تعديلات الرواتب للفريش في أرامكو, هل من خبر؟

طيب يا شباب, خريج حاسب من جامعة سعود مع مرتبة الشرف الاولى كم ياخذ بعد الزيادة؟

لا هنتوا..

 

فيه ايميل اليوم من موظفين pdp
يتشكون ان الزياده ما راح تشملهم مثل ما اكد لهم مكتب التوظيف

اتمنى يكون كلام مو صحيح

 

^

جاني نفس الايميل

الشكوى لله

 

ايش ذنبه الي موقع قبل 6 اشهر او سنه. خصوصا انه لن يصل لهالراتب إلا بعد 3 سنوات على الاقل وهذا باعتبار انه متميز وياخذ s في كل تقييماته طوال فترة الpdp.

اسوأ شي اهتزاز الثقه بين الموظف والشركه .. هذا يهز الثقه ويأثر على أداء ونفسية المتوظفين قبل الزياده بفتره.

الله يرزق الجميع ويوفقهم لما يحب ويرضى

 

اتوقع والعلم عند الله ان في حسابات بتكون في التقييم والزياده السنويه
١- اللي موقع قبل جولاي ياخذ ١.٦ او زياده عكس الجدد
٢- الزياده السنويه لمن وقع بعد جولاي اتوقع انو زيادتهم السنويه تتقلص الي اقل من ١٠٪ و ممكن تكون زياده وحده في السنه علي عكس المعتاد زيادتين في السنه

والعلم عند الله هذي مجرد توقعات

 

الشي اللي مايعرفه الكثير ان الزيادات بشكل عام تم انقاصها خلال عامين بما يقارب ٣٠ بالميه ،بالتالي وكذلك الزيادات لل pdp
،بالتالي الزياده اللي تمت هي محسوبه علي مدي معين تصبح نفس الوضع السابق< انما الشركه مجبره عل التوظيف بشكل كبير وخاصه الفريش واللي عاده ينغرون بالراتب بالبدايه

بالنسبه للي متوظف قبل الفتره ابعطيكم نفس التجربه ب 2008 تمت الزياده لل pdp واللي توظف قبلها بيوم ماله شي

الفالح ببساطه مسوي ذكي عالموظفين ومن يوم جا ماعنده شغله الا التنقيص بالزيادات

 

السلام عليكم جميعا والشهر مبارك عليكم جميعا

بالنسبة لقرار الزيادة بما يقارب 2500- 3000 ريال للمهندسين الجدد فمبروك عليهم وجعله مداخيل العافية يارب


لكن لي تعليق بسيط, بالفعل ما ذنب PDP's الي وقعوا قبل القرار هذا ,, وبالفعل زيادة عالية وحتى لو اخذ التقييم كله S ما راح يحصل على اول مربوط يستلمه المهندس الجديد

يعني بصراحه ومع كامل احترامي للي بيوقع على العرض الجديد راح يكون راتبه اعلى بكثير من واحد اكتسب خبرة وصار ينتج ,, نحن لا نمانع من الزيادة ابدا ولكن بشرط ان يتم تعديل رواتب PDP's الي وقعوا عروضهم قبل الزيادة حتى لا يصير هناك اهتزاز للثقة بين الموظف والشركة كما ذكر احد الاخوان سابقا ولمنع الاستقالات المتوقعه وبث الاحباط للمهندسين الي موقعين العرض قبل الزيادة

بصراحة انا اعرف شباب موقعين عروضهم قبل 4 اشهر تقريبا وقاعدين يفكرون جديا اذا ما تعدل وضعهم يستقيلون من الشركة ويقدمون من جديد للاستفادة من هذا العرض

طبعا ,, كان فيه ردة فعل من احد الموظفين PDP وارسل ايميل لاغلب ال PDP's وفكرته انه يخاطب البيرسونيل لتعديل الوضع لانهم طلبوا منه ارسال خطاب مرفق باسماء المطالبين بتعديل الوضع وهذه خطوة تحسب لراعيها جزاه الله خير ,, واتمنى اذا احد يعرف الي بيرسل الخطاب ان يتم اقتراح مايلي:

يتم تعديل رواتب ال PDP's جميعا الي وقعوا قبل الزيادة ,, مع الاخذ بالعلم ان اغلب ال PDP's الي وقعوا قبل الزيادة قدموا للشركة ومعهم خبرات وتم حساباها في عرضه الوظيفي فنتمنى توضيح هالنقطة وانهم يكونون مشمولين من ضمن الي يتعدل وضعهم

