حدث تاريخي وانجاز كبير للامن

حدث تاريخي وانجاز كبير للامن

لاول مرة في تاريخه يقوم الامن بعمل مفيد، حيث قام الامن باغلاق المواقف وعدم السماح للاوريات بالدخول وكان الدخول للطلاب فقط، هذا انجاز كبير جداً للامن، ومن المعلوم أن المواقف مزدحمة في الاوقات العادية ولكن أيام اخبارات الاوريا يكون الحصول على موقف من سابع المستحيلات، لأن الاوريات(أكثر من ألف اوريا) يهجموا على المواقف ويعطلوا حركة السير ويتسببوا في حوادث كثيرة.

ولكن للاسف أن الامن ماقفلوا مواقف 22 مما تسبب في ازدحام شديد في هذه المواقف، لأن كثير من الطلاب كانوا يعتقدون ان المواقف مغلقة على الجميع وليس الاوريات فقط.

في النهاية أطالب بان يسجل هذا الحدث ضمن الاحداث التاريخية والانجازات الهامة للجامعة وأقول للامن دوم مو يوم وياريت ياريت ياريت تستمر هذي الخطة طول السنة وعدم السماح للساكنين داخل الجامعة بدخول المواقف لانهم بصراحة مسوين مشاكل في المواقف وخصوصاً ان الامن مايوزعوا مخالفات ولا يسحبوا سياراتهم ونصف مشاكل المواقف سببها بعض الساكنين بالجامعة، عيب عليكم يالساكنين بالجامعة كلها خطوتين، لا وفوق هذا الجامعة حاطة باصات توصلكم وش تبون اكثر !!!!

لكن عندي شعور ان صاحب قرار اقفال المواقف شخص ثاني غير الموجودين بالامن، لأن الامن ماتطلع من عندهم افكار مثل هذي، اقول يمكن مدير الجامعة شاف الفوضى في المواقف وامر بتنظيم الوضع، مو مهم صاحب الفكرة المهم انها…. تستمر.