خريجي المحاسبة (الحاصلين على CPA / Master's degree) شركات Big 4

عاشقAccounting · ‏13 يونيو 2017

السلام عليكم

Price water house Coopers

Deloitte Touche

Ernst & Young

KPMG

من هو الافضل ؟ ومايميز كل واحد عن الثاني ؟
وماهو الاختلاف بينهم (من ناحية سلم وظيفي ، من ناحية تقدم وخبرة تفيد بمجال التخصص ؟ كل شخص عنده تجربه كمحاسب سواء كانت في شركات ال Big four او اي شركة آخرى في مجال المحاسبة قد تكون رائعة وقد تكون سيئة ، فنرجو من الاخوان انهم يفيدوننا بحكم خبرتهم في هالمجال.

حدثوني عن عملكم من اول خطوة تخطوها للشركة الى آخر خطوة ؟ ويفضل التفصيل...

وزن ال CPA الأمريكي مقارنة بال SOCPA ؟

خيروك شهادة وحدة من ثنتين ماتاخذ غيرها

CPA امريكي ولا شهادة Master ؟

ايش تاخذ وياترا ايش السبب وشنو الاهم في الشركات والبنوك من ناحية عروض و من ناحية تقدم وتطور في السلم الوظيفي ومن ناحية الposition ؟

هل Master الأكاديمي = الوظيفي Higher Diploma = Master بالنسبة للشركات ؟

انا بسمع انه الماستر مضمون... هل فعلا هالشي صحيح ؟ اي واحد ممكن ياخذها لكن CPA مش اي واحد يعديها.

ماهو افضل ماستر (اكمال الماستر في تخصص المحاسبة ام في تخصص آخر ) ؟

ماهي الشركة اللي اشتغلت فيها ؟ ولو رجع بك الزمن تدخلها ولا لا ؟ وايش السبب ؟

ايش الأهم كخريج جديد ؟ من (1-13)

الراتب - بيئة العمل - ضغط العمل - مكان العمل - ساعات العمل - نوع الشركة او المجال - قوة الشركة - نوع الوظيفة / القسم (مراجع / محاسب / مدقق داخلي وغيرها) - التطوير والتدريب / الانتداب - الأمان الوظيفي - المزايا الآخرى : دفع رواتب اضافية للمنجزين وغيرها - اهداف ورؤية الشركة للمستقبل .

وايش الأهم في مرحلة منتصف الوظيفة ؟

(أهل الخبرة)

لو سبق واشتغلت وطلعت من الوظيفة ، ايش السبب اللي شجعك على تركها ؟

ادارة متسيبة
لاتطوير ولاتدريب
حصول على عرض افضل
بيئة سيئة
خبرة عل الورق... بس .. على ارض الواقع مالها اي فايدة
شركة مؤقتة ... مجرد وقت وبتفلس او تتصفى
مافي أمان وظيفي
وغيرها.

اي شخص عنده اي معلومة / رأي نأمل انه يشاركنا ... والقلب داعيله.

Zeezo88 · ‏14 يونيو 2017

من هو الافضل ؟ ومايميز كل واحد عن الثاني ؟

الكل يتميز بشي مختلف, كي بي ام جي و EY يتميزون في ال market share فهم مستحوذين على على عملاء اكثر.. ديليوت ابعتد عنها بسبب انها موقفه عن مراجعة الشركات المدرجة في تداول بسبب فضيحة المعجل (الى صيف 2018) (نص عملاء ديلويت في السوق السعودي كي بي ام جي اخذتهم).. PwC تركز على العملاء الكباار ولاتاخذ الصغار , عكس البقية...

PwC & Deleiote على ما اعتقد يعطون اوفر تايم, الباقية لا, بس لاتخليها سبب ابدا, تقولي ليه؟ اقولك لان البونص بنهايه السنه اقل من منافسيهم في EY & KPMG, ف بالاخير مافيه فرق...

وزن ال CPA الأمريكي مقارنة بال SOCPA ؟

وزن السي بي ايه افضل في القطاع الخاص وعالميا, اما محليا (في السعودية فقط) فكلهم لهم وزنهم, اما مثلا في دول الخليج ف راح يفضلون ال CPA.. طبعا السوكبا افضل لدى الشركات الاربع, لانها بتخولك بان توقع على القوائم المالية المدققة, وووزنها اعلى لدى الاربع الكبار في السعودية.. ولكن كلاهمها بيساعدونك على الترقية..

