تكفووووون نصايحكم بس

شوف يا اخي النوتات لا تسمن ولا تغني من جوع واوراق ابو ادهم خايسه زي خطه

اذا تبي تجيب درجات عاليه عليك باليوتيوب اي شي ماتفهمه افتح اليوتوب وبتحصل حلول بالهبل (وصدقني راح تستفيد بشكل ماتتوقعه) والشرح في اليوتوب ولا احلى منه (واذا فهمت الاساسيات حل تمارين الكتاب موب على طول تطب على الاولد اكزامز)

وبالتوفيق

 

اخوي انصحك بحل الكتاب ... اذا قدرت تتعامل مع الاسئله اللي في الكتاب رح يمديك تحل اي ميجر بكل سهوله ... حتى لو اللي حاطه نيوتن

 

على قولت أخواني أهل جدة سيبك من القرف دا كله وركز على الكتاب
حتى نوت الجلال خله لك كمرجع ذاكر الدروس من الكتاب صح راح تأخذ وقت أطول بكثير من هذه النوتات ولكن صدقني راح تفهم وتحب الفيزياء
في وجهة نظري هذي هي الطريقة المناسبة للمذاكرة:
1) الإستعانه بالله في كل شي وتذكر انه مافيه شي صعب وتذكر أيضا ان كثير من الطلاب عدوا هالمادة بقريدات عالية جدا
2) عند مذاكرة المادة لازم تكون مروق ومرتاح ولا يشغل ذهنك أي شاغل لأن هذي المادة تحتاج تركيز عالي
3) ذاكر الدروس أول بأول من الكتاب حاول انك تفهم كل شي ماتسلك لعمرك وتعدي بعض النقاط لأنك راح تتعب بعدين
4) اختبر فهمك ب Checkpoints وشوف اذا حليتها صح فأنت فاهم وذا حليتها خطأ عد إلى الدرس مرة أخرى
5) حل أسئلة الواجب بنفسك صح راح تتعب وتزهق وتعقد وانت تحلها من صعوبتها خاصة في أول واجب بعد كذا راح تتعود ومخك بتعود على أسئلته اللي مدري من وين يجيبونها
6) حل مسائل الكتاب الشبيه بمسائل الواجب ويا فرحتك اذا حليتها صح تحس انك فاهم صح
7) عند اقتراب الميجر حل عدد لا بأس به من المياجر القديمة وهذي الخطوة مفيدة في تعويد النفس والعقل على أسئلتهم التعجيزية

عملت هذي الطريقة في فيز 102 وجبت درجه أعلى بكثير من فيز 101

عندك مجال واسع انك تعوض في ميجر تو وهو اسهل من ميجر ون شد حيلك عاد +A ماطارت

 

بسم الله الرحمن الرحيم


هذي االنصائح من ذهب فأستغلها كويس .......

1- لا عد تذاكر من سلايدات الجلال لانها ما هي حقت واحد يبدأ من الصفر
الحل (عليك بنوت احمد منصور لانها جيدة ثم امسك الكتاب )

2- ملزمه ابو ادهم غبيه وما منها فايده لانه الأسله اللي فيها سهلة جدا
الحل (افتح موقع الفزكس وراجع الأولد اكزام حق 5 سمسترات من 121 الى 081 ) وصدقني ما حتندم

3- اذا كان (دكتورك سيئ وما تفهم منه شي) احضر حصص اخرى لاحد الدكاتره (احمد منصور من الساعه 1:10 الى 2 ظهرا) لا تقول ما فيا ودوبي مخلص داوم لأأنه لو جبت f حتندم على كل لحظه ضيعتها

4- ابدأ ذاكر لميجر 2 من بدري وكل ما تخلص شابتر حل عليه الأسئله حقته من الاولد اكزام حق اخر خمسة سمسترات


الله يوفقك ويوفقنا

 

أفتح نوت عبيد و بتفهم كل شيء لأننها كلها مسائل

 

ياخي ذاكر نوت ابو عبيد ذيك الكبيره انا عني كنت ما اذاكر الا هي

 

بعد ماتذاكر الدرس وتفهمه ( مايهم من وين تذاكره بس المهمم تفهمه )
رح للكتاب وحل التشك بوينت الي على الدرس

بعدين روح لاولد اقزام الكحيلي بتلقاه مرتب الاسئلة حسب التشابتر
اقل شي حل من 6- 10 بحيث انك تشوف انك غطيت الفكرة

وسولك ملخص انت صفحة او حتى نص صفحة ( حسب الافكار الموجودة ) على
التشابتر على الاشياء الي تحس انها تافهة ومهمة بنفس
الوقت مثل التحويل من ينت الى اخر وقوانين الفوليم الخ لان اغلب الطلاب يكون
فاهم السوال بس مو قادر يحله بسبب شي تافه +
وبرضه خذلك سوال من الاولد اقزام الي تحسه جامع اغلب الافكار

قبل الميجربكم يوم بدال ماتذاكر النوت الخ ومتوتر حل 2-5 اسئلة غير الاولي على كل
فكرة ( على حسب فهمك ) وراجع الملخص الي انت سويته



كذا بتكون خلصت مذاكرة باقل جهد + وباعلى درجات
هذي انا تجربتي قللت فترة الدراسة بنسبة كبيرة + جبت درجات اعلى
بسبب اني عرفت كيف ادرسها

 

نوت الكحيلي انا عندي اغلب حلولها فبحاول اكمل الناقص وارتبها وان شاءالله انزلها
بالمنتدى ،، بس المشكلة اني كسول