حفار دخلة يتجاوز240 الف وزعلان

حسب علمي ان المهندس لا يعمل حفار وانما اشراف على عمليات الحفر و المعدات وتوزيع مهام .. وغالباً يكون حلقة الربط بين شركة الحفر (المقاول) وارامكو

يفيدونا الشباب

 

لا تقارن رواتب السعودية بباقي دول الخليج والسبب ببساطة: نسبة الثروة الى المواطنين، الامارات نفطها اقل مننا لكن في المقابل مواطنيها ما يجوا ربع مواطنين الرياض. نفس الشي في قطر لكن غاز بدال ما هو بترول، والكويت عندهم ثاني أكبر حقل نفطي بالعالم ومواطنيهم مليون وميتين الف بس! آتوقع حي الصفا في جدة فيه أكثر.

طبعا مو تقليل من اخوانا الخليجيين، الله يزيدهم من خيره، لكن لازم نستوعب أن الشغلة مو كرم منهم أو بخل منا، الشغلة ديموغرافية طبيعية فقط! (نتساوى في كل المشاكل الثانية اللي تؤثر على دخل المواطن)

 

كلام صديقك غير منطقي اطلاقا .. من المستحيل انه الحفار ياخذ هالمبلغ شهريا ..

+

الحفار بالعادة تكون شهادته اقل من بكالريوس .. يعني دبلوم او صاحب كفائة ..

ممكن صاحبك يقصد drilling engineer ..

وحتى لو كان drilling engineer اعتقد انه صعب جدا ياخذ هالمبلغ شهريا الا لو كان له باع طويل بحفر الابار وحطيت كل رواتبه بدلاته وبونصاته السنوية ويدل المعيشة وقسمتها على ١٢

 

الراتب المذكور مبالغ فيه و لكن ممكن مدير في مثل هالشركات يستلم هالمبلغ بما ان له مميزات خاصة و نسب أرباح .. وظيفة الحفار لا تتطلب شهادة معينة حتى ابتدائي ممكن يشتغلها ما يهم هو اللغة الانجليزية و خبرته في مجال الحفر يعني يعرف كل شي من تحت الحفارة الى ما هو جالس فوق يعني لازم يمر بكل المسميات الوظيفية للحفر و يبدأ من الصفر الى أن يصل للحفار و ممكن أعلى و رواتبهم في السعودية تتراوح من 25 الف الى 50 الف و الله اعلم .. الحفار مسؤولية كبيرة لأن اي غلط ممكن يفجر لك الرق و يعرض الآخرين للخطر

 

اقولك مثل ما قالوا الشباب ، الكلام اللي قالك صاحبك مب منطقي ومبالغ فيه

 

دام انه drilling engineer بخبرة ٢٠ سنه ممكن اصدق

اتفق معك تواجد شركات الفلس عندنا وتجرأها بعروضها التافهه عالمهندسين السعوديين دمر سوق العمل ،، وليت مهندسي العالم الثالث في راسهم شي ،، كل اللي تعلموه هنا وبالاحتكاك مو علم جامعه ،،

وبالنسبة لعذر المساحه فمثل ما قالوا الفلوس موجودة لكن ما من دبره

الشكوى لله بس

 

راتبه طبيعي لخبرته

المهندس في قطر يستلم 60 الف وخبرته ولا شي
لكن شوف يستلم تقريبا بدل سكن سنوي 200 الف ريال قطري
لكن بالموت تجيب له سكن اجار الاسكان هناك السنوي حدود 220 الف ريال قطري


مش بس عدد المواطنين ترا المعيشه هناك من اجار وغيره اغلى بكثير من هنا

 

غير صحيح
الايجارات 25-40 شهريا للشقق

 

وانا وش كاتب ؟ 220 الف سنوي

اتمنى تقرا الرد زين قبل التصحيح

 

لا مبالغ فيه وبقوه حتى لو خبره 20 سنه
مافهمت عليك تقول حفار وبعدين تقول لا مهندس وبعدين تقول مهندس حفر
وللمعلومية ال Drilling engineer صعب وشبه مستحيل يوصل لهالراتب وخصوصا ان مهندس الحفر يعتبر ديزاين حاله حال اي مهندس ديزاين بأي تخصص بالعالم، شغله 8 ساعات على مكتب مع بعض الزيارات لموقع العمل

اتوقع انك تقصد انه حفار وهذا راتبه سنويا وبكذا معقول

ممكن لو قلنا company man ممكن، لكن يضل كثيييير الكومباني مان يخبره 20 سنه 230 الف دولار سنويا تعتبر كافيه جدا عليه، يعني يطلع ربع الراتب المذكور

برضو ممكن يكون directional driller يعني أخصائي حفر اتجاهي لكن برضو يعتبر الراتب كثير عليه ولا يحلم فيه

انت تقول 240 الف قاعد تتكلم عن 3 ملايين سنويا
وترا كلهم الكمبني مان عمله إشرافي فقط يعني ممكن يمشي الشغل من دونه
والحفار ومهندس الحفر مع احترامي ترا الحفر ماهو اختراع بالعكس شي بسيط لكن مو شرط سهل

يااخي وش عندها الإمارات مع احترامي رح شوف الشركات العالميه مثل Transocean ولا Ensco ولا Maersk Drilling النرويجيه أو sinopec الصينيه
شركات فيه منها اللي سوا معهد كامل عشان 20 موظف وفيه من هالشركات اللي شرا أسطول هليكوبترز عشان يوصلون الموظفين وطبيعي تطلع رحله عشان موظف واحد فقط!!
مع هذي القوه كلها ماوصلت رواتب موظفيها لهذي الأرقام ولا حتى النص لأنه اصلا الشغله ماتسوى كل هالراتب

لاتاخذ الموضوع شخصي لكني قريب من الوضع لكن المشكله اشوف شباب كأنهم اقتنعوا ودب الهم والغبنه بداخلهم وان بلدهم مايوفر لهم هالرواتب الضخمه

 

السلام عليكم
ممكن تعطوني اسماء الشركات الاماراتيه عشان اقدم عليها او اي شركات خارج المملكه انا ماعندي مشكله اشتغل خارج المملكه

 

جيت برد الا انتبهت لردك ، اختصرت كل كلامي

من وجهة نظر اقتصادية ، الـ GDP Per Capitaعندهم اعلى لانه عددهم اقل وهذا شي طبيعي لما العدد يكون قليل دخل الفرد يزيد والعكس

GDP per capita : الناتج المحلي الاجمالي للفرد الواحد