جامعة الملك فهد ام جامعة الملك عبدالله ( كاوست )

انا اعتقد ان كاوست فرصة لا تعوض دام ان بيخلونك تدرس ماستر .. فـ توكل على الله

 

انا كطالب هندسة ميكانيكية

انصحك بالذهاب الى كاوست بالذات اذا كنت مستعد للغربة

 

كاوست بدون أي تفكير .

 

اذا رحت كاوست ودرست بكالوريوس وماجستير هل راح ترجع تشتغل عندهم؟

وش هي الوظيفه اللي ترجع عليها ومميزاتها؟

 

كاوست ما فيها بكالوريوس ... وبعد الماجستير ممكن تشتغل في أي مكان .

 

اسأل نفسك هل انت تبي تكمل ماجستير من اصله؟

وهل انت ملزم انك تكمل ماجستير في الجامعة بعد الباكلريوس؟


لو جامعة كاوست بتدرسك باكلريوس في جامعة كويسه في امريكا
روح لها


الماجستير ترى إذا بتشتغل في الشركات
اكثر الشركات البوسيشينز الي يحطونها للتوظيف تتطلب باكلريوس فقط
وانت بتكون over qualified بالنسبة لهم بالماجستير وما راح ياخذونها بعين الاعتبار


انت فكر
إذا تبي تكمل academic ، كمل ماستر
وإذا تبي تشتغل بالفيلد، الباكلريوس كفاية ولو تبي تكمل لازم تشتغل اول بالفيلد بعدين تكمل عشان تكون في وضع افضل بكثيير


الله يوفقك ويسهل لك

 

دامك تبي الماجستير أو الدراسات العليا بشكل عام فالجامعات الأجنبية هي الأفضل
يعني قصة تدرس ماجستير بجامعة الملك عبد الله لا أفضلها أبد


أحسن شيء من وجهة نظري إذا إنك عاقد على إكمال الدراسة إنك تدرس باكلوريوس في البترول ومن ثم الإبتعاث للخارج لدراسة الماجستير والدكتوراة إما تكون معيد بالجامعة والجامعة ترسلك للخارج، أو أنت بنفسك تقدم على إبتعاث الملك عبد الله (على حساب الدولة)
أو تطلع مرة وحدة على حساب الدولة (إبتعاث) وتدرس الباكلوريوس والماجستير والدكتوراة هناك ويستحسن تتنقل بين الجامعات عندهم حتى تقوي مؤهلاتك وتنوع خبراتك

 

كاوست

 

أشدد على الأحمر لأني شفته بعيني في شركة سابكــ

 

انا راح ارد بعدين ارجع امر على كلاك اخواني اللي قبلي

يا حبيبي قبل ما اتفلسف بقولك روح جامعه الملك عبد الله و انت مغمض و كمل معاهم..

دحين بتفلسف
شوف اذا اهلك من الشرقيه وانت ما تبغى تكون بعيد عنهم جامعه الملك فهد تعتبر خيار مو بطال اما لو اهلك فالغربية وانت كمان ما تبغى تكون بعيد عنهم فانا ادعم قرار انك تروح مع جامعة الملك عبد الله يا عمي حتى لو كانت الجامعه مو من الجامعات القوية ( رغم اني ما اتوقع جامعة زي جامعة الملك عبد الله راح ترسل لجامعة مستواها متوسط او اقل) فبكذه انت تكون رجعت و عندك علم و انت مبسوط و لغة و تتكلم وانت مرتاح و بعدين تحضر ماجستير على الراحة و تكمل مع مشروعهم

انا ما اراح اتكلم عن جامعة الملك فهد لان الشباب كتبوا مواضيع كتير عنها بعدد الشيب اللي فراسي ( السبب جامعة الملك فهد للبترول و العادن)

فالاخير استخير الله و هذه هي مشورتي تحياتي لك والله ويفقك يا رب





<<<دحين بطلع اقرا الموضوع ^_^

 

اختار جامعة الملك عبدالله وانت مغمض ... هذي بعثة مضمونة وراح تكون في جامعة راقية ... ومو لازم تكمل ماستر لو رجعت ... مع اني اتوقع انك بتكمل .... البترول وخر عنها نهائيا .... ترى انا كنت من طلابها .. ولما جات البعثات .. طلعت امريكا وخلصت ... وليتني قعدت في امريكا يا شيخ !! بس الوالد لزّم ارجع (((((((

اطلع شوف الحياة بمنظور آخر يا ولدي .....

