أحورُ المقلةِ معسول الـلمـى ... جال في النفس مجال النفس سدد السهم فأصمى إذ رمى ... بفـؤادي نبلة المفـترس دوك يا العود
ممكن سؤال ! . . وخاطري في : اجابـهـ شفي خفوق من سبابيكـ " مجروح " اللي ّ يغيب , ولا يبرر . . غيابـهـ ْ لـهـ حق يشره | لو رجع مالقى روح ؟!
تدري وش أصعب شيء في عآآلم الحب ... إنك تجآآهل من يحبّــك و يغليــــك الشـــوق نـــــــآآر ٍ في فــــــؤآآد المعذّب ... و الله ثم و الله ثم و الله أغليــــك
انـا علـى حطّـت يــدك مجنـونـك ... هذي هي آهاتي وذيك اشعاري اشـعـاري الـلـي نصـهـا بعـيـونـك ... والنص الآخر في جفاك ونـاري الا على طاري الجفا... .. .. .. .. .. .. .. .. وشلونك؟؟ ماعد تهمك يالقطوع اخباري؟؟؟؟؟؟؟؟؟؟؟؟؟
اذا اردت ان تكون انساناً سعيدا لا تقف كثيراً ذكريات الماضي (: ولا تلهث خلف انسان لا يفكر فيك... هل سمعت عن شخص مات من فراق شخص . دمعتين وووبس يا عين لاتبكين .. والحمد لله على اروع النعــــــــــم نعمــة النسيان ....
روحـي فمـان الله ورعايـه الله مع السلامه رافقتـك السلامـه .! و انـا ليـا غنـّا المغنـي لليـلاه جريت صوتي في طويـل العدامـه وغنيت لك ياتل قلبي من اقصـاه و لاحيت مع وجه العصير الحمامه ! وضحكت من (دوّر حبيبك وتلقاه) القاه عند العـرض يـوم القيامـه روحي و خلي مـن نثر لك بقايـاه يمضي عليه العمـر عامـه بعامـه يومٍ بقايـا دمعتـه فـي مصـلاه يبقى لهـا لا دار يومـه علامـه ! و يومٍ بهامه بيـن راحـة شفايـاه من لوعة الفرقـا يعضـه ندامـه و يوم يفضفض للمكـان و زوايـاه عن كل شي و لايكمـل كلامـه يصيح صيحة من غوالـي دنايـاه ما منهم اللـي جبـر الله عظامـه حزنه من اقصى طعنةٍ فـي حنايـاه ما جابتـه سبابتـه مـن بهـامـه تمره اغلـى الذكريـات و تعـداه و يموت بيـن الكبـر و الإنهزامـه ما في الضلوع الا متاهه و مضمـاه و ما في العيون الا زراقـة غمامـه ! رعاه همـك ليـن بيـح خفايـاه و اصخوخفت روحه و زاد احتدامه ادنى ما يزعل منه و ادنـات مرضـاه مثل الغرير اللي على اول فطامـه و ان هب نسناس الهبـوب و تمثنـاه في ليلٍ اغوى العاشقيـن بظلامـه يسري و لا يدري على وين مسراه و يسرح و رقـّـاد الضحى فـي منامـه كم لي و انا ألوم الزمـان بسوايـاه و لا أحر من جمر العتـب و الملامـه إلا ظروفٍ ترخي متون و جبـاه تختار معهـا الـذل و إلا الكرامـه لو انهـا بالمـال و الوجـه والجـاه كم مـن سنافـيٍ مقامـي مقامـه لكنهـا رحلـة ضيـاع ومعانـاه يقضي بهـا المغـرم بقيـة غرامـه اللي علـى ربـه مماتـه و محيـاه وعلى رقبة غاليـه ذنبـه و اثامـه من كثر ما يبدي على الناس شكواه ما عـاد ياجـد هيبتـه و حترامـه بحاول انسى ما حصـل و آتناسـاه و اظهر من الدنيا برجـل العمامـه احتاج وجهٍ بسمتـه فـي محيـاه حاجة فقيـر راس مالـه حزامـه يقول ياويلي علـى المـال ويـلاه واقول ياويلي على الابتسامـه ..! من أروع مآآآآ كُـتب للشآآعر \ مدغم أبو شيبة
وعليكم السلام ورحمة الله وبركاته اسمحو لي يالربع اقمز لها الشايب الله لايهينكم .. حيا الله اخونا كيميكل عودنا يا هلا بك والله .. يا الله عساك دايم بخير .. اخبارك واخبار النمسا والزنجبيل ومروخ الفقس ؟
