تركت الجامعة فندمت

أقبح من مدّاح لنفسه، وليس أقبح من مختلف معي في الرأي. رجاء حاول أن تقرأ كلامي قبل أن ترد

 

طيب انا حر في نفسي امدحها او اذمها محد له شيئ عندي واذا على النقاش انا جاهز باي وقت

 

جامعة البترول ليست كل شي في الحياة
صحتك الجسدية والنفسية ورضى والديك ألزم عليك من البترول

ومثل ما قلت it happens for the best of us ، فلا تجعل خروجك من البترول عقبة أمامك تمنعك من مواصلة تعليمك، كثير من الشباب خرجوا من البترول ودرسوا بجامعات أخرى وتخرجوا بتفوق وتوظفوا مثلهم مثل خريجي البترول

ولكل جامعة culture أغلب الجامعات يكون الاسبوع الأول ترتيب جداول و تسجيل فلا تحكم على جامعة طيبة وصدقني دراستك وتفوقك في جامعة طيبة بيحسن نفسيتك وبترجع ثقتك بنفسك ومتأكد انك بتتفوق في طيبة لانك انقبلت بالبترول و تفوقت فيها لكن ربي ما كتب لك تكمل فيها ولعلها خيرة.

ودليل أخر على جديتك و اجتهادك انك ما استسلمت وجلست عاطل و اشتغلت وانا أحييك وارفع لك عقالي.

الله يوفقك ويكتب لك بر والديك

شطحة
زميل لي طردته جامعة البترول بعد 7 سنوات من الدراسة، خرج وتسلف مبلغ من المال ودخل تجارة والان يملك 6 فروع لتجارته في المنطقة الشرقية في 4 سنوات بالضبط
فجامعة البترول ليست كل شي ، هي وسيلة لغاية و الوسائل كثيرة

 

آخي العزيز...

اخرج كلمة الندم والتسرع من قاموسك واعلم ان ما يحدث لك ان هو الا قدرك ورزقك...

صحيح لو استمريت في البترول بتكون عندك شهادة حلوة من جامعة معروفة لكن متاكد انها بتكون بمعدل متواضع .. لكن بما انك ابدعت في البترول معناها بتكون first honor في جامعة طيبة .. ويمكن تكمل فيها الماستر والدكتوراة وتكون احد اعمدة الجامعة ... لا تقلل من قيمة الجامعة لانك انت من تصنع شهادتك وعلمك وتمكنك من المجال وليس اسم الجامعة ...

الله يوفقك وانظر للموضوع نظرة ايجابية ( مع الدراسة في جامعة طيبه بتلاحظ انك الافضل عليهم ) ...

 

صاحب الموضوع، انقز الفقرتين الي تحت.

أهمية الجانب الروحي للصلاة موضوع مهم، وعلاقة الإنسان مع ربه و إستيعابه لتعاليم دينه لها تأثير كبير على صحته النفسية. لكن أيضاً لكل مقام مقال. لو تروح لعزاء و تجلس تتكلم عن عذاب القبر كلامك راح يكون صحيح خارج السياق، لكنه خاطئ جداً في مكان و طريقة استخدامه. الأمراض و المشاكل النفسية مسألة مهمشة في مجتمعنا، و اعتبار اي مشكلة نفسية على انها نتيجة ضعف ديني ما يحل المشكلة، الا ممكن يزيدها. تخيل تحس بألم داخلك يباغتك من حيث لا تعلم، كل ما نسيته جاك و يقدر يقلب أسعد لحظاتك لأحزنها بدون سبب واضح. ثم تخيل شخص يقول لك صلي ولا استغفر، و تحاول تصلي و تدعي و ما ينحل شيء، هنا راح تحس أن المشكلة فيك، راح تحس أنك انسان فاسق ربه ما يحبه و يستاهل الألم الي يحس فيه. الناس الي عندها اكتئاب مب ناقصة هم عشان تحسسها بأن دينها ناقص كذلك.

