تقييم سيرتك الذاتية هنا!

ما ادري ، لكن لو كنت مكانك بذكر المعدل في بعض الشركات و بعضها لا.
و في أغلبها بذكر المعدل إلا لو الشركة غالبا تشترط معدلات عالية مثلا 3 من 4
إن شاء الله بقية الشباب يفيدونك اكثر

 

السلام عليكم ورحمه الله
شكر الله جهودك و بارك الله في مساعيكم
انا طالب هندسه كيميائيه سنه اخيره ودي برايكم بال CV و اذا فيه اقتراحات لتطويرها.
وشكرا مقدما

 

السلام عليكم، هذي السيرة الذاتية بعد ملاحظات اخوي شدعوة، م قصر الله يعطيه الصحة والعافية.
حبيت أتاكد: هل هي مناسبة كالتالي أو كفاية؟
ويعطيكم ألف عافية

 

و عليكم السلام و رحمة الله ،
ال cv خله بال PDF إلا لو الشركة اشترطت يكون DOCX

- عنوان السكن يكفي تكتب Saudi Arabia - Dhahran.
- الشهادة الثانوية لاتذكرها
- مايحتاج تكتب مكان الجامعة ، خاصة اذا كنت بتقدم على الشركات الي في السعودية ،
فاحذف eastern province - Dhahran
ونفس الشي مع جامعة فلوريدا ، اكتب جنبها USA

فيه خطأ verity اعتقد تقصد فيها Variety ولا ؟
ألريفرنيس ، يكفي تذكر 2 ، الا لو بتقدم على جهة مثلا معهد ابحاث او جامعة مثل كاوست عشان منحة تدريب ومشترطين هذا العدد

- كلمة conducting عدلها و خل c كابيتال

- Experience with Windows احذفها

- حاول تستخدم نفس التنسيق والخطوط في كل cv ، لايكون عنوان بحجم و العنوان الثاني بحجم مختلف .

مثلا في Languages مستخدم حجم وتنسيق يختلف عن باقي العناوين
ونفس الشي مع عنوان PERSONAL SKILLS صاير بولد وكل الحروف كابيتال و بحجم مختلف عن بقية العناوين .



العناوين خل اول حرف من كل كلمة فيها كابيتال مثل كذا :
Personal Skills
كذا اريح للعين


الله يوفقك ونصيحة راجعها مع اكثر من شخص يمكن انا اكون غافل عن بعض الأشياء او فيه افكار ثانية ممكن تخلي ال cv أقوى .
واسف على الإطالة

 

السلام عليكم، مساء الخير للجميع.
شكرا لكل شخص يقدم المساعدة وبالأخص (شدعوه)
هذا السي في، ننتظر آرائكم

 

لاتنسوني يعطيكم العافية

 

و عليكم السلام رائد ،
ال cv مرتب لكن يحتاج بعض التعديلات ،

- تاريخ الميلاد لا تكتبه
- ما يحتاج تكتب CURRICULUM VATE يكفي تكتب اسمك وتخليه بحجم اكبر شوي من الحين .
- Electrical Engineer خلها Bold
- في العناوين واسماء حاول تخلي اول حرف بس كابيتال مثل كذا :
Objective

- الخبرة ،
اكتب وش المسؤوليات الي كانت عليه في التدريب ، مايكفي تكتب اسم الشركة بس.
وهذا مثال للمسؤوليات للمهندس الكهربائي , حاول تعدل علها خاصة اذا كانت طويلة
Electrical Engineer Sample Job Description | Monster.com

- الشي الثاني حدد بالشهر متى تدربت مثلا
January - April , 2018

- مايحتاج تكتب كلمة PROFILE في المهارات و البروجكت

في مشروع التخرج اشرح البروجكت على شكل نقاط , و اذا ماتقدر تشرحه على الأقل خل معاه مشروعين او ثلاثة من مشاريع المميزة في الجامعة
ونصيحة اذا بتقدم على شركة مثلا مجالها في الطاقة الشمسية وانت مشتغل على بروجكت له علاقة بمجالهم , حاول تذكره وتشرحه على شكل نقاط وتذكر بعض ال keywords الي حتى مسؤول التوظيف الي مايعرف للمصطلحات التكنيكال بيكون سامع فيها. لأن هالشي بيجذب انتباه وبيميزك عن بقية المتقدمين .

