تقييم سيرتك الذاتية هنا!

وعليكم السلام
النموذج جيد بس لو تستبدل Personal Information بإسمك وتخلي اسمك في النص كأنه عنوان للسيرة بخط كبير
وتحته المعلومات الشخصية و التوصل يكون افضل,
اما البروفايل فيكون قسم لحاله مثل الأقسام الثانية
يعني الشكل يصير كذا :


في البروفايل لاتنسى تكتب Mechanical Engineer بحيث تكون بارزة بين الكلام عشان يعرف مسؤول التوظيف على ايش مقدم بالضبط.


مب لازم تكتب اسم الحي ، يكفي المدينة و السعودية , الا لو الشركة مثلا حددت في إعلان الوظيفة ان مكان العمل في حي قريب من سكنك
ففي هالحالة اذكر اسم الحي عشان يعطيك الأولوية

- في الخبرات و التعليم , اذكرها من الأحدث إلى الأقدم
- في البكالورس حدد في اي شهر بالضبط تخرجت ، واكتب اسم الشهر مب رقمه

- في قسم الخبرة ، لو تذكر المسؤوليات او المواضيع الي تركز عليها التدريب يكون افضل
وهالرابط بيساعدك في صياغة المسؤوليات ( لاتنسخها )
https://www.greatsampleresume.com/job-responsibilities/rotating-equipment-engineer-responsibilities/
+
Mechanical Rotating Equipment Engineer job in Reading: Mechanical Rotating Equipment Engineer jobs - Orion Group Recruitment

لاتنسى تسوي لك ملف على Linked in , bayt.com nukrigulf


الله يوفقك واسف على التأخير

 

و عليكم السلام
خل الأسم في النص , و المدينة والجوال والايميل تحته

Chemical Engineer خلها سميكة بحيث تكون بارزة بين الكلام
اسم SABIC خله سميك عشان يكون بارز ويلفت النظر لأن بعض الشركات لما تشوف شخص استغل او تدرب مع سابك و ارامكو تعطيه الأفضلية خاصة لو كان الشركة شغالة في مشاريع في ارامكو ومحتاجة ناس عارفة نظام ارامكو والستنادرد


الله يوفقك واسف على التأخير

 

لو ما اشتغلت فلا تذكر شي ، او اكتب المواضيع و المجالات الي كان المكتب يتعامل معها خلال فترة تدريبك بشرط ان تكون عندك فكرة حتى لو بسيطة عن المواضيع الي بتذكرها .
سواء بتكتب المهام في التدريب او مب تكتب فخلك مستعد لو انسئلت في المقابلة : " ايش استفدت من التدريب " ؟
حاول تجهز جواب مقنع ، يعني حتى لو ماستفدت من التدريب بشكل كبير ، فحاول تصيغ الأشياء البسيطة الي استفدتها بطريقة او بصيغة ماتحسس مسؤول التوظيف انك ما استفدت من التدريب
يعني حتى لو كان التدريب سيئ ، لكن لاتقول هالشي مباشرة لمسؤول التوظيف.
اذكر الأشياء البسيطة الي اشتغلت عليها او استفدت منها حتى لو كانت بسيطة جدا ، اهم شي لاتقول له ان التدريب كان بدون فايدة.

على العموم لو ماعندك شي تقوله ، اكتب اسم الشركة - القسم وتحت المواضيع الي تعرفت عليها خلال التدريب
هالرابط ممكن يفيدك خاصة انك خريج قانون , وابحث في النت عن ( مهام خريج المحاماة \ القانون ) وبتحصل مواضيع كثيرة عن هالشي.
مهام المتدربين لدى مكاتب المحاماة


الله يوفقك واسف على التأخير

 

وعليكم السلام

اختار عنوان واحد ، اما الرياض او الظهران

السطر الي بالرمادي و & Industrial engineer احذفهم
الأبوجكتيف خله كذا افضل :
طبعا Industrial engineer خلها سميكة بحيث تكون بارزة بين الكلام

Dedicated and motivated Industrial Engineer seeking an entry level position that provides the opportunity to apply my technical background as well as participating in achieving the organization goals.


