تجمع صندوق الاستثمارات العامة برنامج تطوير الخريجين 2020

احد عمل الاسسمنت اللي ياخذ ٦٠ دقيقه تقريبا ؟

 

راح اذكرلكم تجربتي في الرد القادم. بس نبي تفاعل يا اخوان.

 

اهلاً يا اخوان نبي تفاعل أكبر. طبعاً آنا عملت الاختبار تبع صندوق الاستثمارات وابشركم ما كان مرا صعب بالنسبه لي، يعني متوسط الصعوبه مو بصعوبه اختبار البنك الاهلي مثلاً او ارامكو، عموماً..

طبعاً من خلال سؤالي لأكثر من شخص من الدفعات السابقه، هم ما يهتمون اذا انت خريج امريكا او مبتعث او لا، هم يدورون ع ناس عندها طموح، وانجليزيتها كويسه، وتخصصاتهم ممتازه.. يعني اعرف ناس قبولهم تخصصاتهم هندسه كيميائيه وغيرها وعادي، مو شرط تكون ماليه او محاسبه او بزنس عشان يقبلونك، التخصص ماله علاقه. برضو هم يبغون ناس فريش توهم متخرجين او واحد له سنه خبره فما أقل في مكان محترم.

بعد تقريباً شهر أرسلوا لي رساله إنو راح نعمل لك انترفيو اون لاين عن طريق السكايب خلك جاهز... سويت المقابله سكايب وكانت من A الى Z بالانقلش.. وكانت الاسئله يبون يشوفون هل عندك طموح وكيف انجليزيتك و و و و و ....

طبعاً عام ٢٠١٨ قبلو ٤٠ شخص فقط، ٢٠١٩ قبلو ٨٠، وهالسنه راح يقبلون ١٢٠ شخص.. يعني فرصتك للقبول بأذن الله ٣ اضعاف الي قدمو عام ٢٠١٨ الحمدلله..

خلال المقابله قالوا بيردون فيني خلال هالشهر ان شاء الله ويارب عسى خير ويقبلوني يارب... الله ييسرلنا ووييسرلكم بأذن الله، طبعاً المكأفاه من ٩٥٠٠ ريال الى ١١٠٠٠ ريال حسب اذا معاك ماستر او بكالريوس، شامله التأمين الطبي.

 

هلا بك يالحبيب، موفق يارب.. الظاهر هم قالوا البرنامج كالتالي:
١- تقديم
٢- اختبار
٣- مقابله ينتهي بدايه May
٤- تقييم جماعي في قروبات ( ما آدري اذا راحو يسوونه في الوضع الحالي مع كورونا) لأن ما نقدر نجي الرياض او حتى الي بالرياض ما يقدرون يطلعون.
٥- الفرز النهائي وتوقيع العقد (على شهر ٦ اتوقع او ٧)


اختبارك كان فيس تو فيس؟ ولا عن طريق السكايب، وكم جلست المقابله تقريباً انا حوالي 20 دقيقه.

 

للتحديث بعد التواصل معهم في 14 ابريل افادوني ان ملفي غير موجود وطلبوا مني التسجيل من جديد

كنت قد اعدت التسجيل في 12 ابريل وما زلت بانتظار الرد حتى الان

 

انا سويتها قبل ١٠ ايام اتوقع، ما اتذكر بالضبط.. ونفس حكايتك كانت اسأله شخصيه ومدتها ٢٠ دقيقه... متا قالوا لك راح نرد فيك؟ انا قالوا ع شهر ٥ بنكلمك بالرفض او القبول

 

ان شاء الله يكلمونك.

 

لما سجلت اول مره هل جاك ايميل الكونفرميشن؟

أنا قدمت عليهم قبل أكثر من شهر ولا جاني اي رد إلى الآن

 

شكراُ ع المعلومات. كم كان مدة اختبار الانقلش و الاختبار الثاني؟ و كم اخذت من يوم ما قدمت و سويت الاختبارات و المقابلة؟
الله يوفقك يارب و تسمع خبر القبول بالبرنامج.

بالتوفيق و يارب تسمع خبر القبول بالبرنامج قريباً

 

حياك الله يالحبيب. الله يسعدك وياك يارب.

بالنسبه لي ما اختبرت انقلش، ارسلت لهم درجه اختبار الايلتس سويته قبل فتره ، وبرضو انا خريج امريكا فما شلت هم صراحه.

الاختبار الثاني اتوقع اخذت فيه ٦٠ دقيقه. وما يحتاج تحضير كثير، جلست ساعتين اذاكر قبله وكان سهالات صراحه مو مرا صعب، بس عندي اخطاء طبعاً.

اتوقع بين الاختبار والانترفيو شهر كامل، طولوا صراحه لدرجه توقعت ما راح يكلموني بس ربك سهلها.

شوف انا توقعاتي هم يعملون تصفيه، بمعنى خلنا نقول بيقبلون ١٢٠ شخص من مجموع متقدمين أكثر من ١٥٠٠٠ ألف (عدد تقريبي) من ال١٥٠٠٠ ألف راح يقبلون ٥٠٠ للانترفيو، معناته الي بيسون انترفيو حوالي ٥٠٠ شخص تقريباً ( مع إنو اتوقع اقل ).

من ٥٠٠ راح يختارون ٣٠٠ مثلا او ٢٥٠ وبعدها يعملون قروب اسسمنت ويختارون منها ١٢٠ شخص، بس يمكن هالسنه يلغون هالشي عشان كورونا فايروس.

^
الكلام هذا مجرد توقعات.

بأذن الله يقبلونا وان ما قبلو ربك كريم الدنيا كبيره.

 

الله ييسرها إن شاء الله

 

نبي تفاعل يا شباب الي دقو عليهم ولا اي معلومه.

 

اخوي ، كيف تواصلت معهم؟

 

ارسلت على ايميلهم
[email protected]

ردوا علي بعد ثالث مرة

 

السلام عليكم.. فيه تحديثات جديدة؟

 

السلام عليكم
للاسف تم رفضي بالامس من البرنامج الله يعوضنا خير ويوفقكم جميع

 

الله يعوضك باللي أحسن و أفضل منها