تجربتي مع البنك الفرنسي برنامج الخريجين ( حسبي الله ونعم الوكيل )

السلام عليكم,

أخوي أنا جدا متفهم وضعك وأنا ألحين مثلك ماجستير محاسبة من أمريكا وللحين في البحث عن الوظيفة. حبيت بس اقولك ما تضيق الا وتفرج ولا بعد العسر الا اليسر ولا فيه شي يجي بالسهل.

أتمنى يوم انك طلعت غضبك هنا تكون استعدت حماسك للوظيفة وادعي لك انهم يكلمونك باقرب فرصة ويقدمون لك العرض.

بالتوفيق

 

نصيحة لو حددوا لك مقابلة ثانية فلا تسحب عليها . يمكن الي صار لك مع الموظفة الأولى خطأ وتقصير منها ، مايعني ان البنك كله ماشي بالبركة وهذا نظامهم.

و إن شاء الله الي صار انه خيرة ، اعرف اكثر من شخص صار له مواقف أسوء من الي صار لك ، مع بعض الشركات و منها شركات كبيرة ، لكن الحمدلله الله عوضهم بوظايف في شركات أفضل و بمميزات أقوى.
تقريبا صار لي نفس الشي مع شركة 3 مقابلات و اختبار و في النهاية ألغو الوظيفة ، لكن سبحان الله ال 3 مقابلات والاختبار مع الشركة الأولى كانت كأنها تدريب لي عشان مقابلة مع شركة كبيرة براتب أقوى من الشركة الأولى
فلا تتحطم و تأكد إنها خيرة لك مادامك سعيت و اجتهدت لكن الأهم الواحد يسوي الي عليه و لا يسحب على أي مقابلة او اختبار.

الله يوفقك و يرزقك الوظيفة الي تتمناها .

 

صار معاي مثل موقفك وبشكل اقسى من اللي مر عليك

انا بوظيفة بشركة حكومية ووظيفة جدا ممتازه عديت المرحله الاولى واللي قدم عليها فوق 12 الف شخص وتم الفلتره الى حدود 5 الالف متقدم و المرحله الثانيه اختبار الانقلش وتمت فلترت المرشحين الى تقريبا 1500 متقدم والثالثه مرحلة المقابله الشخصية وكانت مقابلة شخصية منفرده و مقابلة case study وعديتها كلها

وتم التواصل معاي وعلموني المميزات والبدلات و البوزيشن وقالو سو التحليل الطبي وسويته وارسلت لهم الاوراق اللي طلبوها. طبعا انا موظف
وكنت ناوي اقدم استقاله خلاصص واجيهم بس من حسن حظي قال الموظف انتظر وارسلك ايميل عشان تقدم استقالتك .
وش حصل ؟ اتصل علي بعد الداوم يوم خميس وب اسلوب مهذب علمني ان الادارة رفضت توظيفي وانه مالي نصيب . صراحه هالموقف صدمني صدمة العمر
لان الوظيفة والمميزات كانت بتقلع فيني من مرحله الى مرحله وطول الفترة كنت احلم واطمح وفجأة يقول مالي نصيب
عاد رحت لهم وقابلت مدير الاتش ار وقال خلك ستاند ابد بنتصل عليك ( عرفت انها تصريفه )

ف ياصاحبي لا تحلم بالشي ولا تتعلق اليييين يجيك توقع العقد . وبأذن الله يتم الرد عليك

حبيت اشاركك الموقف اللي صار معي لاني حسيت ب احساسك الحين . وصدقني خيرة

 

البنك الفرنسي لا يعتبر الافضل بين البنوك حتى تتحسف عليه
فرصه و فيه فرص افضل منها موجوده

برامج SAMA + PIF + SIDF + CMA
كلها متاحه الان على حد علمي و فالك التوفيق

 

اخوي حاول تشوف ال junk mail و اذا كنت تستعمل gmail شوف ال spam mail. لان انا صارتلي نفس حالتك وراحت علي مقابلة مع شركة ما رضوا يسوون موعد جديد.
و الله يوفقنا وياك.

 

المفروض تروح المقابلة وكل هذي الامور تحصل ..
حصلت لي مرتين وصلت للمرحلة النهائية وخبروني بالقبول وتالي سحبة ..

الله يعوض الجميع بالافضل يا رب

 

اسال الله بهاليوم الفضيل ان يرزقك ماتتمنى ..

 

كيف كان الاختبار وش طريقة انا تخصصي محاسبه وابي اعرف كيف طريقة اختبار لانهم كلموني وقالوا بنحدد يوم لاختبارك هل هو اون لاين ولا كيف !!!

 

ابحثي عن اختبارات تقدمها شركة اسمها SHL وهيا عبارة عن اختبارات iq قدرات ولغة ورياضيات وكذا ولها نماذج كثير في النت

 

طيب اختبار كان عندهم في البنك ولا كان اون لاين !

 

حتى لما توقع العقد برضوه ما فيه أمان
واحد من زملائي بالشركة الان
وقع عقد لما وصل مدير الشركة قال غيروا عقده و طيروا عليه حوالي 2000 ريال بالعقد الجديد
طبعا وقع و سلم أمره لله لأنه كان عاطل