بوادر نجاح تستقبل تجربة دمج طلاب الصفوف الأولية مع الطالبات

موضوعك جميل وانا مؤيدين هالحركة

وبانتظار نتائجها بأذن واحد احد

ولـكن اتوقع النجاح لجميع المدارس في جدة وكم مدرسة بالرياض والشرقية


والله يطول بعمر الملـك عبدلله

التطور من كل مكان ولله



عشووق

 

?????????????????????

 

خطوه جميله جدا

 

سلامتك

بس

شوية

مستغرب

 

ابي اعرف شي واحد ... وش الهدف من البوادر اللي زي هذي ..؟؟
هل لما يتحقق نجاح الطلاب في مثل هذي المدارس راح يعمموها على جميع المدارس وكافة مراحل التعليم على المدى البعيد..؟؟

 

بالنسبة لـ هذي النقطة أنا معها .. المعلم ماعنده صبر على المبزرة .. و اذا ما صار رايق نزل الطلاب يلعبون كورره ..

 

خطوة جيدة المفترض تتعمم على كل المدارس ومايدرس الطلاب من 1 الين 3 الا النساء وحتى النساء يجب ان يختارونهم بعناية مو اي امرأة ناجخة في التربية والتعامل مع الاطفال ..

واذا كان ولا بد رجال لازم يعيدون النظر في المدرسين الرجال اللي يدرسون الاطفال ويغيرونهم باستمرار عشان لا يملون من المبزرة .. اخبر مدرس وانا اولى ابتدائي حالته جدا صعبة كان يظرب باي شي ويدخل يصيييح في الفصل والكل كان يسكت يوم يحظر لدرجة انه الكثير تبول لا اراديا على ملابسه وكل هذا تحت اطار التربية الصالحة على باله ان التربية كذا وفيه كثير مازالوا على هالنظام التربية في نظرهم ان الولد لا يتكلم ويجلس ساكت ولا يفتح فمه بكلمة ولما يكبر الولد يقولون ليه انت انطوائي وليه عندك تخوف من الكلام وليه فيك كل الامراض النفسية وليه وليه وليه .. والجواب واحد ( انتم السبب )

 

دريت اني ما ادري وش رائيي.......؟؟؟
لاكن الموضوع لا يخلو من الكثير من النقاط الايجابية
على ما قالو تجربة ويرفعون تقارير
والله يوفق لما فيه خير
...................................

 

للتصحيح : يصقله ..​

 

اما اللي جاب الفكرة هذي نقول بصوت واحد الله لايعطيه العافية

الحين نعاني من الطلاب المستبنتين والبنات المسترجلات فمابالك اذا تم الخلط بينهم في هذا الوقت

المبكر يصير الواحد بنننننت برخصة واستمارة...

يوم انهم سمحوا بالاختلاط في جامعة الملك عبدالله قامت الدنيا وقعدت والحين يرون فكرة دمج الصفوف

الاولية فكره جيده ومن التطوير سبحان الله عقول مقلبة كليا ..الرجال اللي الواحد يعرف الصح من الغلط

واللي يسيطر على نفسه يخافون عليه..

اما الطفل اللي تعتبر المراحل الابتدائية هي بداية تربية وقيم ومبادئ بالنسبة له يعودونه على الاختلاط

وعادات البنات وحركاتهم.. اضف لذلك حاجة كل جنس لنوع خاص من التربية والتعليم واللي عنده اخوان

صغار او اولاد اخوان وبنات اخوان يعرف الفرق بين طرق التعليم والتربية بين ذكور الاطفال واناثهم..

 

اخلاص بروح افصل من الجامعة واسجل بالابتدائية

متى وتندمج الجامعات ؟
علشاااااااااااااان ندوام كل يوم ولا نمل من الدراسة ونجيب اعلى المعدلات

 

صراحة انا مع الفكرة 100%

كرهت الابتدائية وعمري من المدرسين الي شفتهم فيها وكانت فتره صعب

الله يكون معهم في هذي

 

كلنا درسنا في روضات فيها اختلاط وحريم يدرسون ما اتانثنا

ولو ان الخبر مو خاش مخي ابد واجد صعوبة في تقبله لكن هذا لايلغي وجود بعض المنافع الايجابية

 

فكرة ممتازة

 

والله الفكره زينه اخوي الصغير في ثانيه ابتدائي واسم المدرس مشبب و يبطهم بط ما هو بصاحي لكن لو فيه مدرسه اكيد بتكون الطف و تعاملها ازين بواجد لكن لا يجيبون مصريات و بس

 

خطوة مباركة..

ولنمحنها فرصة التجربة ولا نحكم عليها بالإجهاض مبكرا،، كون تربينا على مبدأ أن المرأة كلها عورة. وسد الذرائع في كل شيء حتى جوالات الباندا.. التي اكتشفنا فيما بعد أنها تستطيع تصوير الكعبة واستقبال مقاطع للشيخ سعد البريك.

إضافة إلى أن المرأة هي خير من يفهم الطفل ويصبر عليه ويلبي رغباته. فإنها فرصة للنشء ذو العقل الفطري أن يرى المرأة التي ليست من المحارم في موقف مهذب بعيدا عن الصورة القذرة الموجودة في عقول الكثييييير. أن يترسخ في ذهنه صورة المرأة التي تعطي بعقلها وليست مجرد جسد يلبي الرغبات.

للأسف فإن العقلية الجمعية لدينا ملوثة جدا بصور عن المرأة لا تتعدى السرة إلى ما أعلاها.. آمل أن تكون هذه التجربة في حال نجاحها بإذن الله نبراسا لإعادة الصورة إلى بروازها الصحيح.

 

بيض الله وجهك .. كفيت و وفيت