تخرجت و معدلي تحت 2

وعليكم السلام

الارزاق بيد الله
انا تخرجت ومعدلي جدا جدا ضعيف 2.08/4.00

لكن الحمدلله 4 اشهر وحصلت فرصة عمل ممتازه

انت اسعى وزبط السي في وحاول انك ما تبين فيها ان معدلك نازل
انا ما كنت احط معدلي في السي في

بالتوفيق

 

الأرزاق بيد الله
فيه طلاب معدلاتهم تحت 2 وتوظفوا في افضل الشركات
وفيه طلاب فوق ال 3 جلسوا فتره طويلة وحصلوا شركات متواضعة ، انت اسعى وحاول تطور السيفي حقتك بالكورسات وغيرها
وفيه شركات ماتهتم بالمعدل مثل شلمبرجير ، حاول انك تمر عليهم وترسل لهم وتتواصل معاهم بشكل دائم لين يردون عليك

 

اعتبر المعدل شي صار وانتهى. الي عليك تسويه :
- لاتكتب المعدل أبدا في ال cv .
- حاول تخلي ال cv ممتاز وتبين المهارات التكنيكال و البرامج وكل المهارات الهندسية لأنها راح تخلي مسؤول التوظيف يتغاضى عن المعدل لو سألك عنه.
- رح للشركات وقدم بشكل يدوي وهالشي بيبن حماسك وجديتك في العمل.
- سو ملف لك في مواقع التوظيف وخله مميز ، يعني اذكر الأشياء الي اشتغلت فيها في التدريب و مشاريعك في الجامعة ، أهم شي يكون مميز لأن فيه آلاف عندهم حساب فأنت حاول تخلي شيئ يجذب مسؤول التوظيف ويخليه يتواصل معاك.
وهذا مثال للملفات الممتازة في لينكد ان
https://www.linkedin.com/in/maysara/

- بعد ماتضبط ال cv و حسابك في مواقع التوظيف سو connections مع مسؤولي التوظيف على موقع Linked in أو على الأقل تطلع عل ملفهم وهم ممكن يشوفون ملفك و لو فيه فرص توظيف ممكن يتواصلون معاك.
و أقصد بمسؤولي التوظيف ، مسؤولي التوظيف للشركات الي لها علاقة بتخصصك ، خاصة الشركات الصغيرة و المتوسطة لأن الشركات الكبيرة أغلبها التقديم فيها عن طريق الموقع.
- تابع إعلانات التوظيف في تويتر و انضم لقروبات التوظيف على الواتساب لأن أحيانا بعض الشباب الي في القروبات تكون عندهم وظايف في شركتهم و ممكن يعلن عنها في القروب.
وظائف - استشارات
KFUPM "Jobs"
KFUPM Jobs


شوف موقع ( مدن ) فيه قائمة بالشركات في المدن الصناعية يمكن يفيدك في التقديم اليدوي أو الايميلات ( بعضها ما يشتغل )
وهذي بعض الشركات الي في حائل
مدن - دليل المصانع والمنشآت


وبخصوص المعدل ، فلا تشيل هم ، انت بس سو الي عليك و اجتهد وبإذن الله بتحصل الوظيفة الممتازة.
في شباب معدلاتهم 2 من 4 و الحمدلله توظفوا بوظايف ممتازة بعضهم قبل التخرج و بعضهم بعد فترة و فيه الي متخرج بمرتبة الشرف و خذ اكثر من سنة وماحصل شي .
وفي شباب اشتغلوا لفترة معينة في وظائف رواتبها لك عليها لكن اكتسبوا خبرة و الحمدلله حصلوا وظايف أفضل منها . فأنت لا تشيل هم بس لاتجلس و تقول معدلي نازل وماحد راح يوظفني ، اهم شي اسعى و بإذن الله بتحصل كل خير.

و ماعليك من مسؤول التوظيف الي في شلمبرجير أو غيره ،حاول تقدم عليهم من الموقع و حتى لو حضروا في معرض توظيف ثاني. واقولك هالشي لان واحد من الشباب تقريبا صاره لنفس الموقف لكن مع هاليبرتون و بعد فترة قدم عليهم و راح لهم بنفسه و الحمدلله توظف معاهم بالرغم إن مسؤول التوظيف كان تعامله لك عليه في المرة الأولى لكن اذا في شي مكتوب لك راح تاخذه الي عليك بس تجتهد و التوفيق من الله .