تأكد من الخطوط و احجامها يعني العناوين تكون بحجم وبخط ، اما الكلام الي تحت يكون بنفس الخط لكن بحجم اصغر ، لأن شفت هالخطأ متكرر عندك اكثر من مكان مثلا :
Forecasting مكتوبة بخط او حجم مختلف عن باقي ال cv و المهارات , فراجع كل cv مب بس هالمثال .


الشي الثاني Forecasting ما احسها مهارة ، عارف قصدك مهارة وموضوع مرتبط بالتخصص لكن حاول تجيب صياغة افضل او تضيف كلمة ثانية توضح مقصد بال forecasting

احذف PROFESSIONAL DEVELOPMENT AND ACTIVITES و Certifications / Volunteers
وخل العنوان
Certifications and Extracurricular Activities

بشكل عام حاول تكبر الخط شوي سواء للعناوين او الكلام الي تحتها


بعد عنوان Senior Design Project: فيه مسافة زايدة حاول تقلل منها


الله يوفقك واسف على التأخير

 

وعليكم السلام ورحمة الله وبركاته

راجع الخطوط والحجم ، لأن فيه شوي عدم تنسيق ، مثلا الجدول الأول مكتوب بخط و الجدول الثاني مكتوب بخط ثاني و سميك و حجم مختلف.
هذا مثال , لكن هالخطأ متكرر في أكثر من مكان فراجع كل cv

في قسم البروجكت والاسايمنت , النقطة الثانية , رقم 2 مكرر احذفه

في البروفيشنال تريننغ فيه مسافة زايدة قبل Saline Water احذفها

الريفرنس , لازم تكتب في اي جامعة يشتغلون ،
بإمكانك ، تكتب الأسم , الوظيفة ، الجامعة

في قسم اللغات مايحتاج تكتب read , speak , write
يكفي تكتب Fluent , Native


العضوية
Member of (SAMPE) Society for the Advancement of Material and Process Engineering. Member of Saudi Council of Engineers.
مكانها غلط , خلها في الصفحة الثاني وبحجم مناسب


الله يوفقك واسف على التأخير

 

بيض الله وجهك ياغالي ما قصرت

بشكل عام تشوف السيرة جيدة؟ او يحتاج اغير الفورمات كامل لاني احس الجداول مخليه السيرة معقدة ولك مني جزيل الشكر والعرفان

 

وجهك ابيض.
لا تغير الفورمات لكن عدل على الخطوط و الأحجام , وبخصوص الدورات , اذكر الدورات و الشهادات المرتبطة بمجال العمل الي متقدم له والمهارات الشخصية
يعني انت مهندس ومقدم على وظيفة هندسية ، فمسؤول التوظيف ماراح يهتم بشهادة او دورة خذتها عن السوشال ميديا , لو حاب تذكرها فاذكرها في ملفك على Linked in لكن في السيرة لا تذكرها لأنها تاخذ مساحة عليك وما يهتم فيها مسؤول التوظيف


ادمج الجدول الأول مع الثاني , مثل الي في الصورة : لو فيه مجال تخلي اسم الجهة الي مقدمة الدورة خاصة الدورات التكنيكال جنب اسم الدورة بيكون شيئ جيد ولو ماقدرت مافي مشكلة لأنك كاتب قبل الجدول ان هالدورات كانت ضمن البرنامج لمؤسسة المياه


كلمة Honors صايرة في نهاية الصفحة ، خلها في الصفحة الثاني & اتوقع بعد ماتدمج الجدولين بيصير cv صفحة فما يحتاج تسوي هالتعديل .

 

الله يعطيك العافيه اخوي وماقصرت شكراً

تم اضافة التعديلات

 

السلام عليكم ارفقت السيرة الذاتية ووننتظر ملاحظاتكم، وشكرا

 

السلام عليكم,
ممكن تقييم و اعطاء النصائح ل resume حقي.
طبعا في اشياء انا مش ذاكرها في resume
مثل ان مشروع التخرج حقي حائز على جائزة + راح يتصنع بكميات كبيرة+ انا الي صممته من الصفر, بس ما بعرف اذا هالاشياء راح تأثر على الحصول على وظيفة فما حطيتها.