بارك الله فيك يا شيخنا و رفع الله قدرك ..... طال عمرك نقلت من النمسا , أخوك يعمل في الجزائر حاليًا , أنهيت عام تقريبًا. فكنا الله من المروخ و البرد و لله الحمد , و رجعنا لمناخنا الطبيعي , الحر و السموم , نسأل الله السلامه دوك هذي الأبيات الملطوشة ( و في روايه المَزروفة ) .... للشاعر بديوي الوقداني العتيبي حتى يفرجها الكريم و نصمل على النبطي أيامنـا والليـالـي كــم نعاتبـهـا*شابت وشبنا وعفنا بعـض الأحوالـي تاعـد مواعيـد والعاقـل مكذبـهـا*واللي عرف حدها من همهـا سالـي إن أقبلت يوم مـا تصفـي مشاربهـا*تقفي وتقبل وما دامـت علـى حالـي فـي كـل يـوم تورينـا عجايبـهـا*واليوم الأول تراه أحسن مـن التالـي أيـام فـي غلبهـا وأيـام نغلبـهـا*وأيام فيهـا سـوى والدهـر ميالـي أعرف حروف الهجاء بالرمز وأكتبها*عاقل ومجنون حاوي كـل الأشكالـي لاشك حظـي ردي والـروح متعبهـا*ما فادني حسن تأديبي مـع أمثالـي إن جيت أبي حاجةٍ عـزت مطالبهـا*العفو ما حد عن المخلـوق بيسالـي قومٍ ليـا جيتهـا صكـت حواجبهـا*وأبدت لي البغض في مقفاي وإقبالـي ياحيف تخفى أمـورٍ كنـت حاسبهـا*واللي على بالهم كلـه علـى بالـي والجار جافـي وكـم قـوم نحاربهـا*والأهل والأصحاب والـدون والعالـي والروح وش عذرها في ترك واجبها*راح الحسب والنسب في جمع الأموالي المـال يحـي رجـالٍ لا حيـاة إبهـا*كالسيل يحي الهشيم الدمـدم البالـي عز الفتى رأس ماله مـن مكاسبهـا*يامرتضي الهون لا عـزٍ ولا مالـي لا خير في ديرةٍ يشقى العزيـز إبهـا*يمشي مع الناس فـي هـمٍ وإذلالـي دارٍ بها الجـوع دايـم مـا يغايبهـا*والجوع فيها معه من بعض الأحوالي جوعـا سراحينهـا شبعـا ثعالبهـا*الكلـب والهـر يقـدم كـل ريبالـي دللت بالروح لين ارخصـت واجبهـا*وأنا عتيبي عريـب الجـد والخالـي قومٍ تدوس الأفاعـي مـع عقاربهـا*لها عزايـم تهـد الشامـخ العالـي لا تعمـر الـدار والقالـه تخربـهـا*بيع الردي بالخسارة واشتـر الغالـي دارٍ بــدارٍ وجـيـرانٍ تقـاربـهـا*وأرضٍ بـأرضٍ وأطـلالٍ بأطـلالـي حـث المطايـا وشرقهـا وغربـهـا*وأقطع بهـا كـل فـجٍ دارسٍ خالـي واطعن نحور الفيافـي مـع ترابيهـا*وابعد عن الهم تمسي خالـي البالـي مـع كـل عمليـةٍ تقطـع براكبهـا*فدافـد البيـد در هـامٍ وزرفـالـي لو مـت فـي ديـرةٍ قفـرٍ جوانبهـا*فيها لوطي السباع القبـس مدهالـي اخير مـن ديـرةٍ يجفـاك صاحبهـا*كـم ذا الجفـا والتجافـي والتعلالـي ما قرت الأسد فـي عالـي مراقبهـا*تسعى للأرزاق ما حنـت للأشبالـي و سلامتكم
متأكد انك منتب في الامم المتحدة ولا الاستخبارات المنيبقايلية؟ من السعودية للنمسا للجزائر بسم الله علينا حتى بانكي مون ما جال ها لجوله .. الله يسكن عنك بس قل امين .. ومن قال سالم .. صح لسانك وسلم الله قايلها ..
ودي احط لايك عليهن كلهن بس المنتدى يقول عط غيره قبل تعطيه مرتن ثانية .. عموما تراي استعمل اللايك لاني احس انه يكفي ويوفي بعض الاحيان عن كلمة صح لسانك وحلوة ويازينها زيناه .. حياك اخوي رعوش بدايتك حلوة