السلام عليكم ورحمة الله وبركاته مساء الخير يا اخوان .. انا متعود كل سنه أحجم راسي هالسنه ماقدرت أسويها بالديره وبغيت استفسر هل فيه احد يعرف مكان حجامه هنا بالشرقيه ؟ سواء كان مستشفى أو شخص يقوم فيها.. و وين فيه.. وكم الأسعار؟ خصوصا اننا قربنا من تاريخ 17 بالشهر .. بانتظار ردودكم
عندك " مناحل وعطارة النحلة والنحال" في الدمام -شارع الملك خالد _ جوال: 0505828800 هاتف : 038431600 اتصل عليه واحجز موعد ،، وإن شاء الله بالسلامة بعد شفط الدم الفاسد،،
أبو عبدالــرحمن رجــل يقــوم بالحجــامة في الثقبــة,,والرجــل يستــخدم الأدوات لمــرة واحــدة فقــط,, اجريــت الحجامــة عنــده فـي الصيـف المــاضـي,,وآخـذ عـلى مـا أظــن 100 ريــال,, هــذا رقمــه لـو أردت 0506841053
سؤال مهم بالنسبة لي: من تجربتك الشخصية .. ما هي الفوائد التي تحصلها من الحجامة؟ لأني كسول شوي وسمعت أن الحجامة مفيدة لهالحالة ..
اخوي انا مسويها عند واحد بالثقة يسوي للناس ببيته, بالثقة بشارع مدري 15 او 10, والله اني ذهللللللت من نظافته شي عير طبيعي الرجال يسوي الحجامة ل 3 اشخاص بجنب بعض, وبين ما يروح لشخص يقوم يعير القفاز, ويجي لمك, ويعير القفاز ويروح للثالث ويعيره برضو شي لا يصدق,, انصحك تسوي عنده وبقووووووووووة الظاهر انه اللي عطاك رقمه كميكييت ابو عبد الرحمن, والاكيد انك ما عاد راح تسوي حجامه الا عنده بعد ما تجربه,,,
+1 اي والله يااخـواان نسمع ان الحجـامة تخلـييك نششـيط وكذا !! بس بيني وبينكم ، نبـي الصــدق !! تبعـد هالكسسل اولا لا؟ (من تجربتكم قبل وبعد الحجـامة) وإذا على الـدم الفااسد الله يسستـر قد ايش بيططلع صار عمـري 21 سنة ولاقد احتجمت ولاتبرعت والدم يتراكم
Same Same يـآ أبـو رآكآن... أنـآ لآ قد تبرعت بدم ولآ سويت آلحجآمة مـن قبل فأتمنى تأكدوآ لنآ على هآلشي.
الفوائد للحجامة من واقع تجربة شخصية: 1- انتظام النوم ،، والراحة النفسية 2- نشاط في الحركة والسمع والبصر وووإلخ
انا اول مره سويتها كان قبل 3 سنوات تقريبا .. (وكل سنه أسويها الى الحين) وكنت اعاني من النوم الثقيل جداً جداً والكثير ! وكنت اعاني من الصداع النصفي بشكل شبه يومي !! ولما أقوم من النوم أحس راسي ثقيل جدا وكسلان مره .. ومالي خلق أتحرك من مكاني ! لما سويتها أول مره سألني الحجام وقلته اللي أعاني منه .. ولما خلصت الحجامه ورقدت بنفس الليله جاني ابوي وفتح الباب بس لصلاة الفجر وصحيت ههههههههههههه مع اني ما رقدت الا 3 ساعات تقريبا.. ما أنسى تعابير وجهه يوم استغرب اني قمت على طول .. غير كذا .. الصداع خف بكثييييير مره وصرت أنشط من أول .. لدرجة أني كنت بأول سنه هنا بالجامعه أحط 3 منبهات علشان أقوم .. بعدها بس واحد ومن أول مره وأنا قايم ولما أقوم أكون في غاية النشاط المهم استمريت على حالتي 6 شهور أو حولها وبدا نومي يثقل على شوي شوي .. بس ما رجع مثل أول أبدا .. صحيح أن تأثير الحجامه الثانيه ما كان أبدا مثل المره الأولى لكن بكل تأكيد تحس بفرق .. خصوصا اذا انت تعاني من النوم الثقيل والصداع والكسل نوعا ما.. فاللي يعاني من النوم الثقيل والصداع .. أنصحه والله يجرب الحجامه وماراح يخسر شيء لأنها اذا مانفعت ماراح تضر .. وهي من السنّه والأفضل تكون بتاريخ 17 أو 19 أو 21 من الشهر ..
