بكل صراحة

ومين قال لك ان جامعتك العزيزة افضل جامعة في الشرق الاوسط؟؟؟

ابغى مصدر هذي المعلومة...
لا تقول يقولوا ولا كلام جرايد..

انا اعرف انه يتداول ان الجامعة افضل جامعات الشرق الاوسط.. وكل الكلام بناء على تقييم موقع webmetrics
وهذا التقييم هو للمحتوى الذي تقدمه الجامعة على موقعها.. يعني ماله اي علاقة بتقييم البرامج الاكاديمية والبحثية للجامعة...

وهذا الموقع http://www.webometrics.info/top100_continent.asp?cont=meast

 

طبعا الجامعة قامت بعدة محاولات لرفع تقييمها بعد التقييم السابق واللي كان على ما افتكر حول 2800

فأول خطوة سوتها الجامعة عمل هذا الموقع http://ocw.kfupm.edu.sa/

وبرضه عملوا مسابقة لافضل موقع للدكاترة... طبعا بنود التقييم تعتمد قريبا على نفس بنود تقييم موقع الويب متركس
وهي عدد الصفحات وعدد ملفات rich content مثل الباوربوينت والبي دي اف...
ويمكن تشوفوا تقييم المحتوى لمواقع الداكاترة عن طريق الرابط هذا: http://www.kfupm.edu.sa/webhelp/Statistics.aspx

 

بصراحه انا اشوف انها مش الافضل بل لا تستحق ان تكون بين الافضل

و ابسط سبب هو عدم احترام حقوق الطالب واهمها هو خصوصية الطالب



بالتوفيق ....

 

^
وش دخل ذي بالبرامج الاكاديمية ؟

 

برأيي الموضوع خطير

وتبي الصراحه حتى لو كانت الجامعه الأولى فهي الحين بوضعها الحالي شكلها بتصير الأولى من ورا


الموضوع حامي مررره

وعلى ما أظن انه الجامعات الاسرائيليه أقوى جامعات في الشرق الأوسط << بينضرب

ليش ما يصير مذكرة تفاهم بيننا وبينهم ؟؟ << بتنضرب وبقوه

 

يارجال اهم شي تتخرج وتتوظف

والله مافكرت احسن جامعة ولا لا

واهم شي انو الشركات عارفين اننا احسن طلاب

بيباي

 

دائما تفاحة غيرنا أحلى من تفاحتنا !!


بالطبع أرى kfupm هي الأفضل لي

 

looool

 

على الأقل جامعتنا أفضل جامعه في المملكة العربية السعودية وتخرج اجيال مؤهلة للرقي بالمجتمع والشهادة معترف بها على الاقل في الشرق الأوسط <--- ماني متأكد من هالمعلومة

يعني هالجامعه تستاهل ان الواحد يترك أهله عشان يجي يدرس فيها

وتمنياتي لجميع خريجيها بالتوفيق ،،

 

صدقت وربي لما نزل هالتصنيف المره السابقه وكانت الجامعات السعوديه متأخره فيه قعد الكل يهاجم الجامعات وجامعتنا خصوصا والكتاب والصحافه ولما نفس الموقع صنف جامعتنا على انها الاولى في الشرق الاوسط والثالثه على مستوى آسيا ماشفنا احد كتب يمتدح الجامعه وحتى البحوث الهندسيه حققت المرتبه 96 عالميا من احد المنظمات البحثيه الهندسيه ماشفنا من يمتدح الجامعه ويثني عليها بوسائل الاعلام .. وللاسف بعضنا حنا يالطلاب من نحط من قدر جامعتنا ..

عموما التصنيف يخضع لضوابط اهمها الاعتماد الاكاديمي للبرامج الجامعيه من هيئات دوليه ( وطبعا الاعتماد مايجي بسهوله حيث تجي جهات محايده تقيم برامجك الجامعيه ماهي بسالفه انك تقدم عليهم وتاخذ اعتماد ,, لابد ان هالجهه نفسها هي من تراجع هذه البرامج . والحمد لله برامج الجامعه معتمده من هيئات دوليه ومصنفه من منظمات مثل ( الايبت ) وايضا جهات اخرى متخصصه ..
للاسف البعض يقيم الجامعه من زاويه ضيقه وشخصيه بحته يعني اذا سمحوا لسياره المغسله والا المطعم انها تجي عند باب غرفته صارت احسن جامعه بالدنيا ..

بالامس تاخرت المكافاه يومين فقط او بالاصح يوم ونص وكانها متأخره شهرين وبدا الهجوم كالعاده ونسينا انه بيوم من الايام لما تأخر نزول المكافاه من وزارة الماليه سارعت الجامعه باقتراض مكافات الطلاب وانزالها لهم بموعدها ...

وجامعتنا من وجهة نظري افضل جامعه عندي ويكفي تلهف الشركات عليهم والعروض
التي تنهال عليهم من اكثر من جهه .. من داخل المملكه وخارجها ( هناك من الخريجين يعملون في شركات دوليه بالولايات المتحده واوربا وشرق اسيا وهذا يعني احترام هذه الجهات للجامعه وبرامجها واعترافها بذلك ) ..

والملاحظات الحاليه التي تشوب السكن او بعض المرافق باذن الله راح تنتهي مع اكتمال السكن الجديد .. وخدمات كثيره متوفره محروم منها كثير من زملائنا في الجامعات الشقيقه ..