 

أخي كاتب الموضوع، اعذرني لن أقول أيهما أفضل البرتول أم كاوست، لكني بأنصحك نصيحة اياك ثم اياك ثم اياك تسأل طالب سابق في جامعة البرتول عن جامعة البترول(أقصد الطلاب المفصولين أو اللي ماكملوا في الجامعة وليس الخريجين) أتمنى لك التوفيق​

 

^
^
^
^
ابو خلدون ... معليش على السؤال ... بس مشاركتك جذبت انتباهي ... هههه وضحكتني شوي !!

انت تخرجت من البترول في اي تخصص ؟؟ والدكاتره اللي درسوك ايش انجازاتهم وابحاثهم والجامعات اللي متخرجين منها ؟؟؟

يعني انا اخوك المسكين درست في امريكا ودكاترتي كانوا من University of Michigan-Ann Arbor و Stanford Univeristy و University of california-Berkely وهلم جرا ... طبعا الجامعات هذي لو ما تعرفها مشكله !! وتخرجت بمعدل فوق ٣ من ٤ ولله الحمد والان في طور التوظيف بإذن الله ... مع العلم انه انعرضت علي وظيفه من دكتور في جامعتني .. بس رفضت والسبب الأهل .... !!!

عموما مازلت ابي اعرف ردك هذا مبني على أي اساس بالضبط ... عشان نشوف الاستاندرز اللي انت حاطها في راسك .... !!! وكيف تشوف البترول لانها في نظري بعد ما سافرت الخارج .. لا تتعدى كونها جامعة عادية جدا بس اللهم انها في ديره خايسة من ناحية البيئة التعليمية والمناخية !!

فعطنا بالله

 

ما شاء الله أنت أقوى واحد في العالم خلاص موافق ما عندي مشكلة،، لمن كتبت ردي ماكنت أقصد أحد لكن كما يقول المثل ((اللي على راسه بطحة يحسس عليها)) عموما كتبت ردي لأن الشخص اللي فصل من البترول أو كان على وشك الفصل سيكون بنسبة كبيرة جدا حاقد على الجامعة ولن يكون منصف لها (وأكرر أني ماكنت أقصد أحد معين)

 

توقعت ردك يكون بالشكل هذا .... ولا تسألني ليش ... !!

لكن لا تطّير البترول في السماء وهي ما تسوى ... صحيح انها الافضل محليا من حيث المنهاهج .. لكن من اتوقع كل دكاترها كويسين وبحكم اني كنت فيها .. فأقولك ان بعضهم داج ومسوي زحمه وماعنده سالفه ... بعد ما سافرنا وشفنا الشخصية اللي اسمه دكتور كيف يفترض يكون !!

مع اني طلعت منها بمعدل مو بطّال وعادلت اغلب الساعات وقضيت فيها فترة كنت اعتقد انها من اجمل فترات حياتي ... ولكن صدمت لما سافرت وشفت التعليم برا !! بمعنى ان البترول جامعة نفسيات للاسف وبيئتها التعليميه عادية جدا وبالعكس مرهقة ومجحفة للطلاب نوعا ما وفيها معاناة ... وعشان كذا طالب البترول يتخرج وهو منهك فكريا ويدخل في اعتقادات ثانية !!


نرجع للاخ كاتب الموضوع ... استخير وتوكل على الله وخذ البعثة .. ترى مكاسبها كثيرة .. ثقافة ولغة وتعليم ... بينما في البترول فقط تعليم ... ولك عليه !!

وقبل تطلع شوف العقد مع كاوست ملزم لك في ايش بالضبط ... في حال قررت تكتفي بالبكالوريس وما تكمل مع اني انصح تكمل ماستر في حال تحب تخصصك ولك رغبة تعرف التفاصيل وتستغل الصيفيات في بلد الابتعاث وتسوي internship وتشتغل في الشركات .. راح تصقلك زين !!

بالتوفيق لنا ولك وللجميع ...

