تجربتي في التدريب الخارجي - اليابان

الموضوع في 'قسم التدريب التعاوني والصيفي' بواسطة شدعوه, بتاريخ ‏6 سبتمبر 2016.

  1. #1 شدعوه, ‏6 سبتمبر 2016
    آخر تعديل: ‏6 سبتمبر 2016
    السلام عليكم ورحمة الله وبركاته ,

    حبيت أشاركم تجربتي في التدريب الخارجي بالتحديد في شركة JGC في اليابان والموضوع راح يكون عن :

    1 - مقدمة عن الشركة .
    2 - إجرائات الجامعة / إجرائات الشركة .
    3 - معلومات عن التدريب .
    4 - الحياة العامة في اليابان و الأمور المتعلقة بالسكن والمكافأة .

    واسف اذا كان الموضوع فيه تفاصيل كثيرة لكن لاحظت بعض الشباب يمكن تتوفر له فرص تدريب برا السعودية لكن لأنه خايف او ماعنده فكرة عن الوضع برا يهون و يرفض الفرصة .


    (( موضوع ثاني فيه كل التفاصيل المتعلقة بالتدريب الخارجي وطرق التقديم والشركات و تفاصيل أكثر ))

     
    • x 9 إعجاب إعجاب
  2. #2 شدعوه, ‏6 سبتمبر 2016
    آخر تعديل: ‏6 سبتمبر 2016
    1 - مقدمة عن الشركة :
    الشركة هي شركة EPC (Engineering,Proucrment Construction ) Q عالمية و متخصصة بتصميم وتجهيز وإنشاء منشئات النفط والغاز وحاليا هي تشتغل على مشاريع كثيرة ومنها مشروع مصفاة جازان . الشركة الأم JGC له شركات تابعة ومنها شركة JGC GULF International ومقرها في الخبر. وهذا الرابط فيه معلومات أكثر عن الشركة و مجالاتها About JGC | JGC CORPORATION

    ملاحظة : الشركة الي تنسق مع الجامعة هي JGC GULF International لكن التدريب يكون في الشركة الأم JGC في اليابان .
     
    • x 5 إعجاب إعجاب
  3. #3 شدعوه, ‏6 سبتمبر 2016
    آخر تعديل: ‏11 يناير 2017
    2 - إجرائات الجامعة / الشركة .
    طريقة التقديم : في نهاية الأسبوع العاشر من السمستر الثاني القسم يرسل للطلاب المرشحين للتدريب رسالة عن فرص تدريب بشركة JGC فيها شروط القبول في التدريب الخارجي بالإضافة لشروط الشركة .
    الشروط غالبا :
    - سعودي الجنسية ( شرط الشركة )
    - معدل 3 ( وأحيانا 2.75 )
    - ما سبق للطالب إنه طلع في برنامج التبادل الطلابي أو زيارات دولية
    - افرج قريداته في الانجلش C+

    وهذه هي رسالة من قسم الهندسة المدنية :


    بعد اسبوع القسم يرفع أسماء الطلاب المرشحين لإدارة التدريب و عمادة شؤون الطلاب . وبعدها راح يطلب منكم سكرتير إدارة التدريب نسخة من الـ cv والجواز والأحوال عشان يرسلها للشركة .. بعد أسبوعين راح تتواصل معكم الشركة ويسون معاكم مقابلة في مقر الشركة بالخبر . ( مكان الشركة )

    المقابلة : تكون على حسب تخصصك وعدد الطلاب المرشحين معك : تقريبا المرشحين كانوا 6 طلاب
    3 طلاب من الهندسة المدنية : سو لهم إختبار يتكون من 3 أقسام لها علاقة بالأساسيات في CE201/CE203/ وعن structural steel لو جبت درجة سيئة في قسم structural steel علم الموظف إنك ماخذت الكورس . بعد الإختبار فيه مقابلة بسيطة والاسئلة فيها كلها شخصية مثلا قد سافرت لليابان أو برا السعودية ؟ , أهلك راضين إنك تدرب برا ؟ وش تعرف عن اليابان ؟ والهدف منها يعرف إنك مستعد وعادي عنك تطلع تدريب برا أو لا . ( طالب بس الي انقبل من الـ 3 )