جامعتنا مهضومه اعـــــــــــــــــلاميا وبقوه الى الامام ياجامعه التميز

​

 

سنا البرق انت والله هذا التفكير التمااااااام

يا شباب احمدو ربكم على النعمه الي انتم فيها والله الكل يتمنى يدرس مكانكم لو يضطر يدفع مو يستلم مكافأه

وبعدين للمعلوميه الكتب الي معكم هي نفسها الي تدرس في الجامعات الامريكيه

اي واحد يقدر يدخل على موقع اي جامعه ويشوف الكروكلم وتوزيع الكورسات والكتب راح تحصلونها ذا سيم

طبعا عتبي الوحيد انو فيه مدرسين ما هم قد سمعة الجامعه لكن المدرس يشكل 30% من فهم الماده

لو الواحد اعتمد على ربه ثم على نفسه و تابع دروسه اول بأول صدقوني ما راح تفرق معاه اي مدرس

وزي ما قالوا الشباب الحمد لله سمعة طالب البترول ما عليها غبار واغلب الشركات تعطيك الاوليه

يا شباب اعملوا الاسباب واجتهدوا وخلوا الباقي على ربكم ترى هو الي يرزق مو الشهاده
مجرد وجهة نظر ​

 

كلاااام فاضي ... اول و اخر ... انته في السعوديه .. يعني اهم شي تدرس علشان تحصل وظيفة علشان تاكل و تتزوج و تربي عيالك و تموت و انته مستور ... مو مهم ايش ترتيب الجامعه و ايش تخصصك حتى ...

 

صدقت يا أخي العزيز , نحن لا ننكر وجود نماذج من الخريجين , لا تمثل الجامعه في سوق العمل ولكن هذه ظاهره صحيه لأن الأستثناء يؤكد القاعده و لا ينفيها. و هذا ليس رأي من درس في الجامعه أو تخرج منها و لكنه رأي مسؤلي التوظيف بالشركات. من ناحية التصنيف في الشرق الأوسط , نحن مظلومون اعلاميا - خارجيا - و للأسف الصوره لا تنقل بشكل سليم من وزارة التعليم العالي حسب اعتقادي.
الآن معي بالعمل خريجين من اعرق جامعات بريطانيا و اوروبا - خواجات - و لكن مستواهم قريب مني جدا و أثناء المناقشات معهم و جدت ان الجامعه بها فقط بعض البيروقراطيه خصوصا في الدراسات العليا.و للعلم أنا درست ايام ما كان الدكتور الدخيل مديرا للجامعه - الله يسامحه - ( لحقت على الدكتور البكر في الأوريا و الفرشمان - على ما أعتقد, الكبر شين ) و أجزم ان الدكتور السلطان هو نقله نوعيه اداريه بالجامعه - الله يوفقه - و أنا واثق ان الجامعه من احسن للأحسن ان شاء الله و في مسار التصحيح للأخطاء الأداريه - فقط و ليس الأكاديميه - لأنه ماشي على خطه مدروسه ولكن البناء اصعب من الهدم. و بعدين لا تشغلوا أنفسكم بالتصنيف و أحسن جامعه و غيره من "الكلام" لأن طلاب و خريجي جامعة الفهد متعارف منهم انهم اهل "الأفعال" و الأنجازات و غيرهم يلهث وراء الأعترافات و التصنيفات زي اللي يقولك و الله أنا ممتاز , حتى شوف !

و أسلموا لأخيكم

 

اذا افتى الكبار يبتعدون الصغار
ما شاء الله كلام الاخ Chemical-983 و والاخ سنا البرق جميل جدا ...
للاسف -ومن خلاص خبرتي المتواضعة في الشرقية فقط- جامعتنا سبب استضعافها في السوق امرين اثنين
1- الطلاب الضعيفين اللي ينشرون دائما-حتى لو توضفوا في مكانات جيدة نسبيا- ان العيب من الجامعة و سبب نزول معدلة الجامعة و ..و... و..
2- الاعلام "البغيض" حيث لا يفكر ابدا علميا ....قليلا ما نسمع عن جريدة مثلا تنقل اخبار واخر انجازات جامعات المملكة بشكل عام و الفهد بشكل خاص

واحب اضيف نقطتين مهمتين جدا:
1- الفاشلين اللي انطردوا من الجامعة او سحب ملفة بعد ان كان علي ابواب الطرد يقومون ببث الشائعات و القاء اللوم علي الجامعة ...خصوصا ان بعضهم يجد في كلية اخرى و يحصل علي معدلات عالية و بعدين يقول شوفون انا نجحت هنا يعني الغلط من الجامعة و الناس ياغافلين لكم الله ...لم ينضرون الي الفرق بين الجامعة القوية و الكلية البسيطة بل وصل الامر الي البعض من هذه النوعية الي القول: ان كل طلاب الجامعة معقدين ...
-انا اسميهم بالفاشلين لانهم في الحقيقة هم الذين جنوا علي انفسهم و لم تجني عليهم الجامعة-
2- كثر من الناس دائما يقولك امريكا احسن وايضا الشركات ...مع ان لو نلاحظ قد يكون طالب البترول احسن من من في امريكا ...ولكن للاسف يقدم اللي في امريكا ...
و انا اقول لو يجيون لينا ماء من امريكا فلنا انه احسن من مائنا

 

سأبقى معتزا بجامعتي حتى لو قيل عنها انها الاخيره لاني عرفتها جيدا.فلا يهمني ما يقال بلا ضوابط.