر يا رجل بس خله يجي D:
.

6. سمعت ان بعض المناطق النائية يكون الدوام فيها للمهندس هو كالتالي : .. اسبوعين او ثلاث عمل .. واسبوع اجازة .. وهكذا .. ،، ماهي هذي المناطق ؟

على قولة فارس عوض و هذا مالا طاقه لي به يا ريال , اي ملكي وعظيم يستفز ( انبراشه ذي )
يا صاحبي مدري والله بس بالغالب لا
لان سمعت مره السوبرفايزر يتكلم انها زمان كانت موجوده بس بطلوها لان العالم وسوست خصوصا اهل الاوف شور بالبحر يقولك الجماعه فلسعو وضربتهم الجنون بروسهم

7. سؤالي للمهندسين العاملين في المناطق النائية .. هل ممكن تصفون لنا حالكم أو حال من تعرفون ؟ كيف يرتب بين عمله وحياته الاجتماعية وخاصة اذا كان متزوج ؟؟ .. هل يقضي اغلب عمره بعيدا عن أبنائه ولا يراهم الا يوم واحد في الاسبوع ..هذا ان حصل أساسا ؟؟

الاماكن اللي مريت انا فيها عايشه بروحي وابيها بس لكن منطول بنهايه العالم وكنت خايف لاتجيني لحظه ايأس واطش ام البطاقه بوجيههم < خذها بوضعيه الموال

امزح امزح بس ياخي ليه محسسني اننا بدون ام وابو وقاعدين نبكي عالاطلال من نوصل لين نرجع
ياخي الحياه حلوه حتى لو الواحد ماكل تراب عادي ياخي
انا اعرف نااس كثير مببسوطين وناس طفشانين
عملك ياصاحبي من 6 الى 6 هذا بيوم الاثنين الثلاثاء الاربعاء واحيان كثير يقل اذا تعرف تبزوط باحتراف
يوم الاحد دوامك من 2 الى 6 يعني 4ساعات
يوم الخميس من 6 الى 10 تقريبا يعني 4 ساعات
انا عن نفسي اشوف ان شغلي وسط الاسبوع فقط احد وخميس ماحسبها لان العالم كلها بالرؤساء ماهم معترفين فيها كايام شغل يادوب تقرا كم ايميل وترد وتشرب شاهي الا خلصنا
الخميس الظهر عند اهلك وترجع ظهر الاحد يعني الويكند 3 ايام تماما كمالا

نرجع للكآبه اللي انت مقتنع اننا فيها
ارجع من الدوام 6 واناا بالسكن تقريبا اريح شوي ثم الجيم وبعدها عشا ثم جمعات الشباب بالديوانيات بلوت مباريات بلاي ستيشن او مسبح او بليارو تنس الخ واذا انت من اهل الروقان فيه مقاهي شيشه طبعا فيه ملاعب قدم سله طياره يد
واذا انك من اهل القهوه الساخنه في مكتبه حقين موسوسين بس ياولد ماسمع صوت لا دخلتها رغم انها مليانه تقول اصنام
وفيه حلاق اذا انت راعي ستايلات بس نصيحه لاتجرب
المجاني ,, اكلك شربك غسيل ملابسك ترتيب غرفتك وحوستها( انا بيحطون ترتيب غرفتي برسوم والمبلغ عباره عن راتب كامل , مسكين ياهو يكرف عندي )
طبعا السكن نظيف والنت ممتاز
الاكيد مابتجي الساعه 11 او 12 الا وانت راقد
بينما الشيخ الذيب انا للحين مادري وش يسهرني الى 2 واصبح من 5 ونص شكلي يا اني احب وانا مدري او اني استخدم ممنوعات بطريقه ماني عارف لها
الزبده الوضع مريح للعزابي بشكل كبير لكن فيه متزوجين كثير واشوفهم عادي
وعالطاري ياخي المطعم ابلشنا دايم يسوي الغدا بيوم الخميس بحري وروبيان وهيك شغلات وش علمهم ياجماعه الربع

اتمنى ان تثروا الموضوع بردودكم .. فالموضوع مهم لكل مهندس و يحتاجه أي مهندس تخرج مسبقا أو سيتخرج خلال الفترات القادمة

الأكيد اني اثريت ابو ام الموضوع والله يكتب لكم اللي فيه الخير اجمعين
المهم يا اخواني الصغار ( والكبار عشان ماحد ينشب )
لاجاك العرض استخير ثم استخير ثم استخير
وقبل الفايده الماديه فكر هل انت بتتحمل الغربه ؟
والله هذا السؤال اهم من الراتب
ماهو عيب لو صارحت نفسك وتقول كفايه غربة الجامعه ,, ابي اكون قريب امي او اهلي او زوجتي او حتى اصدقائي
ارامكو وغير ارامكو ماعطوك مزايا لسواد عيونك
يبون يخلونك تتخلى عن اشياء لاجل الغربه
فانت احسبها صح وفكر فيها من كل النواحي ولا تصير مثل الخبلان اوووه بيجيني راتب 15 الف او 20 الف وانا فريش ,, ا
احسب مكاسبك وخساراتك بالعقد واللي تميل له الكفه درعمليهو
فاحسبها صح يابرنس يا قدع


والله يوفقكم اجمعين

و دعواتكم تهمني
​

 

اخوي راموس شكرا لك ويرحم والديك على المعلومات هذي وكفيت ووفيت والله يوفقك يارب

 

ألف شكر راموس أستفدت من ردك كثير رغم أني بشركة غير أرامكو بس شغل كله فيلد .. جزاك الله خير

 

يبيلك تشيك بالنسبة لمكان قرض السكن.....اول كان عادي انك تشتغل بالشرق وتبني بالغرب بس الحين اسمع اقوال متضاربة كثيرة وسياستهم الحالية غير واضحة بالنسبة لي

 

Remote filed party

[COLOR=#009900 !important]mobility

هذي بالضبط ما أدري شمعناها ..بس أتوقع انها وصف لطريقة عمل ال pmt ، حيث أنهم دائمو التنقل.
[/COLOR]​