    طالب من الهندسة الميكانيكة : المقابلة كانت شخصية وما سو له إختبار . ( مقبول )
    طالب من الهندسة الكهربائية : المقابلة كانت شخصية وماسو له اختبار . (مقبول )
    طالب من هندسة نظم التحكم والقياس ( انا :khotrah: ) : المقابلة كانت شخصية وعن بعض أساسيات التخصص بدون اختبار . ( مقبول)

    نصيحتي في المقابلة حاول تبين له إنه عندك فكرة عن برنامج التدريب عندهم و أقسام الشركة وأنك مرن من ناحية التدريب برا السعودية وعندك فكرة عن الحياة في اليابان . اطلع على هذا الملف فيه نبذة عن الشركة وبرامج التدريب (link )
    نتائج المقابلة تعتمد على موعد المقابلة أنا علمني إني مقبول بعد المقابلة على طول أما الشباب الي من الهندسة المدنية بعد أسبوعين ردوا عليهم .

    بعد النتائج راح تبدأ اجرائات الشركة وفي نفس الوقت اجرائات الجامعة لكن عشان تكون الصورة واضحة راح اذكر اجرائات الشركة اول شي :

    اجرائات الشركة : ( الشركة متعاونة جداً والاجرائات سهلة جداً لكن السلبية الوحيدة هي لأن الاجرائات كانت على نهاية 152 فيمكن تضطر تراجعهم في الاجازة بين 152 و153 . )

    - بعد القبول بفترة راح يجتمع معكم موظف HR عشان يعطيكم فكرة عن البرنامج ويعطيكم خطة التدريب و تجيبوا معاكم : الجواز & الترانسكربيت & صور بقياس معين والصور بدون غطاء رأس .
    - الفحص الطبي كان مطلوب العام الماضي لكن هذي السنة ما كان مطلوب وعلى العموم لو كان مطلوب راح يعطيكم اوراق الفحص الطبي عشان تسونه في الجامعة.
    - قبل اسبوعين من موعد الرحلة راح يسلمكم الـ certificate of eligibility ماراح تقدر تدخل اليابان بدونها .
    - قبل أسبوع من التدريب راح يجتمع معاكم ويعطيكم اوراق عشان الفيزا وقبل اسبوع من موعد الرحلة راح يسلمكم الفيزا .
    - يوم الرحلة في الصباح راح يجتمع معكم ويعطيكم بعض الأوراق تحتاجونها اذا وصلتوا اليابان مثل عنوان السكن ( عشان تعبي الفورم الي يطلبه منك مكتب الهجرة او شرطة المطار ..) و رقم الموظف المسؤول عنكم في اليابان .
    - راح يحددون لكم رحلةمعينة تحجزونها وغالبا تكون من البحرين الى اليابان وعلى طيران الاتحاد (طريقة الحجز في القسم الجاي)
     
    • x 5 إعجاب إعجاب
  4. #4 شدعوه, ‏6 سبتمبر 2016
    آخر تعديل: ‏7 سبتمبر 2016
    اجرائات الجامعة ( و ما ادراك ما اجرائات الجامعة :/: )
    واقصد بإجرائات الجامعة هي : اصدار التذاكر ( أمر الإركاب ) & تسليم مكافأة التدريب الخارجي ( 3000 للسمر و 10000 للكواب )

    وأعتذر اذا كان هذا القسم طويل شوي وغير منظم لكن السبب إن 3 أسابيع كنت اراجع الجامعة وكل شخص يحولني على شخص وكان الوضع سيئ وفي النهاية ما خلصت الاجرائات الا بعد مارفع واحد من الشباب معروض لمدير الجامعة .
    - إذا كنتوا قروب فيكفي إن واحد منكم بس هو الي يتابع الإجرائات لأن اوراقكم مع بعض واسمائكم موجودة في نفس ورقة أمر الإركاب
    - لأن الفرص هي عن طريق الجامعة واسمائكم واصلة لإدارة التدريب من د.طلال خروبي فما يحتاج تعبون اي فورم ومتأكد من كلامي ( الا اذا قالوا لكم ادارة التدريب او قسمكم طلب منكم فورم معين وللأسف اغلب الأقسام ماتعرف الاجرائات وتطلب فورمات مالها داعي )

    - الشركة بترسل اسماء المقبولين لإدارة التدريب وبعدها راح تبتدي إدارة التدريب بإجرائات إصدار أمر الإركاب : ( أمر الإركاب بإختصار هو عشان تدفع الجامعة قيمة التذاكر) : وسمحوا لي أفصل في موضوع أمر الإركاب لأن الجامعة بهدلتنا عكس الشركة الي كانت متعاونة جدا.

