تأثير مشروع التخرج على المسار الوظيفي

وعليكم السلام ، ممكن يأثر لكن هالشي يعتمد على الجهة الي بتقدم عليها ، بعض الشركات يهمها بس التدريب وبعضها تهتم لأدق التفاصيل حتى بمشاريع التخرج ،

طبعا التأثير اقصد فيه تأثير إيجابي يعني مثلا لو ركزت على الفلويد وسحبت على بقية المجالات مايعني انه خلاص مالك فرصة في المجالات الثانية.
ممكن لو حصلت لك فرصة مرتبطة بالفلويد ، مشروع تخرجك بيعطيك الأولية بين المتقدمين خاصة لو صغته بطريقة ممتازة و تلفت النظر.

مثلا واحد من الشباب كان مشروع تخرجه Smart Irrigation System وفيه اتوميشن و قدم على شركة هندسية في يوم المهنة و اكتشف بعد شهر من بدايته معهم إن قبوله وترشيحه للمقابلة كان بسبب مشروع التخرج لأن هذا مجال الشركة.

نصيحة لو مشروعك كان ممتاز أو فاز بمسابقة او شاركت فيه ، فمايمنع تخلي فيديو الديمو للمشروع على صفحتك في linked in في قسم ال projects
ماتدري يمكن مسؤول توظيف او مسؤول في شركة يطلع على حسابك ويعجب فيه ويتواصل معاك
وهالشي مب مقتصر بس على طلاب الهندسة حتى تخصصات الحاسب ، مثلا لو كان مسوي تطبيق او مصمم موقع فليش ما يخلي رابط التطبيق او الموقع بجانب اسم البروجكت وتحته شرح لبروجكت.


و إن شاء الله بقية الشباب يفيدونك أكثر.