[color=00CC00][align=center]بسم الله الرحمن الرحيم[/align][/color] [align=center][/align] [align=center] [color=0066CC]يا الله حيهم يا هلا والله ومسهلا يا هلا والله ومرحبا اقلطوا تفضلوا الله يحيكم يا مرحبا يا مرحبا[/color] [color=009900]القهوة يا ولد يالله حيهم صب لعمك ياولد[/color] [color=009966]اقدعوا اقدعوا يالله حيهم صب الشاهي يا جوهر صب الشاهي الله يصلحك[/color] [color=CC0033]وش ذا الله يغربلك يا قليل الحيا[/color] [color=009999] قلَّت الأباريق؟! رح جعلك المتسوى (دعوة حتى يمرض فيكوونه) شف ذاك البريق جبه[/color] [color=669966]اقلطوا الله يحيكم على قل الكلافة هذي والله الساعة المباركة الله يحيكم في محلكم يا هلا والله ومسهلا تفضلوا تفضلوا[/color] [color=0000FF]مهوب حقكم والله وحقكم أكبر [/color] [color=009933]بردوا على تسبودكم[/color] [color=CC0000]وش ذا يالخسيس ، رح الله يمحط عمرك الله يخزيك يالسرسري اثره صادق اكسبلست ما كذب فيكم يالبنقالية رده جعلك الصلاح جايبن لعمامك دوا الشياه ؟! [/color] الحلا يدفع البلا الله يدفع عنكم البلا حلوا [color=00CCFF]يا هلا والله ومقربا يا مرحبا يا مرحبا[/color] [/align]
الغرض يا إخوان من ها الديوانية هو لمتكم والتعرف عليكم فمنها نسولف بالسواليف اللي ما تستاهل موضوع ينفتح عشانها ومنها طرح الطرائف من المواقف والنكت ومنها ننشر في المنتدى من أرياح الطيب والتسامح والإخاء فهذا الغرض من هذا الموضوع وأبداكم بقصيدة جازت لي في مدح الدخاترة ، وأهديها لمهندس المستقبل ولا يهون إخواني أعضاء المنتدى : عبرت من قــــلــبن تــزايد لهــايــبـــه ××× ودمعـــي على خــدي تناثر سكايبه سهرت اللــيالي أطلــب العلم والعـلى ××× ومن يبـــتغي مــجـــدن فلا بد جايبه لكن صروف الدهــر ما تتـــرك الفتــى ××× تنشب بحــــلــقه وتعـــقل ركايبـــــه أنخى أبو حسني رجل العلم والأدب ××× أستــــاذنا الــلي عــــلينا جمـــــايله أعمال الســنة نبــيها كاملة يالغالي ××× والامــتحان تسهل عليـــنا صــــعايبه والاسئـــلـــة بــعـــها ونوفــيك حــقها ××× ونــعطيك فوق الحق فديو وشرايــطه ونـــــدعي لــــكم ولـــسابع جـــدكم××× ونقول عـامن مضى هانت علينا مصايبه وسلامتكم ،،،
ههههههههههههههههههههههههه الله يقطع ابليسك يا شيخ!! تراني اخق على جلسات التخييم اللي زي كذا لا تغريني يا رجُل!! .. من جد اذا تبي تدخلني جو حطني في جلسات زي كذا.. على فكرة: موضوعك حلو لكن مكانه ساحة العقلاء
ايش هادا يابويا ...ايش بيت الشعر هادا ...مانعرفو اقولك يبويا ترى ورايا ميجر اليوم بس حبيت اترك بصمتي المميزة
[align=center][/align] أقلك يا بويا بلاش لطش من الساحات ... إيوه يبو عمير الحركات هادي نعرفها تمام ... بالتوفيق إن شاء الله
روح جاي يا زلمــــه الله مير يحييك وش ذا القهاوي وش ذا العلوم السنعه والله انك رجال سنع بالحيل بالحيل <---ll خش جو ( ذكرتني بالسلقلق والملقلق)
الله مير يسلمك هذا من طيبك وطيب أصلك وأهلك يلله عطونا سوالفكم ، على الطاير بدون كلفة. هذا سلمكم الله واحدن يحرج ابرد تسبدك بريلين ، ابرد تسبدك بريلين ... قلنا بنشوف وش ها اللي يبرد التسبد بريلين تسبودنا حايمة من الأمن ومن الموظفين نبي نبرد تسبودنا ... وإلاه قصمنجي يحرج على خيزران تحية إكبار للقصمان
حيا الله ابو عزيز صراحة انك كلّفت على نفسك ياخي ماله داعي كل ذي الكلفه !! وحنا اهل و اخوان و ما بينا هالرسميات (( COE )) على العموم كثر الله خيرك و سعدنا بمعرفتك يالغالي وتشكر على موضوعك الرايع والى اللقا .............!
