توزيع الدرجات لمادة Coop

وعليكم السلام
Dr. Usamah Al-Mubaiyedh

 

وعليكم السلام ورحمة الله و بركاته

شوف هذا أيضًا فيه معلومات كثيرة

http://www2.kfupm.edu.sa/stutraining/files/coop_guidelines.pdf

 

ماعرف كم الافرج بالظبط

لكن الي اعرفه .. وشبه متاكد منه ان الطلاب قريداتهم من +B وطالع

اهم شى بالتقارير سو على الفرمات الي يبغاها دكتورك .. واعرض الكيس ستديز عليه بشكل عام قبل ماتكتبهم

 

اللي شفته انا ، اقل طالب ياخذ بي بلس اما التوزيع فيه ورقة تلقاها غالبا في الديبارتمنت اسأل عنها فيها التوزيع بالتفصيل

فيه طلاب ادائهم اقل من عادي وياخذو A+ وفيه طلاب شغلهم ممتاز ومتعوب عليه وياخذو B+ فانصحك ما تعطي الموضوع فوق حجمه ولا تتعب نفسك زيادة ، خلص الشغل بشي معقول وسلمه وخلاص

 

ما اقصد احبطك ، اللي اقصده لا تعطي الكواب فوق حجمه سوي اللي عليك ويكون شي معقول مو تقعد طول الترم شايل هم ترى ابدا ما يستاهل

حسب الدكتور طبعا ، انا كنت عند دكتورين واحد عجبته والثاني من اول الترم احاول ازبط وضعي معاه ويهز رأسه دايما ، اللي فهمته منه مافي اعلى من بي بلس الا لو كنت مرة Flawless على قولته ، انا وطالب ثاني كنا عنده وشخصيا ريبورتي كان ممتاز على كلام الدكتور الثاني وفيه جوانب كثيرة مو موجودة عند الطالب الثاني ، انا والطالب الثاني B+

بنفس الوقت فيه طالب كان معانا لكن عند دكتورين مختلفين ، ما استقعدو له وسلكلهم حتى كاتب في الـ Recommendation انه ممكن يشتغل مع الشركة اللي طبق فيها لان شكل المبنى عاجبه ، اخذ اي بلس

 

حاول انك تجتهد في الكواب وتستفيد قد ماتقدر و القريد يعتمد على ادائك في البرزتتيشن و الكوميتي .
اهم شي في البرزنتيشن حسسهم انك اشتغلت وماكان الكواب تضييع وقت . صحيح الريبورت مهم لكن البرزنتيشن دوره في القريد اكبر . حضرت اكثر من برزنتيشن ، الي اشتغل صح لكن ادائه في البرزنتيشن ضعيف خذ اقل من الي ما اشتغل لكن كان مبدع في البرزنتيشن . الشي الثاني قبل البرزتتيشن بوقت كافي راجع أعضاء الكوميتي وخلهم يشوفون شغلك عشان تسوي التعديلات الي يطلبوها ، واذا في قسمكم الخيار مفتوح للطلاب في اختيار أعضاء اللجنة ، حاول تجيب دكاترة متعاونين ولا تجيب احد متخصص في نفس المجال الي تدربت فيه ، لأن غالبا بيحجر لك لو تفلسفت او ذكرت معلومة خطأ .


في النهاية مثل ما قال اخوي practice لاتشيل هم الكواب وتحاتي بس في نفس الوقت ركز على الاستفادة ، الموضوع مب بس قريد . في اغلب المقابلات الي بتدخلها راح تنسئل عن الكواب وشنو سويت فيه وبتجيك اسئلة تكنيكال ودقيقة و وقتها ماراح ينفعك القريد ، فحاول تستفيد من الكواب وتخليه نقطة ايجابية في سيرتك مب نقطة تتحاشاها و مع كل مقابلة تخاف يسألوك عنها .

 

اقصد اللجنة الي راح تعرض لها البرزنتيشن وتسلم الريبورت وغالبا تكون مكونة من 3 دكاترة واحد منهم الدكتور المشرف عليك .

 

مافهمت وش علاقة مشروع التخرج بالكواب ؟

 

توزيع درجات ال COOP يعتمد نظام الستنادرد وليس الافرج لذا تبدا ال +A من 95 وهناك 25 علامة في يد الشركة
وليس صحيح مطلقا ان اقل درجة هي +B
مع تمنياتي للجميع بالتوفيق