تجربة طالب قريب للتحويل : )

الموضوع في 'ساحة كليات المجتمع وبرنامج الدبلوم' بواسطة wwmohammedww, بتاريخ ‏2 فبراير 2017.

  1. wwmohammedww

    wwmohammedww عضو

    انضم:
    ‏9 يوليو 2016
    المشاركات:
    13
    التخصص:
    N/A
    الجامعة:
    N/A
    سنة التخرج:
    N/A
    الجنس:
    ذكر
    التقييمات:
    +11 / 0 / -0
    السلام عليكم ورحمة الله وبركاته ...

    ترددت كثير قبل ما اطرح هالموضوع بسبب عدم تحويلي لاكن قررت اطرحه علشان اعرض تجربتي عليكم واعطيكم الاغلاط الي سويتها وتتجنبوها ان شاء الله.
    أولا: هذا موقع الكلية Dammam Community College ملاحظه مهمه الي يدخل المجتمع مايقدر يقدم على البترول السنه الجاية
    شروط المطلوبه تكون متخرج هالسنة او السنه الي قبلها و لازم تجيب ف رياضيات C انجليزي 00 و 01 C
    تقدر تحول من اول سمستر للطلاب الجدد وسمستر ثاني للطلاب الجدد .
    اول ماتنقبل راح تجيك رساله اختبار تحديد مستوى للانجليزي لاكن اذا كان عندك اختبار توفل او ايلتس تقدر تشيل الانجليزي بس على ما اعتقد يبغون درجه معينه علشان تشيل الانجليزي كامل.
    المهم بعد هذا قبل الدراسة بيوم راح يرسلوا لك رساله للجدول علشان تشوفه وتفعل حسابك فالموقع
    والجدول ينقسم الى قسمين للي عنده انجليزي راح ابتدي من الافضل ثم الاسوأ:كاك:
    1- من 8 الى 3 هذا افضل جدول : )
    2- من8 الى 5 هذا اسوا جدول وهذا الي جاني كان كريه على حده مع بريك 3 ساعات يوميا.
    ------ الي مخلص الانجليزي راح يداوم بس ساعه وحده يوميا للرياضيات
    الحين نجي على جو الكليه وما ادراك ماجو الكليه:)
    اول يوم الكل بيقول انا الي باحول باحول وبعد اول ميجر ماث او برقرس انجليزي بيقولوا العكس (البعض)
    وراح يستمر الخوف والتوتر وكل انواع المرض الى نهايه السمستر.طبعا لازم تكونوا بعيدين عنهم السلبيين لانه راح يحبطوكم تحبيط مب صاحي:) .
    طبعا الكليه متر فمتر مايحتاج اقول عنها شي.:كاك:
    ثانيا: الاساتذه او الدكاتره المجتمع.....
    خلونا نتكلم عن دكاتره الرياضيات افضل ثلاث دكاتره شفتهم
    1-نزار عابد
    2-علي موسى
    3-ماهر نور
    هذولا افضل دكاتره الباقيين طيبين بس شرحهم : (

    الحين نجي لدكاتره الانجليزي .....
    اكثر الدكاتره الي مايمديك تأمن او تثق فيهم دكاتره الانجليزي لاتسمع منه لمن يقولك انا بازودكم او من هالقبيل لاتثق فيه ابد وصارلي نفس الشي معاهم وثقت فيهم وبعدين صار الي صار : ) فنصيحه اتعب على روحك في الانجليزي وجيب درجات بنفسك ولا تعتمد عليهم

    ثالثا: كيف اذاكر واستعد للكلاس تيست وميجر وفاينل الماث؟؟!
    دايما حاول اذا مافهمت شي روح للدكتور في ساعه المكتبيه وراح يساعدك ويفهمك ان شاء الله ودايم لاتنسى الكتاب ثم الكتاب ثم الكتاب ثم اود اكزام ادهم ثم اولد اكزام مياجر البترول الي فموقعهم ولا تنسى البراكتس براكتس براكتس وراح تشوف المياجر سهله بإذن الله انا كنت اسوي كذا وجبت درجات حلوه :) ( راح احط روابط المهمه فاخر الموضوع)

