تعرضت لتجربه غير مهنية من ارامكو !!

اي قسم تقصد Marine Department ??

 

وعليكم السلام ورحمة الله وبركاته

الله يوفقك وتحصل أفضل منها

وترى من حقك تأخذ تعويض عن التذاكر والسكن

تواصل مع الاتش ار واسأله عن الطريقة

 

أكثر و داوم على الإستغفار.

 

تقريبا نفس اللي صار لك صار لي

المقابله كـ ( تمثيليه ) أمام الناس عشان يقولون أنه حنا عندنا مساواه بين الناس و نسوي مقابلات للكل

ولكن من تحت الطاوله الموظف اللي يبغونه مضبطينه و مشين أموره و وضعه في السمبتيك

أنا و خويي نفس التخصص ( وأنا اللي كنت أدربه على المقابله الشخصيه :D )
هو أنقبل و أنا لا <<< الله يوفقه

و على طاري التذاكر و السكن... لك الحق انك تطالبهم بالفلوس بس اتوقع انه ما يتعدى 500 ريال

و بالتوفيق لي ... و لك .... وللجميع

 

لعل في الأمر خيره

بالتوفيق يارب بالجايات

 

لعله خير،،، في غيرهم و في احسن منهم

سمعت قبل فترة انهم يحاولون تقليل نسب التوظيف لانه في فائض حاليا + يفكرون بإعادة رفع نسب الاجانب في ارامكو

هذا والله اعلم ^

موفق

 

ياصاحبي ابدا ابدا لا تيأس انا عملوا لي نفس ما سوو لك ولكن ضليت احدث بروفايلي في الموقع واحدث واحدث يوميا وعملت معهم 3 مقابلات ولله الحمد اخر مقابله كانت جديه وعملت الفحص والبي اي ولكن للان انتضرهم والناس يخوفوني كثير منهم M nd m البترول طاح والي يقول ارامكو بتسرح موظفين والي يقول ارامكو وقفت ترقيات والحن اخر شي سمعته رفع نسب الاجانب والرزق على الله بس والله خلاص ابي انفك من الرق

الي عنده خبريه زينه عن ارامكو لايكون بيدعونا للمباشره مع بداية السنه والا ما اعرف لان للحين انتضر الاوفر من بعد عيد الفطر المهم قولو لي تراني قااافله معي من الرق وقفلتها زياده البترول وطيحته وطيحت الرواتب معه ويمكن افصل الشهر الجاي

 

أخوي هذه ما تسمى تجربة غير مهنية ... أنا عملت مقابلة مع ارامكوا 2013 وعديتها وعملت الفحص الطبي و ال BI وعطيت تاريخ المباشرة و تم تأجيل تاريخ المباشرة شهرين وبعدها جاني أعتذار بعدم القبول
أرامكو أيام حرب الخليج وسعر النفظ وصل 8 دولار ما وقفت توظيف ولا سرحت موظفين .. فما راح توقف التوظيف حاليا و لا راح تسرح موظفين .. هذه كلها إشاعات و مشاريع الغاز شغاله ما وقفت مثل الفاضلي غاز بلانت

أخوي Earth Science .. لا تستعجل البروسس يطول في ناس اخذ معاهم اكثر من 6 شهور .. رزقك جاي بس لا تتفائل كثير معاهم

 

والله ما كان المقصد تخويفك

لكن ارامكو الان تعاني من أكثر من مشكلة... منها انخفاض البترول مثل ما قلت - السكن - الرئاسة الطبية الجديدة (jh) و و و و و ...الخ

برأيي الآن أرامكو تمر بمرحلة انتقالية

و في مقولة دائما أسمعها... اللي يستخير ما يزعل... الله يوفقك و أعتذر على "تخويفك"

 

هههههههه الله يوفقك انا مشكلتي العجله بس ابيهم يردون بسرعه احسن من اجلس معلق والا والله انك صادق و الرسول (ص) قال (لو اجتمعت الانس والجن على ان يضروك فلن يضروك بشي كتبه الله عليك ...)

تتوقع المرحله الانتقاليه لارامكو للاحسن والا للاسوء

 

ممم المقابلة الي صارت لك مش غير مهنيه !
احيانا المقابلات الي تصير في اخر السنه تكون زي حملات يعني عشان الاقسام توظف الشواغر .. تشوفهم يقابلون 30 شخص لوظيفة وحدة ...

انا نفس الشي لكن الفرق انهم قابلوني 3 دقايق وقوبلت بالرفض لكن خيره حمدالله ..

اما ع الطيران المفروض انك تواصلت معاهم لانه يعوضونك

 

فعلا الواحد لما يقعد ينتظر شي يقعد على أعصابه و يسير مهموم... و الهم معروف أنه من أقوى جنود الله

باذن الله انها للافضل... الشركة مستمرة بالتتطور و مستمرة بالأبحاث و مستمرة بافتتاح مراكز أبحاث و مستمرة بتدريب أفراد على مستوى عالي جدا دراسيا و مستمرة بالتعاقدات

لكن من ناحية طبية ماش... الوالد طبيب بارامكو و للاسف يقولي من أول ما مسكوا John Hopkins المستشفى الوضع بين ثابت إلى أسوء

جون هوبكينز معروفة أنها من قادة الطب في هذا الزمن... لكن يبدو أن مجيئهم لارامكو كان مجرد تبادل منفعة مادية

ننتظر و نشوف

+

معليش راعي الموضوع خرجنا عن النص شوي... شوي كثير:D

 