 

السلام عليكم ورحمة الله وبركاته , أتمنى منكم تقييم سيرتي الذاتية جزاكم الله خير

 

السلام عليكم ورحمة الله وبركاته ...
الله يجزاكم خير الجزاء على جهودكم ..
أتمنى مراجعة وتقييم سيرتي الذاتية

 

أولا بالنسبة للفورم أو الشكل أنصحك تشيل المستطيلات اللي في كل عنوان أحس مسوية زحمة .. يعني مثلا اكتب Education بدون المستطيل.

ثانيا : الريفرينسيس انت حاطها في بداية السي في مع الادريس ! والمفروض تكون آخر شيء .

أيضا الادريس يفضل تحطها فوق career objective وشيل أيضا المربعات ورتبها مع إنها مو مرة ضرورية في السي في

أيضا بالنسبة لل Education احذف name of college مالها داعي وحط اسم الكلية بعد mechanical Production
طبعا حط فاصلة

أيضا work experience حاط رؤوس أقلام ما ينفع كذا . تكلم عن المهام اللي سويتها لكل شركة وافرزها كنقاط وحاول تحط مصطلحات متعلقة بتخصصك او البوزيشن اللي مقدم له بحيث تجذبهم .

بالنسبة لل courses and certificates
في هالقسم مو واضح اي منهم الكورسيس أو الشهادات ..
يعني اللي اقصده إنت خالطهم ومو موضح وين اللي حصلت عليها شهادة.. لأن بعض الكورسات ما فيها شهايد..

أيضا حط حرف كابيتال عند بداية كل حرف من اسم جامعتك ..
أيضا وضح بعض الاختصارات مثل OSHA حطها بين قوسين.

بالنسبة للتواريخ يفضل تكون آخر شيء لليمين أو آخر شيء لليسار كذا ارتب ،ابحث في النت بتشوف أمثلة كثيرة.

أيضا أنا أشوف إن تجمع البيرسونال سكيلز مع التيكنيكال وتخلي الاولوية للتيكنيكال .. خل العنوان مثلا Skills

وأخيرا راجع القرامر وبالتوفيق ..

 

أولا حط معلوماتك الشخصية في الفراغ الفاضي فوق ال Objective
مثل اسمك ورقم جوالك وايميلك وجنسيتك وغيرها ..

أيضا الكلام اللي في ال objective الصراحة مدري أحس في شيء ناقص ضيف شيء بسيط إنك بما معناه حتضيف للشركة ومن هالكلام بتشوف امثلة كثيرة في النت.

خل الخط تايمز رومان أفضل

إنت حاط الخبرة آخر شيء !!! والمفروض تكون بعد ال Education

اكتب كنقاط المهام اللي سويتها في الخبرة ..
اكتب كنقاط المهام اللي سويتها في سينيور ديزاين..

ايضا حط التواريخ اللي أخذت الكورسيس في أقصى اليمين ..
واذا بعض الكورسات اللي انت ذاكرها اساسية في تخصصك ما يحتاج تذكرها حط الاليكتيف يكون أفضل.
وضح أي اختصار مثل HCAC
في التيكنيكال سكيلز الترتيب غير جيد .. اللي أقصده تقدر مثلا تحط ثلاثة كأول عمود وتحط ثلاثة في عمود ثاني .. للتوضيح:


A B
C D
E F

طبعا حط شوية مساحة بين العمود الاول والثاني..
ماخذ جائزة في مشروع التخرج ومتردد تحطها أو لا !!!!!
أكيد حطها بدون تفكير بتكون نقطة ممتازة في السي في
ومدري وش تقصد إنه بيتصنع بس إذا تقصد في شركة مسكت المشروع وبتسويه اذكر هالشيء أكيييييد !
سو عنوان Achievements واذكر هالأمور وغيرها
اذا عندك مثلا مشاركات أو انجازات في أندية طلابية او تطوعية اذكر هالأمور ..
ولا تذكر إنك سويت المشروع لحالك لان ممكن تنقلب ضدك أو يفكرون إنك غير جيد في العمل كتيم الخ .. إنت في المقابلة من شرحك حيوضح الفاهم من المسلك الوضع.
حط عنوان Refrences آخر شيء واكتب تحته references are available upon request

وآخيرا راجع القرامر وبالتوفيق .