الشي الأخير , في اسماء الجامعات او المشاريع او الشركات حاول تخلي اول حرف من كل كلمة كابيتال يعني كذا :
Electric Charging Station for Electric Vehicles


الله يوفقك و يرزقك الوظيفة الي تتمناها

 

ألف ألف شكر لك، الله يجزاك الجنة يارب

 

الله يعطيك العافية أخ شدعوه ❤️
بأسعد بملاحظاتك..

 

الله يعافيك يا خالد.
المعلومات و محتوى ال cv ممتاز لكن بسبب تنسيق cv ، تحس شوي فوضى فالأفضل تعتمد على النماذج التقليدية ، بحيث العنوان تكون فوق بعض مب على شكل أعمدة نفس النموذج الي انت استخدمته.

- لاتكتب student او college , حاليا انت مهندس وخريج ، فالمفروض تكتب في التعليم :
Bachelor of Electrical Engineering

- الاوبجكتيف زين لكن حاول تخليه أقصر ويصير سطرين بالكثير & حاول ترفعه اكثر عشان تستغل المسافة الفاضية الي صايرة فوق
- لاتكتب Expected to graduate in
اذا كتبتها فمعناها رفض من أغلب الشركات لأن تقربا اغلبها يفضل الي متخرج . والشي الثاني ماتدري يمكن اصلا الموظف مايشوف cv الا بعد 4 اشهر فلما يشوف كاتب متوقع تخرجك يمكن يقول مب اكيد تخرجت فيستبعد لما يفرز المتقدمين .
اكتب تاريخ التخرج بس بدون ماتحدد هل تخرجت او لا


- اكتب معدلك التراكمي مب معدل التخصص
، لاتكتب معدل التخصص لحاله ، ترا هالشي يسبب مشاكل لأن بعضهم يفكرك قاعد تخدعهم وهالشي صار لواحد من الشباب في نص المقابلة سألوه عن المعدل ، وقال ومعدل مختلف عن المعدل الي في cv و طردوه لأنه كان كاتب معدل التخصص وهم فهموا ان هذا معدله التراكمي

- الكورسات شي جميل انك تذكرها لكن لو صار ال cv اكثر من صفحة ، حاول تحذف بعضها .

- العناوين حاول تخل اول حرف من كل كلمة هو الكابيتال بس مثل كذا:
Education

- الخبرة مب واضح اسم الشركة فنصيحة امش على هذا التنسيق على سبيل المثال

Summer Trainee - RM Corporation - Production Department (January - March , 2018 )f
Responsibilities:
-
-
-

وحاول تذكر 3 بالكثير إلا لو ال cv فاضي وعندك مساحة


Achievements/Tasks واستبدلها ب Responsibilities او اختار كلمة وحدة منهم اما اشيفمنت او تاسك.


الخبرة الثانية الصراحة مب واضحة ومب مفهوم ايش كان اسم الشركة او وظيفتك فحاول تعدلها وتكتبها بصيغة واضحة مثل فوق ^^^

- الأقوس الطويلة الي صايرة يمين ويسار لكل قائمة ، مشوهة ال cv فاحذفها

- البروجكت ، ما يحتاج تكتب تاريخها

- الخطوط و الأحجام اهتم فيها ، يعني فيه جمل بحجم والجمل الي على اليسار بحجم ثاني ، وهالشي يمكن تشوفه صغير او مب مهم لكن بعض الموظفين يدقق عليه & بعد ماتبطع ال cv بيكون واضح

- حاول تراجع صياغة بعض الجمل خاصة في البروجكت مثلا بدل with their تقدر تكتب and , حاول تستخدم أفضل الكلمات ما يحتاج تكتب جمل طويلة

- لاتكتب Competent ،


ونصيحة راجع ال cv مع اكثر من شخص يمكن انا اغفل عن بعض الأشياء او فيه افكار ثانية تخلي ال cv أقوى وانا ماعرفها.

الله يوفقك ويرزقك الوظيفة الي تتمناها

 

الله يعطيك العافية ، وشاكر لك وقتك وجهدك ❤️
وملاحظات مهمة وبأشتغل عليهم ، لاهنت حبيبنا

 

السلام عليكم
اخواني الله يعطيكم العافيه على مجهودكم الرائع
حبيت اخذ رايكم في ال CV الكل منا يخطئ و ربما يصيب ولعل منكم نستفيد

 

افدني برأيك اخ "شدعوه"

 

السلام عليكم.
حبيت اخذ رأيكم بالسيرة للتدريب الصيفي.