حمستني زيادة أسويها بكره هههههههههه اذا هو نفسه اللي عطاني اخوي checkmate رقمه .. فجواله مقفل ياليت اذا تعرف الوصف بالضبط تبلغني..
موضوع سابق عن الحجامه : للراغبين في عمل الحجامة .. مكالمتي مع مستشفى سعد .. ! بالنسبة للي يطلعون للرياض ، انصحهم ( عن تجربة ) بأبو يوسف: http://www.youtube.com/watch?v=WCviSUaJCeE شغل نظيف + اللحين صار عنده عيادة . اقتباس من مشاركة سابقة : اذكر اثارها الإيجابية كانت واضحة علي ( تحسن كبير في النظر + نشاط )
يعطـيييييييك أأألف أأألف عــآآفـــية أنا نووومي جـداً خـفيف وأفـز من أي صـووت لكن كسسسسسسسل عجيب يخليني ارجع أنام ، وماأفـز من سريري إلا لشيء مهـم مرة + الصـداع النصفـي فيني ورآآثـي بس عنـدي سؤال: سمعـت انو اللي يسوي الحجامـة مرة لازم يسوويها كل مرة يعني الحين عمـري 21 سـنة ولاقد سويت حجامـة ومافيه حاجة مللحة عليها بس يقولون لو انـي سويت حجامـة الحـين ، أحتـاج اني اسووي الثانـية بعد فـترة هل صحـيح هالكـلام؟
طيب واللي ينام اكثر من 12 ساعة ولا تكفيه تنصحوه يسوي ؟؟ خلاص قررت أسوي حجامه وشكلها بتكون يافي الثقبه او الدمام بالنسبة للشباب اللي ذكروا هالمحلات , هل هي مضمونه من ناحية النظافة والتعقيم ؟؟ ونبي معلومات اكثر عن هالمحلات وبرضه وش الآثار المترتبه عليها ؟؟ غير البقع اللي ع الرقبه ؟
شباب ما قلتو ,,,, هل عمل احجامه يولم او لا ؟؟؟؟ لاني الصراحه اذل لما اشوف الابره فكيف لما اشوف الوشسمه !!
بالنسبــة للـي في الثقــبة شغــل الرجــل نظيــف و يعقــم مكــان الحجامــة قبـل مـا يبدأ وبعــد ما ينتــهي,,وأدواتــه يستخدمــها مـرة وحدة فقــط والــرجل ولا أزكيــه عـلى الله رجــل فـاضــل وفــاهــم فــي الشغلـــة,, بالنسبــة للآثـار المترتبــة فـلا يوجد غـير عـلامة تكون محل الحجامـة وتختفـي مــع مرور الوقــت,,
فضـل الحجــامــة,, روى البخاري في صحيحه عن سَعِيدِ بْنِ جُبَيْرٍ عَنِ ابْنِ عَبَّاسٍ t قَالَ: "الشِّفَاءُ فِي ثَلاثَةٍ شَرْبَةِ عَسَلٍ وَشَرْطَةِ مِحْجَمٍ وَكَيَّةِ نَارٍ وَأَنْهَى أُمَّتِي عَنِ الْكَيِّ". عن أَنَسِ بْنِ مَالِكٍ أَنَّ رَسُولَ اللَّهِ صلى الله عليه وسلم قَالَ: "مَنْ أَرَادَ الْحِجَامَةَ فَلْيَتَحَرَّ سَبْعَةَ عَشَرَ أَوْ تِسْعَةَ عَشَرَ أَوْ إِحْدَى وَعِشْرِينَ وَلا يَتَبَيَّغْ بِأَحَدِكُمُ الدَّمُ فَيَقْتُلَهُ". رواه ابن ماجة في سننه. عـن ابن عـباس رضي الله عنه ان النبي صلى الله عليه وسلم قـال (خير مـا تادويتــم بـه الحجــامة) رواه البخاري ومسلم تنبيهــات عـلى الحجــامة,, قبـل الحجامة,, يجب أن ألا تكون في حـالة شبــع,, بعد الحجامـة أن لا يقوم المحتجم ببذل أي جهـد وأن لا يستحــم لمدة 24 سـاعة إلا في حالة الضرورة ويكون بماء دافئ,, ان يبتعد المحتجم عـن الأكـل الدسـم لمدة 24 سـاعــة,,