    - أمر الإركاب يروح لأكثر من إدارة : إدارة التدريب و عمادة شؤون الطلاب و مدير الجامعة و قسم الميزانية والمراقب المالي ومكتب السفريات في مبنى 9 !!! وعشان ما تتعبون مثل الي صار لنا فهذي هي الطريق الأفضل عشان تخلص اوراقك وتستلم التذاكر .

    - قبل شهر من بداية التدريب راجعوا سكرتير قسم إدارة التدريب ( الفلبيني ادوارد ) وسئلوه وين وصل امر الإركاب واسئله اذا كان لازم تراجع بقية الإدارات بنفسك او لا .. على العموم اذا قال لك وصلت اوراقك لمكتب السفريات فأعرف انك لازم تراجع بقية الإدارات .

    - تروح لمكتب السفريات وتطلب أمر الإركاب ومعاها قيمة التذاكر وموافقة مدير الجامعة وشؤون الطلاب .. تالي تروح لسكرتير إدارة التدريب وتعطيه أمر الإركاب وتالي تسلمه لسكرتير عميد شؤون الطلاب وتعطيه أمر الإركاب عشان يوافق عليه العميد وهم راح يرسلونه لقسم الميزانية.

    المفروض قسم الميزانية يخلص الاوراق في يومين بالكثير لكن راح تأخذ اكثر من اسبوعين على الاقل حتى لو راجعتهم و السبب الي يقولون لك اياه هو ان فيه مشكلة بالميزانية فإذا كان باقي اسبوع على التدريب و ما خلص أمر الإركاب اكتب معروض لمدير الجامعة واشرح الوضع وراح يخلص امر الإركاب .. بعدها تأخذ أمر الإركاب وتسلمه لمكتب السفريات عشان تحجز من الدمام الى مدينة التدريب . لكن اذا كان موعد رحلتك قريب من موسم سفر مثل عيد الفطر فنصيحتي حاول تخلص اوراقك من فترة طويلة لأن أمر الإركاب فيه مبلغ معين للتذاكر وهذا المبلغ ما راح تحصله الا عند الخطوط السعودية وفي الاجازات ماراح تحصل مقاعد وبقية الشركات أسعارها اعلى من المبلغ في أمر الإركاب فراح تضطر ترجع لقسم الميزانية وتطلب تعديل أمر الإركاب وهذا الشي ماراح يصير الا بعد ماتطلع روحك ولا راح تحصل أحد مهتم فيك .. والمصيبة إن اجرائات أمر الإركاب ماخلصت الإ قبل ربع ساعة من اخر يوم دوام قبل اجازة العيد ولولا اني انا و الشباب كنا نراجعهم ولا كان ما اصدروا امر الاركاب ولا اهتموا فينا فنصيحتي تابعوا الاوراق بنفسكم .

    - الشيئ الي يغبن إن لما خلصنا من أمر الإركاب إدارة التدريب وقعتنا تعهد إنه ندفع قيمة التذاكر لو ماصدرت موافقة من وزارة التعليم على دفع تكاليف التذاكر بالرغم إن مدير الجامعة وافق على إمر الإركاب ! على العموم وقعنا التعهد وأشك إنه راح توصل موافقة من وزارة التعليم .

    - بعد ما خلصنا امر الاركاب ورحنا لمكتب السفريات في مبنى 9 كانت المشكلة ان الرحلة كان من البحرين إلى اليابان بعكس ماوعدتنا إدارة التدريب فأضطرينا ندفع زيادة ونخليها من الدمام إلى إلى اليابان .