 

لاخوي جامعه البترول تقولي عاديه جدا لكن في دوله زباله فطلع لها اسم 1؟!؟! طيب ممكن تشرحلي ليه قسم الماث ترتيبه 50-60 على مستوى العالم ؟ جامعه ام اي تي رقم 1 على الهندسه موقع عقود مع جامعتنا نستفيد من خبراتهم وبحوث كثير مشتركه معهم ! وجامعات اخرى بعد

وانا طالب توني مخلص الاوريا ماعندي خبره اناقشك لكن ان باتكلم بالي شفته بعني ماحد قالي عنه


انت تقول ان دكاترك متخرجين من جامعاه كويسه طيب وشرايك ليكتشر موجود بالاوريا اسمه محمد خان متخرج من جامعه كامبريدج ماستر في الماثماتيك بمرتبه الشرف الجامعه رقم 1 على العالم واقدم جامعه بالتاريخ ويدرس 001 ماث في البرنامج الاعدادي !!

^^ الشخص هذا يدرس في الاوريا ترى !! وايضا اذا البترول جامعه عاديه جدا ليش ارامكو كانو عرضين علي بعثه بتخصص مابغاه فرفضت واستغليت الفرصه وسالتهم لو رحت امريكا ولا درست في البترول قالو نفضل خريج البترول طبعا الى اذا كنت من الجامعات التوب ونفس الشي على كلام الناس سابك وشلمبقير وينفيلير واضعه جامعه البترول في المرتبه الاولى في التوظيف

وايضا سالفه البحث الي سوته ارامكو على كلام مدير جامعتنا على موظفينها وطلع موظفين البترول رقم 1 والابتعاث رقم 2 والجامعات السعوديه الاخرى رقم 3 حقيقا مادري وش معيار البحث ولا هم افضل في اي مجال ماعندي خبر لكن اعرف ان هالمعلومه قالها رئيس ارامكو !!!

من ناحيه صعوبه ونفسيه ممكن كلامك صحيح نسبيا لكن انا يهمني ياحبيبي اني اطلع من هنا فاهم التخصص والشركات تفضلني على غيري والحمد الله جامعه البترول متوفره فيها هالميزتين .

 

كان ارامكو وقفت ارسال طلاب لامريكا وابتعثت طلابها داخليا وقضينا ... وكان ارامكو وقفت برنامج استقطاب مبتعثي وزارة التعليم العالي المتواجدين في مقر بعثتهم في امريكا .. ( والتقديم يكون على مكتب هيوستن )

انا ما ابي اظلم طلاب البترول .. وهم كطلاب ممتازين .. لكن الجامعة ظالمتهم كثير ... هذي الفكره من الموضوع ... ولو فيه طالب متميز وذكي وشغّيل ... برا فرصته كبيرة في اثبات نفسه وتنمية قدراته .. وتطويرها بشكل مذهل .. لانهم يدعموا كل متوفق وشغلك هناك له قيمة !!

لذلك لو جا شخص يقارن بين جامعات برا والبترول .. راح اقول له سافر بدون تردد ... والطلاب السعوديين أذكياء ومحققين نتائج ممتازه في امريكا ... وبحكم اني جربت البيئتين في البترول وامريكا ... راح اقول امريكا وجامعاتها افضل من كل النواحي ... ما اتكلم عن كل جامعات امريكا لان فيها اكثر من ٤ الاف جامعة ومعهد ... لكن عدد كبير البترول لا تقارن فيه ومالها الا تتفرج ... !!

البترول مو سوت عقود بس مع ام اي تي .. وكمان ستان فورد ... وغيرها ... بس ما زالت تحتاج كثير وتعطي فرصه للمبدعين يقودوها لان فيها عقول مصدية وجار عليها الزمن !!

اما بالنسبة للشركات واستقطاب الخريجين فالمسألة تدخل فيها معايير اخرى ... واكثر اللي على راس العمل يعرفوها ... وكيف تتم محاربتهم واستغلالهم شر استغلال من رؤساءهم في العمل !!

وما اقول كل المبتعثين فلتات ... لان بعضهم حالهم زي حال بعض طلاب البترول .. ماشيين بالدف والاعتماد على الاختبارات القديمه ... حتى في امريكا فيه شي زي العريقي !!!

بالتوفيق للجميع !