CPA امريكي ولا شهادة Master ؟

السي بي ايه وانا مغمض.. نصيحة مني لاتفكر بالماستر الان, في البق فور ليس لها ثقلها ابدا الا في قسم الاستشارات ف ممكن تعطيك فرصة اكبر, ولكن السي بي ايه بتعطيك ثقل اكبر بكثيييير من الماستر, وحتى في القطاع الخاص.. نصيحة مني لاتسوي الماستر الان, ادخل سوق العمل الى حد ادنى 3-4 سنوات وبعدين فكر في الماستر,, ونصيحة ثانيه, اذا خريج محاسبة, لا تفكر في المحاسبة في الماستر ابدا ابدا...

افضل ماستر بتكون MBA finance or MS in Finance

اتضح لي بان كي بي ام جي هي الافضل في تدريب موظفيها ف عندهم برنامج للسوكبا في كل صيف ياخذ الموظف اجازه بدون راتب مدتها 4 شهور للتحضير للشهادة, بان بامكانك تسويها في الشركات الثانيه ولكن ماعندهم برنامج ف المسالة راجعه لك بطلبك من الشركة لاجازات من غير راتب في اوقات ال off season الي هي في اشهر الصيف... اسمحلي عن عدم ذكر الشركة الي اشتغلت فيها...

نقطه المنافسة, اشوف PwC الافضل, عدد حاملي السوكبا في EY and KPMG كثير الان ,ولكن برضو حط في بالك بانهم ماسكين عملاء اكثر من PwC & deliotte فهم بالاخير يحتاجون عدد اكبر

اذا خريج محاسبة هذي السنه قدم عليهم كلهم الان, ف هذا الوقت وقت توظيف June to Sep...

حط في بالك بان السي بي ايه اذا حصلت عليها, بتطيح منك اختبارين من السوكبا الي هي اثقل مادتين, المحاسبة والمراجعة.. اخر نصيحة اقولك اياها وبعيدها لك, انسى فكرة الماستر الان نهائيا

اغلب المعلومات الي فوق هي من خبرتي في احدى البق فور ومن خلال اصدقاء اشتغلو في الباقي برضو

عاشقAccounting · ‏14 يونيو 2017

جزاك الله خير افدتتا باطروحتك .. اشكرك من اعماق قلبي

المشكلة اغلب الناس عندها بكالوريوس بهالزمن صار Standard : (

، مانبي نصير محاسبين عاديين... نبي نتميز و نطور انفسنا ونتعلم اكثر .... بكالوريوس كانت حلم ولم يكن سهل المنال لكن بعد ماتخرجنا ، الطموحات و الاحلام والآفاق كبرت ...

ليش ماناخذ ماستر محاسبة ؟ ايش السبب ؟

طيب اخي ، في احد الردود ذكرت انه المراجعة لم تكن لك ، ايش السبب ايش عيوبها ؟ غير الرواتب / ضغط العمل .. ياريت تذكر لي جميع عيوبها حتى لااقع بالفخ..

وبالنسبة للعقود هل يكون فيه شرط جزائي اذا وقعت وطلعت قبل السنة ؟

Zeezo88 · ‏14 يونيو 2017

بالنسبة للتميز ف الشهادات المهنية مثل السي بي ايه والسوكبا تميز الف مره عن الماستر, صحيح بان البكالوريس الان في كل مكان واصبح شي عادي, ولكن الماستر برضو كثر في الفترة الاخيرة واصبحت سهلة واغلب الشركات بتشوفك overqualified اذا كان معاك ماستر بدون خبرة على الاقل 4 سنوات. اي شركة بتفضل صاحب السي بي ايه او السوكبا عن صاحب الماستر انا دخلت سوق العمل وشفت هالشي صراحة.. بالنسبة لماستر المحاسبة, انا اشوف انها ماراح تضيفلك الشي الكثيير في علمك الشخصي , الا اذا عندك نية توجه للشغل الاكاديمي فهذا شي اخر... ماستر الفايننس بيزيد من علمك وبنفس الشي بيفتح ابواب اكثر خصوصا في البنوك والبنوك الاستثمارية.. هذا اذا عندك ميول لها, اذا ميولك فقط محاسبة ف الشهادات المهنية بتثرييك وبتعلي سووقك كثيير..