    مكافأة التدريب الخارجي من الجامعة : قبل لاتطلعون للتدريب راح يوعدونكم إنهم يصرفونها قبل الرحلة واذا جاء موعد الرحلة راح يقولون لكم أرسلوا لنا صورة من الجواز والفيزا ورقم الايبان اذا وصلتوا وراح نصرف لكم المكافأة في نص التدريب راح يرسلون لكم : ماراح نقدر نصرف لكم المبلغ واذا رجعتوا من التدريب تابعوا الاوراق بنفسكم عشان تستلمون المكافأة وبإختصار في أحسن الأحوال ماراح تستلم مكافأة اتلدريب الخارجي من الجامعة إلا بعد نهاية التدريب بـ 3 أسابيع ( ما ادري وش الفايدة منها اذا كانت تسلم بعد نهاية التدريب ) .

    واذا وصلت الموضوع لمدير الجامعة الادارات المسؤولة وبالتحديد ادارة التدريب راح يردون عليكم :

    " بحسب النظام – يتم صرف مكافآت التدريب الخارجي بعد عودة الطلاب من التدريب وقد تم توجيه الطلاب قبل سفرهم بطلب سلفة من صندوق الطلاب حتى يتمكنوا من الاستفادة من المبلغ خلال سفرهم ونأمل من جميع الطلاب مراجعة إدارة التدريب بعد عودتهم لاستكمال إجرآت صرف المكافأة "

    بالرغم إني كنت مراجعهم 3 أسابيع إلا إنهم ما تكلموا عن موضوع السلفة !

    الخلاصة :
    * تابع الإجرائات كل اسبوع ولاتصدق إدارة التدريب لو قالوا لك راح نصرف لك مكافأة التدريب الخارجي قبل لاتطلع .
    * الجامعة ماراح تسلمك التذاكر في يدك.. لازم تتابع الأوراق بنفسك وتحجز بنفسك بعد ماتخلص اجرائات أمر الإركاب و أغلب الإدارات اخر همها انت لكن اذا حصل تأخير متعمد ارفع معروض لعميد شؤون الطلاب تالي مدير الجامعة .
    * إدارات الجامعة بينها سوء تنسيق ولاتستغرب إنك تضيع 3 أسابيع من الإجازة وأنت تطارد ورا الأوراق ولاتستفيد شي وكل واحد يعطيك كلام .
    * لاتستغرب إنه يبتدي التدريب والجامعة ماتعطيك لاتذاكر ولا مكافأة .. حنا ماخلصوا امر الاركاب الا اخر ربع ساعة قبل اجازة العيد وكان باقي لنا نحجز بنفسنا ولولا الله ثم موظف مكتب السفريات الله يجزاه خير ولا كان ماقدرنا نحجز.
    * اذا تبي تدفع قيمة التذاكر بنفسك فالجامعة ماراح تعوضك ولو يرجع فيني الزمن كان دفعت قيمة التذاكر بنفسي ولا مهزلة أمر الإركاب + قيمة التذاكر من مكتب السفريات بتكون أغلى فلو بتدفع قيمة التذاكر راح تحصل رحلات بأسعار أقل من سعر المكتب .
    * الشركة متعاونة جداً عكس الجامعة وعلى العموم هذي الادارات الي راح تمر عليه وانت تتابع الأوراق :
    # ادارة التدريب : مبنى 68 - 108
    # عميد شؤون الطلاب : مبنى 68 : 163
    # مكتب الفرسان للسفريات : الدور الأرضي من مبنى 9
    # قسم الميزانية : مبنى 21 - الدور السابع .
    # صندوق الطالب : مبنى 68 - الدور الأرضي .
     
    • x 6 إعجاب إعجاب
  5. #5 شدعوه, ‏6 سبتمبر 2016
    آخر تعديل: ‏16 سبتمبر 2016
    3 - معلومات عن التدريب .
    التدريب في اليابان وبالتحديد : Yokohama Operation Center
    [​IMG]
    الشركة كانت تدرب كواب في السنوات الماضية وكان ينقسم إلى قسمين : ( 3 أشهر في الفلبين Off Job Training ) و ( 4 أشهر في اليابان On Job Training ) بحيث القسم الأول يكون تدريب وتركيز ع الأساسيات والأمور المتعلقة بالتخصص و شغل الشركة ... والقسم الثاني يكون شغل بحيث يعينونك في قسم له علاقة بتخصصك وفي مشروع معين مثلا لو كنت CISE راح يخلونك في Instrumentation & Control Department - Jazan Refinery Project

