بـ وجــهة نــظرك .. ماهي افضل طريقة لـزيادة دخـلك الشهري ..

موضوع اكثر من رائع اخي الكريم ، وبصراحه فكرت فيه كثير

من جد سلفه الـ 840 هذي مرا ما تكفي ، وانا كل مره ابي اشتري لنفسي اشياء مقدر وامنع نفسي عشان بس اقول خل الفلوس تكفيني لين نهايه الشهر

ياليت لو نشوف حل .. الشباب الي عندهم حلول لا يبخلون علينا

 

سائق تكــسي ، ( ليموزين )
حر في وقتـك ، والإجازات مثل الأعياد الناس تحتاج السوق وانت كجامعي يعطونك اجازة تجي بوقتها صح

 

فكرة جرّبتها فترة وكانت جيّدة .
التجارة .

تجيب بضائع بتكلفة منخفضة من تجّار صينيين على موقع Ebay .
وتبيعها في Kfupm market في الفيس بوك أو هنا في منتدى الجامعة .

تبيعها بسعر أقل من السعر المحلّي لكنّه أعلى من سعر التكلفة ، فيكون الربح للبائع والمشتري .

تحتاج منك .:
* صبر .
* رأس مال .
* مخاطرة شويتين .
* فيزا وبريد ووووو ... الخ .

 

وظايف الجامعه للعمل الجزئي كويسة .

 

أهمية التحكم في ميزانية الطالب الجامعي
سبق وتطرقت لموضوع مشابه في الرابط اعلاه [/B][/SIZE][/COLOR][/FONT]

 

فكرتك ، جيده بس مخاطرتها مرا كبيره

احنا نبي شي نضمن فيه الشغله والفلوس

 

حاول تسأل عن الوظائف الجزئية في الجامعة و في المحلات الي برا الجامعة. أنا شفت طلاب يشتغلو في محلات عطور في أمواج مول (الي فيه مكتبة جرير).
أتوقع ممكن كمان تلاقي وظائف جزئية في بندة و مكتبة جرير.

روح اسأل والله يرزقنا ويرزقك بالحلال

 

فين طلاب الماليه نبا افكارهم

 

امممم انا عندي مشاريع كنت اسويها بس بعضها كان فيه مخاطرة ... قد اشتغلت تاكسي بس ما ناسبتني المهمة لان سيارتي V8 وتشفط بنزين بكثرة وقد مرة اشتغلت في بيع الليازر الخضراء والزرقاء كنت اسافر للكويت واجيبهم من هناك الواحد بـ 80 او 100 وابيعهم بـ 250 او 200 ومررة اشتغلت مع شركة الرفاعي بس دوامهم متعب صراحة دوام 8 ساعات ويوم اوف .. وسلامتكم

 

بسبب الإنشغال بالدراسة وأن كل وقته في الجامعة ما اشوف الا انه يقدم خدمات لها علاقة بالجامعة مثل
- تدريس كورسات يواجه فيها الطلاب صعوبات او دورات قصيرة لبرامج يحتاجها الطلاب في دراستهم لمدة اسبوع او اسبوعين بحيث ماتشغلك عن دراستك طول السمستر .
- توصيل الطلاب في فترات محددة من السنة عشان ماترتبط بذي الشغلة وتأثر عليك في دراستك .
- البارت تايم في الجامعة .
تشتري من على النت للطلاب وتاخذ عمولة
مثل :
http://www.stkfupm.com/vb/showthread.php?t=111270
او تشتري من النت بعض الاشياء الي مب متوفرة وعليها طلب من الطلاب وتبيعها بسعر يناسبك ويناسبهم لكن هالشي يحتاج رأس مال ...

وفي النهاية احب اقول حتى وان كان دخلك اكثر من الـ 840 راح تضطر انك تمنع نفسك من بعض الأشياء عشان تقدر تجمع المبلغ الي انت محتاجه لشغلة معينة لكن الي يفرق هي مدة الي تقعد تجمع فيها المبلغ ..
ولازم تضحي بشي اما جزء من وقتك اوتمنع نفسك من بعض الأمور..
توفير جزء من الدخل الأساسي + دخل اضافي + انتظار = تلبية احتياجاتك

 

الزهد في الحياة,,,, وهو مبدأ ديني يربي الفرد على عدم كثرة اقتناء ماليس لك حاجة فيه والاقتصاد في المشتريات,, سواء في الأكل والشرب أو الملبس أو التقنية........
والله أفضل طريقة للتعامل مع الحياة لأنها طريق حكمة وسد النفس عن كثرة الشهوات بأنواعها, والاقتراب من الله تبارك وتعالى أكثر بالرغبة في الأخرة والاستغناء في حاجتك الدنيوية بدل الاسراف,,, وفوق ذلك ان زاد عندك فلوس من نهاية الأشهر أو السنة تستطيع أن تشتري جهاز جديد أو استغلها في الخير وتصدق منها وخذ حاجتك منها فتحقق الغاية الدينية الألهية (ويؤثرون على أنفسهم ولو كان بهم خصاصة) فتكن مثل ذلك العبد المتدين والانسان الذي فيه فهم سبيل الحياة والقرب من الله, فتكن ذو بصيره تطبق الدين ففهمت الحياة...