    طيب الحين كيف نذاكر انجليزي ؟؟! ( بس لاحد يثق بطريقتي 100% وراح اذكر الاخطاء الي وقعت فيها )
    فالانجليزي 00 : راح يكون سهل مره لانه القرامر مره مره بسيط و الفوكاب ماهو صعب حتى رايتنق عن اشياء سهله و الريدنق واللسننق شبه مباشر ماهو صعب عندك فنهايه كتاب هيدواي كتاب الطالب عندك كلمات لازم تحفظهم كلهم وعندك بعد قرامر هناك انا كنت اذاكر القرامر طبعا لاتستسهل الشي كثير لانه في الاختبار يحطوا تركات كثيره اهم شي الانتباه..
    انجليزي 01:هل مره ماعندك كلمات فاخر الكتاب فيه كتاب يعطوك اياه اسمه ريدنق اكسبلولر هذا فيه كلمات بلون الاحمر والازرق هذولا لازم تحفظهم كلهم لانه 100% راح يجوك في الاختبار والقرامر موجود فاخر الكتاب وانتبه القرامر مكثف مو زي 00 وحاول تدرب على القرامر علشان لاتطيح فالتركات الي يحطوها فالاختبارات.

    الحين خلونا نجي على الاغلاط الي سويتها ف01
    ماكنت اتجهز للسننق كانوا يجيبوا من الكتاب بعض الاحيان وغير كذا علشان تعود اذنك على اللغه
    وماكنت اعرف للريدنق لانه كان الدكتور لازم تفهم كل حرف كل شي فالقطعه وتفهم الكلمات على السياق وماكان يعلمنا الدكتور بطريقه ممتازه لانه كان سيئ جدا
    لاكن كنت اجيب درجات حلوه في القرامر و الفوكاب او يندرجوا تحت مسمى USE OF ENGLISH كنت اجيب دررجات حلوه مع الرايتنق
    عموما الي يبي يدخل المجتمع لازم يشد الهمه وينتبه من لفل 00 لانه راح تضيع شهرين لانه لو تبتدي ف01 ورسبت فيه يمديك تعيده على اخر شهرين ويتعدل القريد عندك
    رابعا:المواقع الي فادتني كثير فالرياضيات
    الكلاس تيست ماث 001 او فالمجتمع 011
    PrepYear Mathematics : DCC
    مياجر البترول
    http://www.kfupm.edu.sa/sites/pypmath/SitePages/en/ContentDetailsPage.aspx?CUSTOMID=3&LinkID=GetNestedMenus302
    انصحكم تتدربون كثير على المياجر راح تفيدكم كثييييير مره

    خامسا:توزيع الدرجات في الرياضيات و الانجليزي
    الرياضيات :::::
    واجب اون لاين عليه 6%
    الحضور 2%
    ميجر 1 و2 20% 20%
    كلاس تيست 1 و2 8% 8%

    الانجليزي:::::
    بروقرس تيست 1 و2 على الواحد 10%
    المد ترم 18%
    سبيكنق 1 و 2 على الواحد 5%
    هوم ورك اون لاين 5%
    هوم ورك (workbook) عليه 2.5%
    effort او المشاركه وكذا عليها 2.5%

    اخر شي راح اذكر قريدات الي اخذتها

    الرياضيات: B وكان باقي درجتين على B+ ^ـ*
    الأنجليزي 00: c
    الأنجليزي01: D+ وكان باقي لي 2او3 واجيب C

    وكان افرج ال00 01 67 والرياضيات 60 ستاندر الc

    فالختام اتمنى من الجميع التوفيق وحياة جامعية موفقه ان شاء الله ^ــ^
     
    • x 7 إعجاب إعجاب
  2. شدعوه

    شدعوه مشرف سابق

    انضم:
    ‏12 يوليو 2011
    المشاركات:
    5,723
    التخصص:
    Control & Instrumentation Engineering
    الجامعة:
    Kfupm
    سنة التخرج:
    2017
    التقييمات:
    +2,765 / 2 / -20
    يعطيك العافية , كفيت و وفيت .
     