    التدريب الصيفي كان بس On Job Training

    خطة التدريب للكواب : ( من العضو المتقدم الله يجزاه خيره ) : Link
    خطة التدريب للتدريب للصيفي للتخصصات : Link : CISE & EE & ME & CE

    - دوامكم راح يبتدي ثاني يوم من وصولكم لليابان واليوم الأول راح يكون فيه : لقاء مع المشرفين عليكم في التدريب + Engineering Division Manager وراح ييبون لكم الأهداف من البرنامج و الأشياء الي يتوقعونها منكم ... بعدها راح تكون فيه محاضرة بسيطة لكل طالب عن القسم الي راح يشتغل فيه واليوم الي بعده راح يسلمونكم لابتوب و كل طالب يروح لقسم معين

    : CISE : Instrumentation & Control Department : 33rd Floor North
    ME : 1-4 week in Rotary Department 23rd Floor
    ME : 5-8 week in Static Department 33rd Floor South
    EE : Electrical Engineering Department
    CE : Civil Engineering Department

    - الدور 17 في الشركة فيه مسجد وتقام فيه صلاة الجمعة .
    - الدور 6 : فيه كفتيريا وكلينك .
    - طبيعة التدريب تختلف من قسم إلى قسم لأنه خطة التدريب في التدريب الصيفي ما يمشي عليها المشرف عليك لأنك بتكون في مشروع معين وراح يحاول يعطيك جزء من شغله في المشروع وله علاقة بتخصصك وهذي هي السلبية الوحيدة في التدريب الصيفي إن الوقت قصير وصعبة المشرف عليك يشرح لك كل الي في الخطة + أغلب الشغل حتى للموظفين مكتبي ( تصميم للمنشئات , مراجعة للتصاميم وdata sheets , ... ) فحاول تشارك حتى في أبسط الأشياء وتسئل .. لأن في البداية ماراح يعطونك شغل كثير أو مهم لكن اذا نشبت لهم راح يعطونك شغل قد شعر راسك وبتستفيد كثير فنصيحتي بين لهم من اول يوم إنك مهتم وتبي تشتغل و إذا عطوك شغل بسيط حتى لو كان على الاكسل حاول تعرف وش الفايدة منه و المعلومات الي فيه وبالتدريج راح يعطونك شغلات مهمة وتستفيد منها .

    - التدريب راح يكون فيه زيارات لبعض المصانع والمصافي أو برامج تدريبية راح تستفيد منها وممكن تذكرها في الفاينل ريبورت .

    - بالنسبة لقسمي فالتدريب والشغل كان يتركز على :
    : Process Engineering Flow Schemes
    Piping Instrument Diagram
    Workflow of Construction Design
    3D models & Plot Plan
    HMI
    Industrial Analytical Measurement : Analyzers

    وممكن تلاحظون إن بعض المواضيع ماهي موجودة في خطة التدريب لأن مثل ماقلت لكم المشرف يحاول يعطيك الاشياء المتعلقة بالتخصص وموجودة في المشروع الي تشتغل فيه .... - أغلب الموظفين متعاونين لكن لازم تسأل بنفسك وتطلب منهم يعطونك شغل .. والمشرف عليك لو كان متعاون وخبرة راح تستفيد كثير .. انا استفدت لكن لأن المشرف علي كان جديد بالشركة فما كان عنده فكرة عن بعض الأمور المتعلقة بالتخصص + المشروع الي كنت فيه تقريبا انتهى فالإستفادة كانت محددودة في بعض الأشياء فنصيحتي أول يوم سئلوا عن المشروع واذا كان على وشك إنه ينتهي اطلب منهم يخلونك تشتغل على مشروع ثاني

    . - لوتدريبك في الصيف : أول يوم دوام بس البس suit بقية الأيام مايحتاج تلبس كرفته وجاكيت .
    - تقريبا كل اسبوع تكون فيه اجتماعات احيانا مع مع الـ vendors مثل Honeywell / Yokogawa حاول تحضر هذي الاجتماعات .
    - في نهاية التدريب راح يطلب منك برزنتيشن تقدمه لـ Engineering Division Manager مدته 15 دقيقة و 5 دقايق للأسئلة لاتشيل هم البرزنتيشن فهو سهالات و حاول في هذا البرزنتيشن إنك ماتخليه تكنيكال بحت .. اذكر الأشياء الي استفدتها بشكل عام والمشاريع الي كنت فيها و ركز أكثر على الأمور الثانية مثل :