واسف على الإطالة

 

انت شايل هم !

اقسم بالله هالشي بياثر فيك
لدرجه ممكن كا تثق نفسك بالمقابله
خلك واثق ثقه تامه ان رب العالمين هو الميسر
وهو الرازق كيف تشييل هم رزقك !!


اترك عنك المقاررنه مع اخوياك وانا اخوك
هي الي بتتعبك

ضبط السي في
وحاول تتعلم ووتتعمق بتخصصك
ع فكره خويي قعد ١٠ سنين بالجامعه ومعدله رايح فيها
والان متوظف ..

رزقك مكتوب محد بياخذهً

فالك التوفيق

 

الله يوفقك لا تخلي ذا الكلام بمخك لما تروح مقابلات .... انا جلست فتره طويله اشك بقدرتي لان ماعندي خبره بالمجال يلي اطلبه اكتشفت اني اتقنه بس من كثر مااكرر كلمه "يمكن ماقدر" صرت فعلاً ابين بالمقابلات احياناً لما يقللي مثلا بعطيك اختبار عملي اتوتر على طول " اغلبهم كان بس يقولها كذا قياس"

انا مااكتب ولا افهم ليش الناس تسال عن المعدل واي موظف او شركه تسالني عنه احط عليها علامه مع احترامي الشديد ان الاداره عندها نقص نظر وعدم ثقه في نفسها من ناحيه التدريب

 

المعدل دليل على اهتمام الطالب

 

مو دايم الناس تعمم لكن تعال شوف هل كل الطلاب حصلو ع المعدل بجهد؟ في نسبة مو قليلة لا اما عن طريق غش او تسهيلات من بعض الدكاتره او ... الخ

بغض النظر في ناس كثير مهارتهم بالعمل مو الدراسة الدرجات عمرها مابتكون مقياس للشخص. المقابلة الشخصيه تعطيك نبذه عن الشخص نفسه
من يوم مايتصلو فيك لين المقابلة وبعدها، تحدد لهم "المفروض" هل الشخص ذا جدي ولا لا... على الاقل لو الشخص عنده خبره بالتوظيف

 

الشباب ماقصروا ماشاء الله .. لذا لا تهتم شي صار وانتهى والحمد لله ع كل حال الان ركز على الامور الاخرى اللي ذكروها لك .
عموما اذا انت هاوي شركات اقبل بالوظائف حتى لو مرتبها قليل لحين تاخذ خبره بمجال عملك بشكل كبير وابحث انت عن المعلومه لا تقول الشركة ماتطورني وبعدها صدقني راح تتوظف باحسن وظيفة الكلام هذا فرضي فقط لو ماحصل لك الشركة اللي انت تطمح لها منذ البداية .
بالنسبه للعسكرية خصوصا الجويه اعرف لك واحد من نفس تخصصك وجامعتك ومثل معدلك او اقل انقبل والان الرجل ملازم اول هذا اذا كنت تريد عسكرية .
المختصر المفيد لاتحمل نفسك مالا تطيق وتزعل وتفكر كثير وكل لله امرك واطلب الله الخيره في امرك كله .. موفق خير

 

المعدل دليل على اهتمام الطالب

طيب طيب فيه ناس اخذو

اخي انا اتكلم بالمنطق ولااتكلم بالعاطفة
مسؤول التوظيف يهمه المعدل ولاتهمه ظروف المتقدمين

 

طيب وجاب معدل عالي
بس بالشغل مستواه اقل من المتوقع


انا معدلي سيء لكن الحمدلله بالشغل غير انتاجيه وانضباطيه

الميدان يا حميدان ✋

 

نصيحة اخوي لا تيأس.
تبي نصيحتي صريحة ومباشرة؟ قدم على وظائف التدريب internships سواء براتب او بدون واذا اثبت جدارتك بيرسمونك او ع الاقل بتكسب خبره