انا ادري ان صاحب الموضوع ما عنده مشكلة نفسية و ان سبب ضيقته واضح و هو ذكره كذلك، لكن ما دام انحرف الموضوع لهالجزئية حبيت أعلق عليها لعل و عسى اذا واجهتوا شخص بمشاكل نفسية عويصة ما ترتكبون نفس الخطأ. كنت أكره ردود مثل "أنت صل و استغفر و ينشرح صدرك" لأني كنت أحسب أصحابها جالسين يستغلون مشاكل خلق الله عشان يوضحون لنا انهم متدينين و أحسن من الباقين، بس الان استوعب أنها فكرة شائعة و ان الي يكتبها فعلاً يبي يساعد، لكن النية الحسنة ممكن تكون لها عواقب سيئة أحياناً.

===

حبيبي صاحب الموضوع
ضيقة النفس الي تحس فيها ردة فعل طبيعية، أي شخص واجه عقبة في حياته يعرف هالشيء. صاحبك جاه دسمس في 151 و جلس ترم 152 عند أهله، و كنت أحس بضيقة ما يعلمها الا الله، إحساس بالفشل و حرج من أهلي و من كلام الناس و غيرها من الأشياء الي تضايق. بس أبشرك أنها مرحلة مؤقتة و تمر بإذن الله. للأسف ما فيه حل سحري تسويه و تختفي كل مشاكلك دفعة وحدة، كل الي تقدر تسويه هو انك تصحى كل صباح و تداوم و تعاني و تشد على نفسك، يوم ورا يوم راح تقل الضيقة و كل ما واجهتك عقبة ولا مشكلة جديدة راح تشمر عن سواعدك و تحلها ان شاء الله. ما أتوقع هالكلام جديد عليك أو أنه راح تستغربه، أنت قلتها بنفسك انك تبي تسمع كلام يشجعك، الي يدور تشجيع هو انسان يعرف انه يقدر يسوي شيء لكنه ينتظر دفعه تخليه يبدأ طريقة.


البترول جامعة مميزة لأنها تستقطب أفضل الطلاب في المملكة، مب العكس. الطلاب هم الي صنعوا سمعة الجامعة، و كونك انقبلت هنا و قدرت تثبت نفسك معناها أنك تقدر تسوي نفس الشيء في أي مكان ثاني، المهم أنك ما توقف شغل. يضايقني لما العالم تشوف البترول على انها الغاية مو الوسيلة، الإنسان الناجح يتوكل على الله و يصنع نجاحه ما ينتظر أحد يصنعه له. خلنا ندخل بالتفاصيل شوي. حاول تنسى انك كنت في البترول أصلاً، جامعة طيبة مب جامعة سيئة و كونك قريب من أهلك هذي نعمة مو نقمة. ترا كل الجامعات الي اعرفها نظامها زي كذا أول أسبوع تعديل جداول و ما فيه دوام. حماسك هذا وفره للأيام الدراسية. من جديد انسى انك كنت في البترول و لا تعتقد أنك أفضل من باقي الطلاب - حتى لو انك فعلاً أفضل-، لأن هالإعتقاد ممكن يخليك تتكاسل و يروح حماسك.

اذا انك كل شوي تدخل المنتدى اقطع هالعادة، خلال الأسابيع الجاية حاول تشغل أوقات فراغك بأشياء تفيدك بدل التفكير بالفرص الي راحت، لو جلست تفكر بالي راح ما ترتاح، صدقني هالنصيحة لك و لي بنفس الوقت، الندم ما يفيد بشيء أبداً، اذا حسيت انك غلطت في شيء تعلم منه و استمر في حياتك.

و اذا منك مثلي اذا جلست تدور بالنت ما تلقى نفسك الا و انت داخل هالمنتدى بدون شعور، فيه إضافة لقوقل اسمها block site، تسمح لك تحجب المواقع الي ما تبي تدخلها، استخدمها حتى لو نسيت و دخلت الموقع بدون قصة هالإضافة تمنعك.

شد حيلك في طيبة، و الله يوفقك و يكتب لك و لنا كل الخير.

*أي أخطاء إملائية او تعبيرية مب ذنبي، داخل المنتدى و انا انعس و شفت هالموضوع و قلت لازم أعلق.

 

الله يوفقك وييسر امرك

 

ومع الوقت خلاص راح تتعاود...give it a second

الشباب فوق قالو كل اللي كنت بقوله ...يكفي انك بجانب الحبيب محمد ارواحنا له الفداء...

ولاتنسانا من دعائك...بالتوفيق