هذه مشاركة لطيفة,,,,, وبلاشك الاستثمار طريقة وهناك آخرى, ولكن سبقونا عليها الشباب فأحبيت أن أشارك بجديد,,,,
والزهد لا يعني ابدا الفقر وانما الاقتصاد الأمثل في الحياة, تستطيع أن تغير نوع أكلك بدال ماك أو غيره , الى أشياء أخرى,,, تستطيع أن تشتري ملابس جيدة من محلات كثيرة مثل ثوب ب 100 ريال خياطة, أو بدل من سيتي سنتر أو ماكس كويسة وحلوة, عوضا عن الماركات الغالية جدا مثل آرمني أو ثوب ب 300 ريال أو غيرها التي يتهافت عليها ناقصي العقول,,, لا حرمنا الله واياك عقولنا

 

ي الطيب والله حتى ماتكفي الاكل افرض اقل تقدير مع انه مستحيل تصرف في اليوم 30 ريال بس غدا وعشا وكفتيريا بتصرف 900 ريال ب الشهر!!! ناهيك عن البنزين ادوات النظافة الاغراض الشخصية غسيل الملابس غراض المكتبة ويجي ايام تبي تطلع تتمشى تغير جو وووو والله 1500 ويالله يالله

 

+1



لصاحب الموضوع صراحه انا ما قد اشتغلت برى الجامعه ولا بعمل حر مثل البيع بالنت والمنتدى او تاكسي لكن الي اعرفه حالتي الماديه كانت صعبه من الاوريا لين اول ترم بالجبل

انا اضن ان افضل طريقه تزيد فيها دخلك الشهري هي العمل الجزئي حاول ترفع معدلك اعلى واكرف واضغط على حالك ترم وتشتغل مصحح وترتاح الترم الي بعده
وبنظري انت اكاديمي واذا تعشق العمل الاكاديمي راح تحب وظيفه مصحح او مراقب مختبرات

ثاني شئ بالمعدل وعملك الاكاديمي وجدك واجتهادك تقدر تلتحق ببرامج ارامكو وسابك وشلمبرجير وانت سفامور الي بين الجامعه والشركات الثلاثه ذي ورااااح ترتااااااااااااااح ويسير راتبك في رينج 4500- 5600 وانت لسه طالب

بالتوفيق للجميع يا رب

 

صدقت والله هي ابد ماتكفي ولها أكثر من حل مثل مطعم الجامعة كخيار مثلا ,,,,, لكن الحل الأمثل لها يصححها ب 90% بصراحة نطالب بزيادة في المكافئات!!! الى 1500 وكم مره تناقشنا أنا وواحد من الشباب في هذا الموضوع. وقلنا 1500 كويسه لو تصير......
وبالرغم الطلاب اللي برا زادوهم وياخذون أكثر الله يرزقهم,,,, ولكن مو كل مره يزيدونهم عشان ابناء المسؤلين كلهم برا وطلاب الداخل مالهم شي ابدا؟؟؟

بصراحة من ناحية العمل أنا طالب علم ما أحب اشتغل عن الدراسه, ولابد يكون لنا زيادة تغنينا عن العمل وقت الجامعة....... ونترك العمل الجزئي لغيرنا اللي محتاجه أكثر....

 

are you serious???!!?!!?!!?!!?!!?!!?!

 

فعلا وضع الطلاب المادي بالجامعات السعودية مزري خصوصا طلاب السكن ,,

انا عن نفسي بطني مايتحمل أي اكل , يقلب علي اذا اكلت اكل غير نظيف واتعب باقي اليوم ,,

فيوميا اصرف على الاكل من 30 إلى 60 ريال على حسب المطعم ,,
وغسيل الملابس شهريا يكلف 150 ريال تقريبا ,, وفاتورة الجوال 100إلى 150 شهريا ,, وهبقات الويكند

هذا غير اغراض النظافة الشخصية والاشياء الطارئة احيانا ,,

يعني اصرف شهريا 1500-1700 ريال هذا وما جبت سيارة للآن وبدون صرفية البنزين !!

لكن مثل ماقالو الشباب لو كانت المكافأة 1500-2000 ريال اشوفها كااااااافية جدا وممتازة لتلبية جميع احتياجاتي وراح تكون مصدر راحة لي للتركيز على الدراسة والدفارة بدلا من عيشة الفقر والتقشف والتقيعط وحساب الميزانية كل يوم


انتم متصورين ان هالمكافأة 990 تصرف من وقت الملك خالد مدري فهد وخلال هالسنين تدبلت الاسعار وطارت في السماء ومكافأتنا الأبو كلب مازادت ريال لا وياخذون منها 150 للسكن بعد !!

ياخي العمال والخدامات رواتبهم من 1500 وانت طالع ويعتبرون فقراء ويعطون زكاة ,, اجل حنا وش نصير

والله ما راح يضر ميزانية الدولة 0.001% اذا زادو مكافأة طالب الجامعة 500 ولا 1000 و 2000 ريال بالعكس هذا بيكون اهم وافضل استثمار لدعم جيل المستقبل لبناء الوطن


والله يكتب لنا الخير جميعا