تفصيل مواد pyp

السلام عليكم ورحمة الله وبركاته


في البداية نبارك لكم قبولكم في الجامع ووفقكم الله اخواني في مرحلة السنة التحضيرية. وأعلم انها سنة جد واجتهاد ، شي لا يقارن ابدا بالمرحلة المدرسية


اليوم بإذن الله تعالي بتكلم عن مواد السنة التحضيرية (pyp) ومثل ماتعرفون عددها اربع مواد، وبحاول أتكلم عنها بقدر ما أستطيع.


المادة الأولى : pyp001
[Preparatory Physical Science]

مادة سهلة وخفيفة ومقسمة الى ثلاث اقسام: كيمياء وفيزياء و جيلوجيا. كلاسين أسبوعيا كل كلاس مدته 50 دقيقة

طبعاً المادة كلها مراجعة بسيطة لاساسيات الفيزياء والكيمياء واتوقع الجيلوجيا ( بحكم اني كنت مقررات فما اقدر احكم عليه )

بخصوص الفيزياء بتاخذ فيه الحركة والزخم والتسارع والقوى وقوانين نيوتن الثلاث واشياء بسيطة

بخصوص الكيمياء بتاخذ فيه خصائص الموانع والذرات والروابط الكيميائية ، اغلبها مثل كيمياء اول ثانوي اذا ماني غلطان

والقسم الأخير اللي هو الجيلوجيا يتكلم عن الصفائح والزلازل وخصائص الأرض والمياه الجوفية والساعة الجيلوجية


غالباً ان الجيلوجيا بيكون اصعب قسم حق بعض طلاب مدارس المقررات بحكم انهم ماخذوه


توزيع الدرجات

15 درجة كويزات : 8 كويزات طول الترم محدده لكم اوقاتها في السيلابلس (مخطط المنهج)


5 واجبات عن طريق البلاكبورد

20 الميجر الأول : عشرين سؤال عن الفيزياء

20 الميجر الثاني : عشرين سؤال عن الكيمياء

40 الفاينل : 30 سؤال وكان التوزيع 10 كيمياء 10 فيزياء 10 جيلوجيا


ملاحظة: بعض أسئلة الهوموركات تجي في المياجر + الفاينل
وايضا طريق توزيع الفاينل يمكن يتغير



المادة الثانية : PYP002
[Preparatory Computer Science]

مادة سهلة وخفيفة حق اللي يحبون الحاسب ومتعودين على برامج الاوفيس، متوسطة الصعوبة حق اللي مو متعود عليهم. كلاس واحد اسبوعياً

الكورس يتكلم عن 4 أشياء أساسية اللي هي : الوورد، الباوربوينت ، الاكسل ، وفي الأخير تصميم موقع بلغة HTML

والاشياء الفرعية يتكلم عن الحاسب ومكوناته والسوفتوير وأيضا الشبكات


توزيع الدرجات

10 درجات على الحضور + المشاركة

15 درجة كويزات :3 كويزات كل كويز 5 درجات ، والكويز بيكون عن طريق البلاكبورد ، اختيار من متعدد

15 درجة واجبات :3 واجبات كل واجب 5 درجات ، والواجب بيكون عن طريق البلاكبورد ، اختيار من متعدد

60 درجة مياجر: ​

4 مياجر كل ميجر 15 درجة

الميجر الأول بيكون عن الوورد، المدرس بيشرح لكم عدة خصائص في الوورد وفي الميجر بيعطيك ملف ويقول لك تسوي نفسه

الميجر الثاني بيكون عن الاكسل، نفس طريقة الميجر الأول

الميجر الثالث عن الباوربوينت وبيكون أيضا نفس نظام الميجر الأول

الميجر الرابع والأخير عن تصميم موقع بلغة HTML

ملاحظة : لازم تكون مركز مع الدكتور اثناء الشرح وهو يشرح الطريقة ، لانك في الميجر بتطبقها مرة ثانية

وفي الغالب الكوردينتر ( رئيس المادة) يسوي فيديو تطبيق عن كل تمرين يعطيكم إياه المدرس، عشان تتدرب عليه في البيت


المادة الثالثة : pyp 003 (مهارات الحياة)


المادة بتكون باللغة العربية. الشغل والكرف فيها يعتمد على المدرس اللي عندك. كلاس واحد اسبوعياً

المادة فيها مشروع وهو انك تسوي عنه بحث ويشترط فيه انه ما يكون منسوخ من منتدى او من ويكيبيديا.

في المادة ذي بتتعلم كيف تكتب او تسوي بحث بطريقة علمية بحته. وفيها أيضا عدة وحدات. تقدر تشوفها في الصورة



توزيع الدرجات

الواجبات ١٠

حضور 10

اختبارات ٣٠

نشاط فصلي ١٠

المشروع ٤٠


طبعا المشروع بيكون جماعي وبيكون فيه عرض باوربوينت + لازم تسوون بوستر

الاختبارات وطريقتها تعتمد على المدرس


المادة الرابعة: pyp004
[Preparatory Engineering Tech.]


من امتع المواد واسهلها على الاطلاق. الماد تقدر تعتبرها مقدمة الى التخصصات الهندسية. كلاس واحد اسبوعياً

فيها اربع اقسام.

القسم الأول : السيارة

بتتعلم تركيب السيارة وخصائص المكينة وكيف الزيت يدور داخل المكينة وغيره. يعني بتتعلم اساسيات السيارة من ناحية ميكانيكية. واخر محاضرة بيكون فيها اختبار عن طريقة عمل البواجي.


القسم الثاني: القرافيك

في هالقسم بتستخدم الرسم اليدوي لاشكال ثلاثية الابعاد عشان تكون ثنائية الابعاد ، يعني ترسم الوجة الامامي والعلوي والجانبي. وأيضا بتسخدم برنامج AUTOCAD كتطبيق الكتروني على اللي ترسمه يدوي.


القسم الثالث: الروبوت

للأسف هالقسم مادرسته فيالليت احد الاخوان اللي درسه يفيدنا فيه


القسم الرابط: PNEUMATICS علم خواص الغازات

هو علم حديث نسبيا يقوم بدراسة استخدام قوة الغازات المنضغطة للتأثير على الحركات الميكانيكية.


توزيع الدرجات

كل قسم عليه 15 درجة 10 اختبار عملي + 5 كويز

الحضور 15 درجة

الفاينل 25 درجة

​

في النهاية ، اتمنى ان الكل استفاد، وفي حالة اي استفسار او في شي مب واضح مستعد لخدمتكم


والسلام عليكم ورحمة الله وبركاته

 

الله يعافيك

حبيبي والله ، بخصوص الصندوق في ترم 152 وقفوه وحطوا الروبوت بداله ، عشان كذا انا ماذكرته
تقدر رمز البترول انتهى