$$~خاص لطلاب التدريب التعاوني...Co-Op Students $$~

اقول يابو الشباب

طيب اللي ماعنده كوأب الترم الجاي ووده يشارك معاكم............
كيف يشارك وهو ماله دخل في الموضوع حسب عنوانك

 

انحاشواااا

السلام عليكم...
ياشباب والله من خلال تجربه شخصيه لقيت ان المدعو كوااب انما هو فرع من فروع الدجه اللى يدور عليها حقين النوم والفله ..ياخي تحصل الشركه ما تعطيك وجه والله كاننا نشحذ منهم ..يسوون ميتنق وحنا يالكوااب صفط وير ...حتى الاستفاده اللى كنا متوقعينها والله من جنب العارضه تدرس لك خمس سنيين وتجي يعلمونك من الصفر بالعربي تكنشن ثاني شي تاكد انك رايح تفقد روح الحماس للمذاكره يعني اللى عنده ساعات كثيره (موساعات يد) الله يعينه رايح تحصل النفسيه معدومه لانه تعود على الدجه والنوم ....
على العموم انا ماودي اخوفكم من الكوااب ولاكن اللى يبغى يتاكد يسال شباب خلصوه واسمع وش يقولك ....

ومشكور على الموضوع القيم اخوي

ملاحظه:
على فكره هذي اول مره اشارك في منتدى في حياتي
فلذالك لاتواخذونا
وسلام.

 

موضوع مهم للغاية

اول نصيحة اخواني هيا

انكم قبل ما تطلعوا الكو اب تحاولوا باي طريقة تمر على الكوردينيتور وتاخد منه افكار تسويها في الكووواب

والاهم جدا جدا جدا انك تحاول تاخد الكواب في شركة عندها خبرة في الكواب يعني بالعربي اعطت كو اب قبل كدة لطلاب مو شركة تكون انت اول واحد
لانه عز الله هما مو فاهمين وانت داج راح الكواب في ابو زعبل ....

 

مشاركة

السلام عليكم

اخواني في الواقع حبيت اني اشارك في هذا الموضوع الممتاز بحكم اني واحد من طلاب الCOOP وحبيت اقول بالفعل ان اغلب طلاب الCOOP يبغون الدجة بس مو كلهم.

من وجة نظري القاصرة ان هالفترة مفيدة جدا للي يبي يتعلم هذا اولا ، وثانيا مو كل الشركات ممكن تعلمك شيء الا اذا كنت تبغى تتعلم انت حتى ARAMCO والدليل اني يوم داومت اول يوم في ARAMCO قال لي الSUPERVISOR اذا تبغى تتشتغل دور للشغل لان ما احد رايح ياجيك و يقول ياطويل العمر تفضل هذا PROJECT شغالين عليه و نبغى من حضرتك تساعدنا فيه.

اي نعم ان بعض الشركات حتى لو كرفت بايداك و رجليك ماهم راح يعطونك وجه بس بالالحاح سوف تجد النتيجة الا اذا كنت انت بنفسك داج، وعلى فكرة تروا شكلها بايخ انك على نهايت ال COOP تيجي تقول ل الSUPERVISOR توص في التقييم حقي وهو يمكن مايشوفك الا في الاسبوع مرة ويمكن بعد في الشهر مرة.

اشكركم على الاطلاع والسلام خير ختام...

 

قال ايش ارامكوا

ياشباب بلا ارامكوابلا بطيخ ترى ماعندهم الا الدجه ...حاول انك تطبق في غيراراكوالان الاسباب كثيره منها:
1- ارامكواماتعطي وجه...........
2- اذا اشتغلت عندهم بيديك ورجولك ومعدلك مو فوق 3.3 صدقني ما يعطونك وجه.
3- فكر بسابك والاسكيكو تاخذ معدلات عاديه وثاني شي اذا الله وفقك وزبنت عمرك يمكن يوظفونك


فانا اقول خلوا عنكم الزعاطه وبلا ارامكوا بلا بطيخ ودرلك شركه تستفيد منها بعد التطبيق

وشكرااا..........

 

الأخ سزور,
تحية طيبة و بعد,
لقد ذكرت في كلامك أن:
التقرير النهائي (1st draft) مطلوب يوم 08 Jan
و هذا صحيح, لكن ليس لك, و انما للطلاب الذين طبقوا في الترم الثاني مع الصيف.
يعني الدفعة التي قبلك. يعني ما هي مهزلة و لا شيء. الموضوع طبيعي جدا.
بس حبيت ألفت نظرك علشان ما تستعجل و تخربط في كتابة التقرير.
هذا ما عندي, و السلام مسك الختام.

 

what about who will finish coop this semester? when should we submit

the finak report? when will be the presentation

 

لا تخافوووووون

السلام عليكم ورحمة الله


ياشباب أولاً لا تخافون ترى والله القصة أهون بكثير مما تتصورن. بصراحة كسر خاطري هادي يبي يقول فاينل قال فاينك ..هدي ياهادي


