خريج كلية ينبع الصناعية واريد اكمال الدراسة

بسم الله الرحمن الرحيم
هذي اول مشاركة لي وبرد عليك لاني كنت في نفس حالتك في ٢٠١٥ ووضعك مشابه لوضعي بشكل كبير وبعرض لك تجربتي والقرار عندك
انا كنت طالب في كلية الجبيل الصناعية نفس تخصصك قسم صيانة معدلي ٢.٣ في ٢٠١٥ طبقت مع بيكر هيوز خلصت التطبيق دقو علي شلمبرجير بدون ما اقدم عليهم وعرضو علي نفس العرض الي جاك بعد استخاره ومشاورة شباب كانو موظفين رسميين في بيكر من طلاب الكلية شارو علي اني اكمل دراستي وارجع مهندس لانهم كانو يشوفون الفرق في المعامله بين الفني والمهندس ولان افق الترقيات ما يوقف للمهندس لين ممكن في يوم انه يكون رئيس للشركة بالمقارنة الدبلوم يتعب ويالله يكون سوبر فايزر.
الحمدلله توني تخرجت قبل ٤ شهور من امريكا مهندس وتخصصي هندسة ميكانيكة (تكنولجي)، عمري ٢٧ ابداً ما شفت ان الشركات عندنا في السعودية يميزون بين الساينس والتكنولجي وعمري ما ردني عن اي وظيفة.
سويت مقابلتين من رجعت انقبلت فيها كلها، وجاني عرضين بمسمى Enginner و project Engineer صحيح ان الوظيفتين رواتبها اقل من ٩٥٠٠ لاكن المسمى مهندس.
ولو يرجع فيني الوقت ل ٢٠١٥ راح اخذ نفس القرار ولاني متحسف.
وبالنسبه لجزء اكمال الدراسة بالخارج جامعتي عادلت لي تقريباً ٣٥ ساعه من اصل ٧٤ وتعتبر معادلة طيبة لان عادلو لي المواد جينرل مثل الفزكس والماث والكمستري وبالتخصص عادلو لي المواد المهمة مثل الفلود والابلايد والاتوكاد يعني لو تشد حيلك في سنتين تخلص البكالوريس وممكن اقل. وبالنسبة للانضمام النظام الحالي للابتعاث ادرس ٣٠ ساعة على حسابك وقدم طلب انضمام ويضمونك للبعثة ان شاء الله والهندسة من التخصصات المعفية من شرط افضل ١٠٠ جامعة.

 

انا بعطيك تجربتي والقرار الأول والأخير لك

انا تخرجت من كلية ينبع الصناعية Chemical Engineering Technology دبلوم في ٢٠١٤ وجاني عرض من شلمبرجير ب ١٠ الاف ريال ولكن بعد الاستشارة كملت بكالوريوس وتخرجت في ٢٠١٦ واشتغلت في اكثر من اربع شركات وفي هذي السنة الحمدلله وبفضل من الله قدرت اوصل اني اكون مهندس سوائل الحفر في شركة هالبيرتون

طبعاً الخلاصة : ماسمعت كلام الناس الي يقولو الي يتخرج تكنولوجي مايتوظف مهندس والشركات الكبيرة ماتقبل
اهم شيء تطور وتثبت نفسك وتواجه كل التحديات وتبدأ من الشركة الأصغر الين توصل لطموحك

هذي تجربتي وفي الأخير قرار انك تكمل او تشتغل في شلمبرجير بالدبلوم يعود لك

بالتوفيق

 

السلام عليكم ورحمة الله وبركاتة
اخوي خالد ممكن تقلنا ايش صارلك ؟ احتاج اعرف