    ليش اخترت التدريب في JGC ?
    إنطباعك عن اليابان وعن التدريب في الشركة ؟
    الأماكن السياحية الي رحتها في فترة التدريب + الزيارات للمصانع ؟
    كيف راح تستفيد من هذا التدريب في المستقبل ؟
    وكثر من الصور عن اليابان لأنهم يفرحون إذا تكلمت عن اليابان والأشياء الي استفدتها في مدة التدريب خاصة الأشياء الي ماهي تكنيكال مثلا الإلتزام بالوقت , العمل مع موظفين جنسيات وثقافات مختلفة .

    وعلى أساس هذا البرزنتيشن راح يكون التقييم ويرسل للجامعة .

    وهذا مثال للبرزنتيشن : Link


    الخلاصة :

    - من ناحية التدريب إستفدت كثير لكن لأن كان عندي فكرة عن الكواب في JGC فكنت متوقع الوضع أفضل فلو حصلت لكم الفرصة إنكم تختارون بين الكواب او السمر في JGC فأختاروا الكواب .

    - لو كان تدريبكم في اليابان حاولوا تنشبون للمشرف لأن بعضهم يفكرك ماتبي تشتغل أو يخاف يعطيك شغل ويكون صعب عليك . - ممكن تحصل موظفين عرب هم إما من الـ Clients مثل ارامكو او من كونتراكت مثل JGC GULF International فحاول تستفيد منهم سواء في الشغل أو غيره .
     
    • x 6 إعجاب إعجاب
  6. #6 شدعوه, ‏6 سبتمبر 2016
    آخر تعديل: ‏29 سبتمبر 2016
    4 - الحياة العامة في اليابان و الأمور المتعلقة بالسكن والمكافأة .

    بعد ما تصلون للمطار راح يستقبلكم تاكسي من الشركة يوصلكم لسكن الشركة ( تقريبا ساعتين ونص من المطار ) والسكن بعيد نوعا ما عن الشركة لكن أفضل مافيه هو الهدوء .. اول ماتوصلون للسكن راح يسلمك الموظف المسؤول عنكم :
    - جوال للطوارئ لكل اثنين
    - wifi - router لكل واحد ( فيه 10 قيقا في الشهر )
    - بطاقة للقطار PASMO ( المواصلات من السكن الى الشركة مجانا واذا بتروح مكان ثاني لازم تشحنها من المحطة, طبعا تستخدم خط معين وهو الـ blue line )
    - راتب أول شهر ( 150000 ين ) : تسليم الراتب يكون في بداية الشهر
    - بعض الأغراض الي تحتاجونها في السكن مثلا كاسات .. مقلى ,فوط, مكنسة كهربائية ..كواية .

    اول يوم دوام راح يعطونكم Pass Card للشركة .

    بشكل عام السكن ممتاز وكل واحد في غرفة والغرفة فيها : دورة مياه , فرن صغير , ثلاجة , طاولة وهذي صور للغرفة : وفيه common room النت فيها مجاني وفيه شاشة وبلاستيشن بس على العموم اذا بتجيب معاك اجهزة كهربائية بتحتاج محول لأن الكهرباء عندهم 100 + حاول تجيب فيش كذا شكله ( Link)

    من السكن الى محطة القطار القريبة من السكن تقريبا ربع ساعة مشي و القطار يأخذ 10 دقايق ومن القطار الى الشركة تقريبا 10 دقايق مشي المسافة طويلة شوي لكن راح تتعود مع الوقت .
    هذي صور للغرفة : 1 & 2
    صور للمنطقة الي فيها السكن : 1 & 2

    - الشعب الياباني متعاون جدا ومحترم ويقدس الهدوء وعندهم بعض الأمور ممكن تكون بالنسبة لنا عادية لكن يعتبرونها عدم احترام والعكس صحيح من الأفضل تطلعون عليها قبل لايبتدي التدريب :

    Top 10 Etiquette Mistakes in Japan

    - راح تواجه مشكلة برا الشغل من ناحية اللغة لأن الأغلب مايعرف انجليزي ..
    - الراتب كافي وراح يزيد لكن احيتاط خل معاك ماستركارد او فيزا يمكن تحتاجهم ..
    - اذا بتجيب معاك كاش فجيب معاك دولار او حول من الريال ل ين من مطار بوظبي لأن ماراح تحصل ريال في مطار ناريتا .