مثال بسيط اعرف ناس واجد لما جاو يوقعون عروضهم كان عندهم خبرة سنتين فتم احتساب 9500 ريال اساسي + 500 ريال تقريبا لكل سنة خبرة فصار المجموع 10500 ريال لانه لو احد حاليا جا يوقع عقد جديد وعنده خبره سنتين راح يعطونه 12020 + 500 ريال عن كل سنة خبرة ليصبح المجموع 13020 ريال اساسي

يعني لازم يتم شرح الوضع مفصل بالتفصيل ليشمل حتى الي وقعوا وكان معهم خبرات


في النهاية ,, كلنا ثقة ان شاء الله في الشركة للاتفات للموضوع وتعديله وكل الشكر والتقدير والتحية لصاحب الفكرة في مخاطبة البيرسونيل وقلوبنا معاه

بالتوفيق للجميع

 

الزيادة فقط للمهندسين و إلا لكل حاملي الباكلوريوس الفريش؟

نبي تفاصيل الزيادة لا هنتوا

 

هذا موضوع عن الزيادات 2008
http://www.stkfupm.com/vb/showthread.php?t=25391

 

حسب الخبر من الشباب الـ PDPs اللي تواصلوا من الـ Personnel أن الزيادة تشمل الموظفين الجدد اللي وقعوا من يوليو 2013 فقط ، و لا أخبار رسمية عن تعديل رواتب الموظفين السابقين .

لكن الـ Personnel يقولوا ( حسب الايميل من الشباب اللي جاني أمس ) أنهم لو تلقوا طلبات مجموعة من الموظفين يمكن يعيدون النظر في الموضوع .

فاللي صار إنه في اثنين من الـ PDPs جزاهم الله ألف خير تكفلوا و صاروا يجمعوا أسماء الموظفين المهتمين بالموضوع عن طريق الإيميل ، فكل PDP صار يرسل للـ PDPs اللي يعرفهم و يحط هالاثنين الطيبين في الـ .Cc ، و كل اللي عليك انك ترسل لأي واحد من هالاثنين إنك تأيد الطلب و هم راح يضبطون رسالة فيها أسماء جميع الموظفين القدامى المطالبين بتعديل الرواتب .

العملية رسمية و كلها عن طريق الإيميل . اللي حاب يتواصل مع الشباب يرسل لي على الخاص حتى أعطيه إيميلاتهم ، و اللي يقدر يبلغ جميع الـ PDPs اللي يعرفهم عن هالخطوة فهو بالتأكيد أفضل .

و الحمد لله كل حال

 

any update?

 

الحقيقه انا شايف دا تفاعل الموظفين الي اتوظفو قبل يوليو مع الزياده مالو داعي. مافي احد بعقله حيرفض زيادة راتبه؟ يعني بالعربي الايميل دا moot

 

شباب أنا تواصلت مع حقين البروسنيل, وأكدوا لي إن فيه زيادة لـلــــPDPs ... تشمل لثلاث سنوات سابقة .. وبتبدأ في نوفمبر الجاي إن شاء الله

 

الله يبشرك بالخير

 

كلمت اليوم أنا البرسونيل قالوا ما عندنا شيء رسمي !
الأنباء قاعدة تتضارب بشكل عجيب

 

انا كلمت سوبرانتندنت في البيرسونيل ووراني برزنتيشن بخصوص الموضوع هذا. قال ان الزيادة بتكون 9.5% على الاساسي + 5% لخريجين البترول فمجموع الزيادة تقريبا 14.5%. وهذا معناه ان 17.6 راتب بعد الزيادة هذي يساوي 16 راتب من البكج الجديد. الزبدة ان الجدد بيضلون ياخذون 1.6 راتب زيادة عنا لكن طبعا بتكون تحت السستم الجديد حق البونس

 

الله يبشرك بكل خير مع أنها اقل من المتوقع
مادري متى تتفعل الزيادة هذي؟

 

طيب يا شباب لو وقعت معم مثلا بكرة
كم بستلم شهرياً لو افترضنا اني اونر .
لأني ما اعرف الحسبة صح

 

ما فهمت هذه العبارة "وهذا معناه ان 17.6 راتب بعد الزيادة هذي يساوي 16 راتب من البكج الجديد" ؟!
يعني ما بنصير Protected employee بعد هذه الزيادة ؟
ومتى بيطبقون هذا الشيء؟

 

كثير من الشباب أعرفهم شخصياً يجهزون سيرهم الذاتية وناوين من جد يطلعون من الشركة إذا كانت الزيادة مضللة أو غير عادلة