تعدّي طالب على طالب

صراحة ما اعرف لكن انصحك اخوي انتبه انتبه تضحي بمستقبلك بتصرف طائش بسبب شخص غلط عليك لكن اكت غيظك ورح لاي مكان تقدر تشتكي فيه وانا متأكد انك اكبر مني وافهم مني وانصحك انت غالبا الحق معك لانك ما مسكت نفسك وسالت وين تشتكي الا انت على باذن الله فانتبه تتصرف تصرف لاتحمد عقباه النظام موجود وكلن ياخذ حقه باذن الله وان ضاع الحق فالدنبا ما يضيع فالاخره اسال الله ان يصلح الحال

 

لو كل احد اشتكى اي احد تعدى عليه بالكلام كان تلاقي المحاكم مزدحمة وتلاقي الناس يكرهو بعض
خلك على ثقافة السماح لوجه الله
وباذن الله لك الاجر على ذلك

 

خذ اسمه الرباعي من كشف المحاضر بعدين رح للمحكمة وليس الشرطة وارفع عليه دعوى
تاكد من اخذ ارقام اكبر عدد من الشهود علشان يسهل الوصول اليهم عند طلبهم في اول جلسة

 

^^^^^^^^^^^

لا تكبر السالفة ياخوي ما يحتاتج توصل محاكم و ترى الناس خطائين و إذا صاحب الموضوع ملزم روح لعمادة شؤون الطلاب أكيد عندهم إرشاديين

لكن نصيحتي لك تحسب الأجر عند الله و أعرف أن ولا شيء يضيع عند الله و بتاخذ حقك

 

نصيحة أخ : اكتم غيظك , حتى لو قدام الناس , الشجاعة انك تمسك نفسك , وطلاب الجامعه رجال ويعرفون منو الردي في هذا الموقف وما احد يلومك على زعلك .....لكن الجامعه نظامها شديد بهالسوالف توصل للفصل ...واخخاف حتى عليك انت من الفصل , أتمنى تسأل من بعيد عن هالمواضع في التوجيه والارشاد , وهم بيحلون المشكلة .

 

نصيحتي لك :::

قال تعالى :

{وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين}


وعن معاذ بن أنس رضي الله عنه أن النبي صلى الله عليه وسلم قال :" من كظم غيظاً وهو قادر على أن ينفذه دعاه الله سبحانه وتعالى على رؤوس الخلائق يوم القيامة حتى يخيره من الحور العين ما شاء " رواه أبو داود والترمذي وقال حديث حسن .

 

ممكن تروح لشؤون الطلاب وتشتكيه هناك

ممكن تروح لمكتب الدكتور منذر الفريدان اذا كان موجود وتشتكي على هالطالب وهو بيفيدك

هي ما هي فةضه قدام الخلق والدكتور يرفع صوته ويسب هذا طفل مو طالب جامعة

 

ما عليك من اللي يقول اسكت عليه وسامحه... اذا انه تعدى عليك روح اشتكي عليه عند اكبر راس... ما ضيعنا الا التسامح الزايد... الواحد لو يجلد ابوك قدامك قالو سامحه وسامحه... اشتك عليه خله يتأدب :@

 

فمن عفا واصلح فأجره على الله...اصبر واحتسب لست احسن من الرسول والصحابة

 

تبي الصراحة ولا المجاملة
الصراحة محد سابك عند الطلاب الا انك مسوي عليه شي
اسال نفسك انت ايش سويت له
يمكن انت ما انتبهت
يعني بيجي ويسب فيك على طول بدون سبب !!؟ اكيد ان فيه سبب صح ولا
واذا سبك بدون سبب فعليك فيه واشكية عند شؤون الطلاب لان فيها فصل + اشكيه بالمحكمة
الا اذا كان هو سابك بسبب فعلي فانهي الموضوع بينكم

 

شباب أنتم فاهمين الموضوع غلط , المعتدي لم يتكلم عليه بل تكلم على والدابه وأنا أجزم إنكم لو كنتم بمكانه لن تسكتوا
أخوي روح أول شيء إلى شؤون الطلاب عند مسؤولي التوجيه والإرشاد وإذا ما فادوك بشيء روح للمحكمة وتأكد إنك تأخذ شهود معك على الحادثة

 

المسامح كريم ، اذا عقله صغير كبر دماغك

 

مثل ما قالوا الشباب
روح مكتب عميد شؤون الطلاب يوم الاحد الصباح.. وخبره كل شي بأسلوب حلو زي اسلوبك في كتابه الموضوع..

وما ادري ليش تحذروا اخونا بالفصل!
الرجال ما سوى الا عين الصواب.. حتى حقه ما ياخذه بشكل نظامي!

ويؤسفني بمعرفة وجود بعض عقليات الاطفال في جامعتنا​

 

+1

 

والله انا اقول تواعده برا الجامعة وتعلمه الادب......

 

لا اخي الكريم،

في أشخاص للأسف ألسنتهم متبرية منهم وتستعجب كيف يمكن لأصحاب هكذا أخلاق أن يكونوا في جامعة تضم نخبة من شباب المملكة..

اخي صاحب الموضوع، لو استطعت تجاوز الإشكال بدون أن يؤثر ذلك عليك، على الاقل نفسياً، فعليك بذلك وأحتسب أجرك عند الله وحاول تجنب الاحتكاك معه قدر الإمكان وكن على يقين ان طلاب الجامعة، كما ذكر أحد الأخوة، هم من نخبة النخبة وعلى وعي عالي بمن هو المخطئ ولن يلومك احد بل قد تكون محل تقدير احترام.

اما ان كان الموضوع مسيئا لك ولم تستطع تجاوزه فأنصحك بالتوجه بداية إلى شؤون الطلاب و التوجيه والإرشاد للحصول على الدعم والبحث عن حل للمشكلة وتحصيل حقك..
قد يكون ذلك اقرب و أسهل لك من التوجه لجهة أمنية او قضائية وتوفر لوقتك وجهدك.

 

اذا مره تبي حقك .. قول له يا تدردب وما اشوفك او اشكيك عند الجامعه ويجيك فصل ( الفصل يعتمد على السبة وش هي )