لا تكدر خاطرك

معروف من ارامكو واشباهها عدم الاحترافية في التوظيف

ولي تجربة مماثلة من ضعف طريقة المقابلة الشخصية

لكن الحمدلله عدت على خير

 

1. خيرة ان شاء الله
2. اشتغل ع نفسك بالحصول على الشهادات المهنية (pe، pmp.... الخ)
3. سوي لك عضوية في هيئة المهندسين السعودية واتسفيد من الدورات المجانية والمدعومة..... الخ
4. افضل البحث عن تجارب مع شركات جديدة وتوها تبي تطلع.
5. معدلك ماشا الله طيب، فكر تكمل ماستر في البترول خاصة وانه معدلك ماشا الله يسااااااااعد

 

السلام عليكم ورحمة الله وبركاته،

أولاً معوض خير اخي الكريم، بالنسبة لأرامكوا، كثير من الزملاء يشتكون وانا حصلت لي تجربة شخصية معهم، في نهاية 2013 تم الإتصال بي لعمل مقابلة في قسمين مختلفين، وصلت مبكراً وسجلت حضور دخلت المقابلة الأولى وكان فيها شخصين رجل وإمرأة من قسم التخطيط والميزانية، وللأسف ماكانوا بالمستوى المطلوب !! كنت أيامها أعمل في أرنست يونغ وما عرفوها !! مع أن المكتب من اهم مكاتب المحاسبة، أسئلتهم سطحية ومن مواري المقابلة أنها كانت زحلقة! بعدها قابلت في قسم بتروليم .. وكانت جيدة للامانة ما اجبت على كل أسئلتهم لكن افضل بمراحل من المقابلة الأولى .. ومع اني رغبتي في الدائرة الأولى تفاجأت بعد أيام برفضي للمقابلة الأولى وقبولي في الثانية.. بعدها تواصلوا معي وطلبوا إختبار تحديد المستوى والفحص الطبي وbackground check انهيت الإجراءات .. وانتظرت ومن تقريباً شهر يناير 2014 إلى نوفمبر !! لاحس ولا خبر .. مع أني أتواصل معهم من فترة لفترة لكن ما فيه جديد .. بعد كل هالفترة جاني إتصال وطلبوني عندهم وقالت لي الموظفة أن الفحص الطبي الان تجاوز 3 شهور وتحتاج تسوي جديد ..!! وأن القديم فيه سكر وهذا عليه ملحوظة من الإدارة.. قلت لها انا محاسب و وظيفتي مكتبية والتاخير منكم .. مو مني .. وحتى الأن ما جاني عرض مبدئي !! فانا متاسف جيبي لي تاكيد من الإدارة أن ما عندهم مانع ان عندي سكر وانا مستعد أسوي الفحص .. قالت لا نظامنا نجهز ملفك والإدارة تتخذ القرار بعدين .. وكان ايامها إنتظر الوثيقة الرسمية للماجستير لانها تصدر في فبراير 2015 وزودت ارامكوا بكشف الدرجات الرسمي وخطاب رسمي من الجامعة يفيد بالتخرج .. للاسف قالت لازم الاصلية وكلامها غير مهني !! تقول أن تضيع على تفسك فرصة ارامكوا كثير غيرك يتمنونها !! قلت المفروض تعطيني عرض أشوفة يمكن عرضكم ما اوفق عليه أصلاً !!

بعد كل هالمدة تقريباً سنة جاني الإيميل الجاهز !! نتاسف لقينا واحد ثاني غيرك

لذلك الأن .. اي شركة شغلها بربسة في التوظيف أكرشهم من البداية .. واللي يبي يسوي مقابلة يرسل لي تذاكر الله لا يهينه ويقدم عرض زي الناس اما تجيبني وتقعد تتفلسف علي بأسئلة مالها سنع .. وتقابل 100 الف واحد وعرضك مثل وجهك .. اسفين

زبدة الكلام .. لا تيأس .. طور نفسك مثل ما قال الزملاء .. وفالك التوفيق.

 

معوض خير. لاتزعل ولاشيء.
إن شاء الله تلقى وظيفة احسن من الي بارامكو.

الله يوفقك

 

انا حصل اي موقف معهم. بعد ما اجريت كل المتطلبات وتمت الموافقة جاني اعتذار. اتصلت على موظف الموارد البشرية. الموظف مش عارف ان تم الإعتذار وقال لي امورك ماشية وذكرني بالإسم وبعد ما عطيته رقم الطلب وشيك قال اي والله جاك اعتذار. جاني واحد معرفة وطلب مني رقم الطلب عشان اعرف السبب. قالي السبب ان الجامعة غير مدرجة عند ارامكو. السبب مضحك طلاب ارامكوا السب بي سي في جامعتي وفيه ناس خريجين جامعتي في ارامكوا. وقالها بالفم المليان اذا ارمكو وظفت 10..... ثلاثة الا اربعة ارزاق والباقي واسطة. وان اعرضوا على حاجة فالمستقبل احتمال كبير كبير ارفض على قولتهم باد اكسبيرينس. انا مالي بالواسطات ولا لي فيها وما ابيها. عالموم الدنيا ارزاق والاي مكتوب لك بتحصله. الحلو في ارامكو حاجة وحدة قرض البيت والاستقرار الوظيفي. واذا طحت لك على ادارة كويسة طورت منك كموظف. وموفق ان شاء الله