اهلا،
للآمانه ماني هندسة، ولكن حبيت ازودك بكم نصيحة بحكم تجربة وبما انك "الظاهر لي" حديث تخرج:
وبالاخير لا تعتمد على تجارب الناس (من تجربة، كنت اتوتر زياده لما اسأل ناس عن مقابلاتهم) الافضل انك تروح عارف نفسك وفاهم ايش تبي وواثق من نفسك ولا تتوقع لا قبول ولا رفض روح عشان تعرف عن نفسك (وانتبه تحاول تسوي شيء وتتصنع عشان تعجبهم ترى راح يبين، لذلك توكل على الله وخليك على سجيتك افضل) ولا تصير overthinker.
- لا تتوتر ولا تشيل هم "توكل على الله والي يجي من الله حياه الله"
- خلك واثق من نفسك وقدراتك وانجازاتك حتى لو صغيره (في بمقابلات يحاولون يستصغرون انجازاتك ويوترونك بغرض يشوفون هل راح تتأثر بالضغوط الخارجية؟ او واثق من نفسك)
- حاول تتكلم بهدوء ويدينك انتبه لها ( الافضل تحطها تحت الطاوله عشان لا تصيير تحركها كثير "ترى يهتمون للغه الجسد")
- اهم نقطه راجع كل شيء بالسي في وتوقع انهم بيسألونك عن كل نقطه (اعرف نفسك كويس)
اهم شيء تتأكد انو عندك اجوبة للأسئلة هذي (تكررت علي بكل مقابلة):
- عرف عن نفسك (من انت؟)
- ايش نقاط ضعفك؟ (هل نقطة ضعفك تأثر على عملك الجماعي؟)
- ايش كان بحث تخرجك؟ (حاول تختصر مو لازم تقول كل شيء، قول النظرية واهم نقطتين بس لازم تكون ملم به بشكل كامل)
- وين تشوف نفسك بعد ٥ سنوات؟ ( واحد من الانترفيورز قال لي المفروض تقولين اشوف نفسي مكانك! انا اشوفها اجابه مبتذلة الافضل انك تتكلم عن التطور والتحسن وما الى ذلك وهذا شيء راجع لك عموما)
- كم ناوي تقعد معنا؟ (بالعادة الشركات الصغيرة الى المتوسطة هم الي يسألون هذا السؤال بحكم انهم ما يبون يجازفون ويوظفونك وبعد ٦ شهور تجيك وظيفة احسن وتتركهم "وبكذا خسروا مال وجهد ووقت اكثر من فائدتك لهم")
وكل التوفيق لك ولنا اجمعين.
أفضل المشاركات: دعوة مقابلة في مدينة الملك عبدالله للطاقة الذرية والمتجددة, أرجو الإفادة
-
AmalM.Alra عضو
- انضم:
- 16 فبراير 2019
- المشاركات:
- 16
- التخصص:
- POL/IR
- الجامعة:
- UD
- سنة التخرج:
- 2018
- الجنس:
- أنثى
- التقييمات:
- +6 / 0 / -8