  3. wwmohammedww

    wwmohammedww عضو

    انضم:
    ‏9 يوليو 2016
    المشاركات:
    13
    التخصص:
    N/A
    الجامعة:
    N/A
    سنة التخرج:
    N/A
    الجنس:
    ذكر
    التقييمات:
    +11 / 0 / -0
    الله يعافيك

    وان شاء الله يكون الكل استفاد من الموضوع ولو بشكل طفيف :)
     
  4. sultan alshehri1

    انضم:
    ‏3 يناير 2017
    المشاركات:
    34
    التخصص:
    السنة التحضيرية
    الجامعة:
    البترول والمعادن
    سنة التخرج:
    1443
    الجنس:
    ذكر
    التقييمات:
    +9 / 0 / -0
    ماشاء الله تبارك الله تجربه رائعه

    بس حاليا ماارح تحول صح :(

    وش بيصير معك حاليا

    وفقك الله صديقي
     
  5. wwmohammedww

    wwmohammedww عضو

    انضم:
    ‏9 يوليو 2016
    المشاركات:
    13
    التخصص:
    N/A
    الجامعة:
    N/A
    سنة التخرج:
    N/A
    الجنس:
    ذكر
    التقييمات:
    +11 / 0 / -0
    باكمل سمستر الثاني و احتمال اكمل دبلوم او احتمال اطلع اروح جامعه ثانيه
     
  6. faisalcom2008

    faisalcom2008 عضو

    انضم:
    ‏1 أكتوبر 2010
    المشاركات:
    261
    التخصص:
    Electrical Engineer
    الجامعة:
    KFUPM
    سنة التخرج:
    2016
    الوظيفة:
    طالب بترولي
    الإقامة:
    الظهران
    التقييمات:
    +20 / 0 / -0
    كفيت ووفيت، بالتوفيق ان شاء الله.
     
  7. علي النزر

    انضم:
    ‏1 أغسطس 2017
    المشاركات:
    2
    التخصص:
    هندسه
    الجامعة:
    كلية المجتمع
    سنة التخرج:
    1438
    الجنس:
    ذكر
    التقييمات:
    +0 / 0 / -0
    طيب انت يعني ممتاز في المدرسه او جيد جداً او كيف وظعك عشان انا بدخل وابي احول؟؟؟ واقدر احول في السمستر الثاني؟؟
     
  8. wwmohammedww

    wwmohammedww عضو

    انضم:
    ‏9 يوليو 2016
    المشاركات:
    13
    التخصص:
    N/A
    الجامعة:
    N/A
    سنة التخرج:
    N/A
    الجنس:
    ذكر
    التقييمات:
    +11 / 0 / -0
    كثر ماراح تشد حيلك راح تجيك نتايج ترضيك ان شاء الله بس ان شد حيلك فالماث والانجليزي وراح تحول ان شاء الله
    انا اتوقع ذكرت فالموضوع عن جدولي كان من 8 صباح لين 5 المغرب وكان متعب بالنسبه لي لانه ماكان اقدر اذاكر او ارتاح فنفس الوقت كان لازم بعض الايام انام او اجلس اذاكر
    وفي الاجازه اذا كان فيه ميجر او بروقرس او مدترم انجليزي ماكنت اطلع ايام الاجازه علشان اجلس فيها اذاكر انت سو مثلي واحسن بعد
    وذكرت انا فوق اسماء الاساتذه الممتازين فالرياضيات

    والانجليزي انصحك اذا ماتعرف انجليزي استغل الاجازه خذ كتب اصحابك اذا كنت تعرف احد فالبترول من قبل وذاكرهم
    او ابحث من النت راح تحصل

    او انه تجلس فالسمستر الاول فكليه ثانيه مثل الجبيل او جامعه او اي مكان ثاني يعطيك انجليزيه حلوه اول سمستر بس بعدين اطلع وقدم عالمجتمع سمستر ثاني
    ويمديك تحول من سمستر الثاني

    وموفق ان شاء الله
     
  9. علي النزر

    انضم:
    ‏1 أغسطس 2017
    المشاركات:
    2
    التخصص:
    هندسه
    الجامعة:
    كلية المجتمع
    سنة التخرج:
    1438
    الجنس:
    ذكر
    التقييمات:
    +0 / 0 / -0
    بس كيف ع السكن يعني انا من الاحساء وابي ادخل المجتمع بس كيف ع السكن قريب بعيد غالي ولا وكيف احصل ناس اشترك معاهم؟؟
     
جاري تحميل الصفحة...

مشاركة هذه الصفحة