توقيع العقد مع شلمبرجير

أتوقع ما يبون يدفعون لكم رواتب قبل ما تبدون السكول

 

وعليكم السلام
بالنسبة لتاخير وقت توقيع العقد
لانهم بعد توقيع العقد مباشرة يرسلوكم اسبوع تعريفي بمقر تدريب الشركة بابوظبي اسمه OFS1
كورس حبي عن الشركة والسيفتي والانظمة والقوانين
فعادة يكون توقيع العقد قبل بداية الكورس ذا مباشرة وذا الكورس يفتح بين فترة وفترة ويقفل
فتحصله يبدأ الكورس بشهر جون عشان كذا خلوا التوقيع بجون
هذه وجهتي نظري والعلم عند الله

وبخصوص البداية تختلف من قسم لقسم
غالبا
بعد ما ترجع من اسبوع ابو ظبي تقعد بالورك شوب بالظهران ٢٠-٣٠ يوم تاخذ فكرة عن الاجهزة وكذا
بعدين يرسلوك الفليد لين يجي موعد سكولك
بالنسبة للسكول ووقته انت وحضك
لانه مثل هرجة الكورس التعريفي كل فترة يفتح ويقفل
عاد انت وحضك تلحق تسجيل مفتوح ع طول والا تنتظر تسجيل ثاني
غالبا يكون بعد توقيع العقد ب ٣ الى ٦ اشهر بالكثير
لكن كل ذي التفاصيل مديرك هو الي يشيل همها
هو الي يسجلك ويتابع وكذا

هذه من تجربتي البسيطة بالشركة

والله يوفقك ويسهل روبك

 

الف مبروووك اخوي والله يسهل دربك
بس ممكن لو تفضلت تشارك معانا البوزيشن والسيقمنت في شلمبر ومتى سويت الفحص الطبي
لانه شباب كثيرين ينتظرون رد من شلمبرجير
وشكرا لك

 

اطيب التمنيات بالتوفيق

 

انا جاني قبول وسويت الفحص الطبي ف مارس ٢ ولليوم انتظر .. سمعت انهم موقفين التوظيف الى جون . مقابلتي كانت مع الcoiled tubing

 

الله يعينك عالكرف بالوايرلاين لكن $$$.

بالنسبة للتاخير فاكبر احتمال عشان السكول ما يبونك توقع وتقعد متبطح بالbase او بيتكم وتاخذ راتب ببلاش ..

السكول للحق ما ادري عن شدة صعوبتها ولكن جميع الاقسام السكول فيها صعوبة ولكن مقدور عليه ..

تدريس مكثف من 8 الصبح الى 5 المغرب ، ولكنك ساكن عند السكول والسكن نظيف وممتاز ولحالك .. والمكان اللي انتم فيه كل المرافق من مطعم وgym وخلافه .. طبعا تقدر تطلع تفرفر بعد الدوام او الويكند لكن عالاغلب بتكون تذاكر ( اتكلم عن السكول في ابو ظبي )

فيه old exam تاخذها من اي مهندس لو عنده ولكن ترا لو انقفطت فيها فصل ويحسبوها حالة غش ×_× ..

عالعموم ترا السكول خصوصا للD&M حشو زايد يعلمك مثلا كيف تحسب الdepth يدويا والبرنامج اصلا يحسبه لك !! ( ما اقول لك غير مفيده السكول ولكنها حشو بزيادة )

الباس بالكوزات والاختبارات بالعادة 75% واذا رسبت وسمحوا لك تعيد الباس حيكون من80%

طبعا فيه اختبارات كوزات عادية تحسب لك بالنهاية ك total ولكن فيه اختبارات اذا رسبت فيها يعطونك fail ولازم تعيد الكورس كامل ( السكول مدتها بالعادة شهرين او ثلاثه لكن تكون مجموعة كورسات مش كورس واحد .. ) ..

الاختبارات تكون تطبيق عملي او تكون نظرية MCQ على اللابتوب حق الشركة .. وترا لابتوب الشركة ملك لهم يعني يحق لهم يفتشونه لو بغوا وحيفتشونه يشوفون عندك اولد اكزام او لا ( تعتبر حالة غش ) ..

انت شد حيلك بالسكول خصوصا الوايرلاين اصعب من بقية الاقسام .. هم ما يعطون الراتب العالي من فراغ.

انا شخصيا اشوف المفروض انهم يوقعونك عقد عشان تشوف شغل الفيلد وتتعلم بالتطبيق وبعدها السكول .. ولكن هم يبون يجهزون المهندس باسرع وقت ممكن ويوفرون قروشهم .

بالتوفيق