 

ممكن تقيم سيرتي الذاتيه وشكراً لكم

 

مشكور على النصائح, عدلت الرزمي حقي وارفقتها عشان اذا في شي ناقص (غيير المعلومات الشخصية) تقول لي و اشكرك مرة ثانية على النصائحز

 

بعد إذن @zero الله يعطيه العافية ،
----

وعليكم السلام ورحمة الله وبركاته
السيرة جيدة لكن فيه بعض الملاحظات البسيطة :

- لو تخلي اسمك في النص بيكون افضل.
- مايحتاج تكتب اسم الحي ، يكفي المدينة و الدولة ، إلا في حالة إن الشركة اعلنت عن وظيفة وحددت مكان العمل و سكنك قريب من مكان العمل .في هالحالة بيكون جيد لو ذكرت الحي لأنه بيعطيك اولوية .

- تحت الايميل والجوال لو تكتب Linked in Profile : وتخلي رابط ملفك في الموقع او اسم ملفك على شكل رابط بحيث بس يضغط على الاسم يحوله على صفحة التوظيف ، بيكون افضل.

اللون الرمادي ، الي مكتوب فيه مقر السكن وبقية المعلومات لو تخليه اغمق يكون افضل لأن لما تطبعه ما اتوقع بيكون واضح اكثر.

الايميل الظاهر انه غلط ، لأنه باسم يختلف عن اسمك

الابوجتكيف : جيد لكن تجنب تستخدم I , لو حاب تستخدم نموذج جاهز فهذا نموذج جيد :

Dedicated and motivated IT Graduate seeking an entry level position that provides the opportunity to apply my technical background in networks as well as participate in achieving the organization goals.

عناوين الأقسام خل اول حرف منها بس كابيتال مثل كذا : Objective


في قسم التعليم , اكتب متى تخرجت , المعدل ,
حرف o في of مايصير كابيتال حتى لو كان في عنوان


في قسم التعليم ، مب واضح ايش تقصد بالتدريب ، هل هو تدريب تعاوني , برنامج تدريبي ، دورة
و في كل الحالات ، اكتب عن ايش كان التدريب او مواضيعه على شكل نقاط .
واذا كان تدريب تعاوني اكتب بعد Network Sections , Coop Trainee



في ملفك على Linked in ، نصيحة خل فيديو لمشروعك لأنه بيكون شي مميز .


شوف هالفيديو بيفيدك كثير


+




الله يوفقك

 

وعليكم السلام ورحمة الله و بركاته ،

السيرة ممتازة كمحتوى وتنسيق، لكن تحتاج بعد التعديلات :
- شيل الصورة .
بدل كلمة Data أستخدم Information
لا تخلي تاريخ الميلاد إلا لو الشركة حددت عمر معين في اعلان الوظيفة
الحالة الاجتماعية لو متزوج شيلها ، لأن بعض الشركات خاصة الي فيها العمل يتطلب تنقل وساعات عمل طويلة ماتفضل المتزوجين

عناوين الأقسام خل اول حرف من كل كلمة كابيتال ، مب كل الحروف .
مثل كذا :
Training & Courses
وخلها بنفس الخط لكن bold

في القسم الأول خل العنوان
Profile Summary مب العكس .

احذف grade of excellent في السمري و قسم التعليم .

في السمري مايحتاج تكتب المعدل .


رايي السمري يكون بطريقة مختلفة شوي ، تتجنب فيها استخدام i , my
مثل كذا :


*manufacturing


في قسم التعليم خل التاريخ في أقصى اليمين وحدد شهر التخرج ،
عشان تحذف السطر الي مكتوب فيه تاريخ التخرج & مايحتاج يوم التخرج ، يكفي السنة والشهر
(2013 - 2018 , June)

احذف 92 % and grade of Excellent with second honors degree. الي جنب المعدل

ما يحتاج تكتب قريداتك في الكورسات و مشروع التخرج.