    الاكل :

    يمكن تتعب اول اسبوعين بسبب الاكل لكن على العموم فيه مطاعم حلال لكن أغلبها قريبة من الشركة وبعيدة عن السكن ... اذا بتشتري شي وبتتأكد انه حلال او لا هالصور راح تفيدك : 2 & 1
    هذا تطبيق يبين لك المطاعم الحلال القريبة :
    Zabihah - Android Apps on Google Play



    - لأن الدوام من 9 - 6 وفي الصيف من 8 - 5 فأغلب اليوم ضايع على الشغل فما عندك إلا الوكيند لو ناوي تطلع .. في الصيف فيه فعاليات ومهرجانات كثيرة + طوكيو قريبة وهذي هي الأماكن السياحية في يوكوهاما وطوكيو
    * Tokyo - City Guide
    *Yokohama City Guide

    الشركة غالبا تسوي رحلة 3 أيام في نهاية الاسبوع السادس وراح تخيركم بالمدن الي تبون تروحون لها احنا رحنا ( كيوتو & هيروشيما )
     
    • x 6 إعجاب إعجاب
  7. #7 شدعوه, ‏6 سبتمبر 2016
    آخر تعديل: ‏6 سبتمبر 2016
    انطباعي عن التدريب في JGC :

    - بيئة العمل في الشركة ممتازة وراح تستفيد لكن الأفضل إنك تأخذ الكواب عندهم , المشرف عليك + المشروع الي بتكون فيه هو الي يحدد اذا بستفيد من التدريب أو لا . بالنسبة لي استفدت سواء من ناحية التدريب وخذت فكرة عن اشياء مهمة في التخصص ونفس الوقت استفدت في امور ثانية و نوعا ما فترة التدريب كانت ممتعة وتغيير للجو .

    - أتمنى يا شباب سواء راح تدربون في JGC او غيرها إنكم تعكسون صورة طيبة عن الجامعة وعن السعودية لأن احيانا تتعجب أشخاص يشتغلون في مشاريع في السعودية لكن ماعندهم اي فكرة او معلومة عن السعودية أو عندهم تصور غلط عنا ... متأكد إنكم راح تبيضون الوجه لكن احرصوا على التعامل والأمور الثانية مثل الإلتزام بالوقت مثل حرصكم على الإستفادة من التدريب ..لأن هذا الشيئ راخ يفتح فرصة لبقية الطلاب ويشجع الشركات إنه تدرب وتوظف خريجي الجامعة فالله الله بالإخلاص والحرص في العمل


    اذا فيه اي سؤال او شيئ انا حاضر حتى لو في أبسط الأشياء ..
     
    • x 8 إعجاب إعجاب
  8. ياخي انت احسن واحد, تستاهل كل خير.
    الله يوفقك ويعطيك العافيه,
    الموضوع يبيله قعده :}
     
    • x 1 إعجاب إعجاب
  9. ما شاء الله... ذكرت كل شي بالتفصيل الممل

    يعطيك ألف عافية
     
  10. رائع وممتاز اخوي شدعوه والله يوفقك وإلى الأمام *موضوع متميز* *Epic*
    :وردة::وردة::قلب::قلب::flowers::flowers::flowers:
     
  11. كعادتك أخوي شدعوه، مواضيعك ممتازة جدا وتفيد الجميع

    كل التوفيق يا غالي
     
  12. اخوي شدعوه يعطيك الف عافيه والله يوفقك وين ماوجهت

    عندي سؤال .. في أي سنه جامعيه طلعت ؟
     
  13. الله يعافيك
    طلعت الصيف الي بعد الجونير (السنة الرابعة)
    ترم 153
     
جاري تحميل الصفحة...

مشاركة هذه الصفحة