ثانياً: إليكم التعليمات التالية بعد أن أنهيت تدريبي الفترة الماضية (ترم ثاني +_ صيف):
1- إحرصوا أشد الحرص على المحافظة على الدوام في وقته أياً كانت الشركة.
2- حاولوا التعلم من كل من حولكم.
3- في وقت الفراغ لا تجلسوا بل إعرضوا خدكاتكم على زملائكم في العمل.
4- كونوا بشوشين مع زملائكم وخلوا عنكم التكبر اللي ماله داعي (قال إيش خريج KFUPM)>
5- الجامعة تقول لاتشتغلوا أي عمل عير تخصصكم وأنا أقول لكم سوو كل اللي يطلبونه منكم الشركة وبإتقان لانكم كذا تقنعون الشركة بتوظيفكم.
6- واصلوا الإطلاع على الكتب الدراسية وغيرها خلال الفترة لأن لديكم الوقت وستجنون الفائدة.
7- إحرصوا على التواصل الدائم مع الأدفايزر لأنكم كذا تخلونه في صفكم يعني (قوله أنا أبغا A ويش تبغاني أسوي علشان أحصلها).
8- لا تشيلون هم التقرير إنطلاقاً من مبدأ (لا تحمل هم مالم ينزل بك) ولكن إعملوا على كتابة صفحة أو صفحتين يومياً عن ما يتوارد في بالكم من أفكار للتقرير وذلك بالتنسيق مع الأدفايزر.
9- بالنسبة للبريزينتيشن فهي سهلة جداً لاتتجاوز ال 30 دقيقة والله تمضي مثل البرق. أن يوم خلصت البريزينتيشن قمت أنعذر للأدفايزر من أنها قصيرة قام طالع في الساعة وقال more than enough>
10- توكلوا على الله واحرصوا على اللقمة الحلال وحللوا رواتب الكوؤب فأيما جسد نبت من سحت فالنار أولى به.


هذه الوصايا إجتهدت في تطبيقها وأبشركم أني حصلت على عرض مفتوح لدى الشركة براتب لا يقل عن 8000 ريال ولله الحمد.

 

ما شاء الله

الأخ الدافور المغرور,
تحية طيبة و بعد,
شكرا للنصائح التي ذكرتها و أرجو أن يستفيد منها الزملاء الذين سيذهبون للتدريب في الفصل القادم أو الصيف.
مجرد سؤال بسيط:
ما هي الشركة التي طبقت فيها, و ما هي الأعمال التي كنت تُكلّف بها يوميا؟
أريد أن أعرف أيضا إذا كنت تنصح الشباب بالالتحاق بهذه الشركة أم لا ؟ (سواء للتوظيف أو التدريب).
شكرا على تفاعلك, و السلام مسك الختام.

 

إحراااااااااج

السلام عليكم ورحمة الله وبركاته
أخي العزيز شكله فاهم....أحرجتني بطلب إسم الشركة لعدة أسباب أود أن أوضحها قبل ذكر إسم الشركة.

1- لم يتم تعيين شركة لي من قبل قسم التدريب إلا في آخر يوم من أيام التقديم على التدريب وذلك بسبب الأخ الدوسري الله يهديه حيث أنه لم برسل أوراقي للشركة السعودية لصناعة الورق حيث كانت هي التي أرغب أن أتدرب فيها.
2- بعد أن يأست من القبول في أي شركة (والله دخت في الصناعية الثانية من شركة لشركة وماعندك أحد).
3- بعد أن بدأ زملائي التدريب بأسبوع دخلت على الهاشمي وحملتهم مسئولية عدم تعييني لأي شركة وناولته الترانسكريبت ولما شاف المعدل عالي نسبياً حس أن فيه مشكلة وقلب في الأوراق التي بين يده وسحب منها ورقة وقال ماعندي إلا هذي الشركة وإذا ماقبلتك روح ياولدي إحذف التدريب وإلحقلك كم كورس نزلها.
4- إتصل على الشركة قاله مديرها العام إرسله علينا أخذت الوصف ورحت وأنا ما أدري إلى الآن وش هي الشركة.
5- بعد المقابلة السريعة قبلوني وبدأت التدريب.

إسم الشركة: شركة الصقر السعودية للتأمين.....
ولو تلاحظ إنها شركة تأمين يعني حرااااام العمل فيها حسب فتوى المشايخ...وهذا سبب تركيزي على اللقمة الحلال في آخر نصائحي.
طبعاً بعد الدوام بحوالي أسبوع بدأت أعيش في شك وحيرة من التدريب والراتب فقمت بالطواف على مجموعة من المشائخ منهم الشيخ المنجد والشيخ الهوساوي والذين هم على دراية بوضعنا أكثر من غيرهم (الشيخ المنجد خريج الجامعة). كانت نتائج فتواهم أنه يجوز التدرب معهم فقط لفترة التدريب الضرورية للبرنامج مع عدم نية العمل في الشركة كونها شركة تأمين وذلك للضرورة لأن عدم أخذ التدريب يعني التأخر عن التخرج حوالي سنة كاملة.
الحمد لله ارتحت بعدها وكملت تدريبي مع الشركة. وللتوضيح فقد رفضت عرض الشركة للعمل معها.

أما بالنسبة للمهام المطلوبة فكانت 50% في غير تخصصي ولكن كنت أقوم بها بدون أي اعتراض وهذا ماجعلهم يطمعون في عملي معهم...ولا أنسى كلمة الهاشمي لي عند ذهابي للشركة " ياولدي اللي يطلبوه منك سوه...علشان مصلحتك" وفعلاً هذا ماحدث. أما عن طبيعة المهام فهي سهلة جداً ولا تتطلب مقارنة بما يتصورة الطلاب قبل العمل.

أما نصيحتي للشباب أن لا يعملوا أو يتدربوا فيها لسببين:
1- أنها تعمل في مجال التأمين.
2- أنها صغيرة ولا توفر الأمان الوظيفي.

والله ولي التوفيق....