 

اسف توني اشوف ردك ، اذا ردي مب متأخر ? إن شاء الله براجع ال cv

 

الله يعطيك العافيه في انتظارك ❤️❤️

 

و عليكم السلام ،
يفضل تغير النموذج الي مستخدمه لأن اذا جيت تطبعه ماراح يكون واضح خاصة القسم الي بالأزرق، الشي الثاني المعلومات صايرة قريبة من بعض بزيادة فحاول تخلي متباعدة بشكل بسيط.

تاريخ الميلاد ومكانه مايحتاج تذكرهم إلا لو الشركة طلبت مثلا عمر معين او سكان منطقة معينة.

اسماء الشركات والمشاريع خل اول حرف بس من كل كلمة كابيتال مثل كذا :
Eastern Province Cement Company
فيه خطأ في السبيلنغ الشهر ( يناير )
مايحتاج تذكر مكان العمل و الدولة, لأن واضح من اسم الشركة , إلا لو بتقدم على برا السعودية
الشي الثاني , اكتب كذا لو هذي هي وظيفتك الحالية
January , 2015 - Present

حاول تخلي الكلام يكون متناسق و على نفس مستوى العناوين ، مثلا الكلام الي تحت عنوان Education رايح لليسار شوي ، فعدله.


الدورات ممتازة خاصة انك خبرة واكيد بتلفت النظر لكنها مب مرتبة و يحتاج الواحد ياخذ مدة طويلة لين يعرف ايش هي الدورة و و ين كانت و المعلومات الثانية.
بس قبل كل شي ، ارجع لقسم الخبرة واكتب جنب اسم الشركة هذا الاختصار : EPCC عشان لما يروح لقسم الدورات يكون عارف وش تقصد فيه.
فيه خطأ عندك اتوقع تقصد career مب carrier

رايي تخلي قسم الدورات مثل الي في الصورة ، بس بعد اخر نقطة من كل قسم زد المسافة شوي



في المهارات لاتكتب ان مستواك بيسك في الانجلش لأن بعضهم بيفهم انك ماتعرف للانجليزي فشيل نقطة اللغات .
عنوان صندوق البريد مايحتاج تذكره


الله يوفقك ويرزقك الوظيفة الي تتمناها واسف على التأخير

 

@ Mu20
رسلت لك على الخاص ،

و عليكم السلام
- ممتازة ال cv لكن تأكد انها تكون صفحة وحدة لأن لما فتحت الملف كان عبار عن صفحتين.
- المهارات بعضها رايح لليمين ، فخلها على نفس المستوى ومتوازية مع أول مهارة فوق ، الشي الثاني ،اتوقع خلال التدريب او الجامعة اشتغلت على برامج و أنظمة حسابية ، فحاول تذكرها ضمن المهارات وتخليها في بداية المهارات لأنها أهم من المايكروسوفت والمهارات الشخصية. واغلب الجهات والشركات تبحث عن الأشخاص الي متمكنين او على الأقل عندهم اطلاع بسيط عنها.

درجة الايلتس حركها لليسار شوي عشان تكون بنفس مستوى الانجلش والعربي.

العناوين خلها بحجم أكبر، لأن الحين عنوان القسم صاير بخط أصغر من الكلام الي تحته.

فيه مسافة زايدة بعد وقبل كل عنوان ، حاول تقللها ، ولما تقللها راح توفر مسافة ممكن تستخذمها في أقسام ثانية أهم.

الخط الرمادي صحيح معطي شكل جميل لكن اذا جيت تطبع ال cv ماراح يكون واضح فالأفضل تخليه بالأسود وتزيد الحجم شوي .


الله يوفقك يا سليمان واسف على التأخير

 

و عليكم السلام ، بشكل عام cv ممتاز بس يحتاج تعديلات بسيطة مثلا انك تستخدم نفس نوع الخط والتنسيق في كل ال cv لأن مثلا في المهارات :
المهارة الأولى صايرة بحجم وخط و الثانية بخط وحجم ثاني
فالعناوين لكل سكشن خلها بخط واحد وبحجم معين , و المحتوى الي تحت بنفس الخط لكن بحجم اصغر , عشان يكون فيه تناسق
و اللون الرمادي حاول ماتستخدمه لأن اذا جيت تطبعه ماراح يكون واضح

شل المعدل من الابوجكتيف

احذف Three times , يكفي ذكر السنوات


و الله يوفقك واسف على التأخير