وبخصوص المراجعة فهذي personal preference , عرفت ناس حبوها ومايشوفون نفسهم في غيرها, وفيه ناس لا والي انا منهم, اذا عندك رغبات في الارقام والتحليل ف بتلاحظ ان المراجعة والتدقيق ما تلبي هالشي بحد كبير.. بس لاننسى ان المدققيين السعوديين مطلوبين بكثرة (صحيح ان اعداد المحاسبين كثرو في الفترة الاخيرة مقارنة بقبل) بس السوق يطلبهم بكثرة ومازال العدد الحالي مايكفي السوق.. خبرتها ممتازه بالاخير وبتجيك شركات وبنوك وخصوصا التامين يطلبون مراجعين داخليين. بالاخير هي رغبة شخصية بالعمل واستفدت من خبرتها الكثير صراحة

في كل الشركات الاربع بيكون فيه ضغط بالعمل مهما كانت الشركة, EY ضغطهم اعلى على حد ماسمعت. وبخصوص العقد على حسب علمي ماراح تكون مطالب باي شي اذا طلعت قبل ماتكمل السنة.. اذا رغبتك فقط في المراجعة البق فور افضل الاماكن و اشوفهم افضل الشركات توظف في الفترة الاخيرة هي وشركات التامين

واذا عندك اي سوال حنا حاضرين ان شاء الله

Zeezo88 · ‏14 يونيو 2017

وعلى فكرة, ادخل اللكندن وبتلاحظ ان اغلب الاشخاص في المحاسبة الي ماسكين مناصب ممتازه هم من اصحاب السي بي ايه والسوكبا بغض النظر اذا كملو ماستر او لا, ولكن العكس غير صحيح

عاشقAccounting · ‏17 يونيو 2017

جزاك الله خير ، <3

آسف اذا ازعجتك بالأسئلة تحملني شويتين , هذا آخر رد

ايش الشركات الاربع تتطلع في Candidate لاختياره ؟

بطاقة عبور الى المقابلة : من الاهم الى الاقل أهمية (برأيك)

الخبرة
المعدل ككل
معدل التخصص
اسم الجامعة / قوتها
لغة الدراسة
Professional CV / Cover letter احترافي
شهادات آخرى
قوة اللغة / الحصول عل درجة ممتازة في الآيلتس أو التوفل
الإنجازات (تفوق دراسي او مهني)
التوصيات من الدكاترة
Endorsement من موظفين اشتغلت معاهم / مدير بالLinked in

بالنسبة للمقابلة Interview :

شكانت طبيعة الاسئلة

ايش الاختبارات اللي يسوونها وايش طبيعتها وايش Material اللي تنصحني بدراسته .. وهل فيه اختبارات تجريبية استطيع القيام بها.

اذا كان عندهم اختبارات متعددة.... برأيك ايش اللي له وزن أعلى في الاختبارات ويفضل تكون نسبة ؟

يعني مثلا

40% لغة ، 25%تخصص / غيرها

على اي اساس بيختاروا الCandidate ؟

ايش الاهم الى الاقل أهمية

نوع الشخصية ، الأسلوب / القدرة على التعامل مع الضغوطات / سرعة البديهة / عدم الانفعال / قوة معرفته بتخصصه / قدرته على ادارة الTeam / قدرته على معالجة المشكلات Problem Solver / المظهر الخارجي .

من 1 (سهل جدا) الى 10 (شبه مستحيل) : معدل سهولة المقابلة / سهولة الحصول على الوظيفة ؟

كم تتوقع عدد الاشخاص اللي يقدموا على شركة المراجعة او الفرع التي كنت بها ؟ (100 , 200 , 1000) وكم شخص يأخذ بطاقة العبور الى المقابلة الشخصية ؟ وكم شخص ينجح في المقابلة الشخصية ؟ وكم شخص ينعرض عليه عرض وظيفي ؟ وكم شخص ينقبل ويبدأ العمل مع الشركة ؟ وكم هي عدد الأيام (في حال عدم الرد عليهم) ، يتم سحب العرض الوظيفي ...

او عطنياها كنسبة عشان اعرف حجم الفرصة...

نسبة تقريبية

كم عدد او نسبة خريجي (البترول / الجامعات الأوروبية و الامريكية / الجامعات السعودية الآخرى) ؟

كم يأخذ وقت من التقديم الى المقابلة وحتى الحصول على العرض الوظيفي بحكم تجربتك او معرفتك فيها ؟