هذا سلمك الله في السعودية !! الموقع اللي أخذتها منه يقول صور من السعودية وهو موقع أمارة الرياض الله يسقيها بمزون رحمته. الجبل + النخلة + بيوت طين = ؟؟ أخبر نوعية ها الجبل في الديار اللي على طريق الحجاز وكذلك في الطايف والجنوب ولا أدري عن الحوطة وما جاورها ، لكن النخل وبيت الطين تضيف استفهامات وعقد عكسية!! وصلة معرض الصور http://www.imaratarriyadh.gov.sa/saudia_thumb2.htm
[color=0066FF]""أراك [color=006600]عصي الدمع[/color] شيمتك الصبر **** أما للهوى نهي عليك و لا أمر بلى أنا مشتاق و عندي لوعة **** ولكن مثلي لا يذاع له سر إذا الليل أضواني بسطت يد الهوى **** و أذللت دمعا من خلائقه الكبر تكاد تضيء النار بين جوانحي**** إذاهي أذكتها الصبابة و الفكر معللتي بالوصل و الموت دونه **** إذا مت ظمآنا فلا نزل القطر حفظتُ و ضيعتِ المودة بيننا **** و أحسن من بعض الوفاء لك العذر و ما هذه الأيام إلا صحائف **** لأَحرفها من كف كاتبها بَشر"" [/color] [color=006600]آخر بيت يصلح توقيع!! ما به كلفة حقكم مثل ما قلت أكبر والله يحييك ويحيي أهل التخصص معك تحية المزن المطيرة. صدقني سرني مرورك ويسعدني رجوعك!! [/color]
[align=center]بشرط يجي ها الرجال الطيب اللي في التوقيع!! والله يستاهل الله يحييكم هذوليهم ينتسبون (يكبون ، يغرفون) العشا [/align]
المهلي ما يولي وشلونكم .. عساكم بخار .. عسى ما تعدون خلاف على احد .. ايه نسيت وانا اخوك, جاد الله علاكم .. جاد الله على من تكّلف .. (أكلكم طِعِم << اقسم بالله سمعتها من واحد قدامي خخخخخخ ) يبو عزيز .. هماني قايلّك البنقالة لا تقربهم .. انت وش قَرَدك يابن آخي << مسوي كبير عليك :D وبعدين شفت القصيدة اللي صقعت بها اخونا "عصي الدمع" ,, ترى ماهي راكبه على بيت الشعر .. يعني عطنا من قصايد بن لعبون نمشيها .. واقسم بالله ياني اعرفلك شيبان لو تقولهم "كيف الحال؟" ما يدري وش تقول ... يعني لازم تطلعها من مخرج معين علشان يفهم: شحالك ؟ .. وانت تكتب عربي فصيح ... وييييييييين يبو .. ( ملاحظة: تصدق يبو عزيز لو عندي ربع "روقانك" تحصلني مغطي على انشتاين )
[color=0033FF][align=center]يالله حيهم يا هلا ومسهلا يا مرحبا يا مرحبا هذا حنيني بالفرن مسويته الرفلا خبركم بنات ها اليومين ما حولك أحد ما علمتهن امهاتهن القرص المجمور والمرقوق ما يعرفن إلا للبيق ماك والببس هذا نقنقة عقب المغرب تفضلوا ثم نكمل علومنا مع الطيبين [/align][/color]
[align=center][color=0033FF]لا لا محلك لا تقوم تعش تعش وأنا أخوك منيب ذايقه إلين تعشون سؤال على الطاير/ وأنا قاعد أحدث الملف الشخصي لقيت خانة وصف العضو الجديدة مدري هي تطلع لكم بعد ولا لا؟![/color][/align]