مشروع التخرج خله في قسم لحاله ، بعنوان Graduation Project أو Academic Projects


احذف Professional Training in Mechanical Engineering و اكتب بدالها :
Yanbu Cement Company - Summer Trainee June - May , 2018
مايحتاج تكتب في اي يوم بالضبط بديت وانتهيت من التدريب ، يكفي الشهر والسنة.
وخل التدريب هو اول نقطة ، بحيث يكون بارز ويعرف مسؤول التوظيف انك تدربت تدريب تعاوني او صيفي لأن الشكلي الحالي مب واضح


خل 6 Sigma خلها بخط سميك عشان تكون بارزة لأن بعض مسؤولي التوظيف يهتم بالدورات والشهادات المعتمدة مثل الأوشا , PMP . النيبوش , 6 سيجما


التواريخ كلها خلها في أقصى اليمين


المهارات ، لاتخلي تحتها خط .

في قسم العضويات :
مايحتاج تخلي رقم العضوية ومتى تنتهي ، يكفي تكتب اسم الهيئة
فاحذف هالسطر : Membership for a mechanical engineer, NO.: XXXXX valid until 04/07/2021


QR Code , اذا هو لملفك في Linked in فاكتب فوقه
Linked in Profile ,


في ملفك على Linked in في قسم المشاريع ، ارفق فيديو لمشروع التخرج .



اسف على الإطالة
الله يوفقك ويرزقك الوظيفة الي تتمناها

 

السيرة المفروض تكون صفحة وحدة بس ، و بإمكانك تسوين هالشي لأن فيه مساحات زايدة لو شلتيها بيكون بتصير السيرة صفحة وحدة و بشكل أفضل .
مثل المساحة الي بعد عنوان قسم التعليم

قسم التعليم المفروض يكون أول قسم بعد ال objective

احذفي candidate ,
اسم الشهادة اكتبيه كامل مثل كذا :
Bachelor of Business Administration , In Finance
او اكتبي
Bachelor Degree of Finance لو خايفة انهم يفكرون تخصصك إدارة مب مالية
اكتبي اسم الجامعة وفي اقصى اليمين تاريخ التخرج
السطر الي بعده الشهادة والتخصص
تالي المعدل

قللي المسافة الي بين اسم الجامعة والتخصص

بعد قسم التعليم ، يجي قسم الخبرة . لكن

قسم ال Professional Experience , مافيه شي يعتبر خبرة. فرايي غير العنوان إلى
Achievements & Memberships
واكتبي كل السمسترات الي كنت ضمن Dean's list في سطر واحد & مايحتاج تكتبين المعدل .
يعني الشكل المفروض يكون كذا :

Honor Roll : ( 2016 , 2017, 2018 - Fall )q
President List ( 2017 Spring )q
Dean's List ( 2017 Spring )q
Member of xxxxxxxxxxxxxxxxxxxxxxxxxxxxxxxxxxx

احذفي السطر الاخير الي فيه المعدل التراكمي ، لأن المعدل يكون في قسم التعليم ​

المهارات خلي العنوان Skills & Certifications
: السطر الي فيه فيسبوك احذفيه ، او استبدليه ب Marketing through Social Media لو هذا الي تقصديه
writing in enlgish , احذفيها لأنك ذكرتي انك ممتازة في الانجلش في النقطة الي فوقها .

في الايلتس لو تكتبين الدرجة بيكون افضل خاصة لو كانت عالية


قسم الكورسات خلي نقطة قبل اي كورس & رتبيهم على شكل اعمدة عشان يطلع الشكل مرتب أكثر & توفرين مساحة . ونفس الشي ينطبق على المهارات :
اقصد الأعمدة مثل كذا :




حاولي تخلين الكلام والنقاط على مستوى واحد لان بعضها رايح لليمين وبعضها لليسار وبعضها فيه مساحة زايدة قبله . وهالشي مخرب الشكل .
هالشي متكرر في أغلب ال cv فراجعي كل cv ، شوفي الصورة عشان توضح الفكرة .




اسف على الإطالة


الله يوفقك

 

السلام عليكم ورحمة الله وبركاته

اخواني ارجوا تقييم سيرتي الذاتيه ولكم كل الشكر والتقدير والامتنان