السلام عليكم

التحضير في أول الكلاس

الشرح يقرأ أو يخلي أحد الطلاب يقرأ ويعلق هو على كلام الكتاب
ويعطي قصص صارت له وصراحه كلاسه ممتع جدا , صاحب نكته ,قمة في التواضع ,
لا تغيب و سوي اللي يقول عليه على الويب سيتي وابشر بالقريد, أسئلة المياجر
سهله لكن يمكن يميز الطلاب بسؤالين ويجيب أسئله من شرحه وتعليقاته
( يعني أكتب وراه الأشياء المهمة اللي مو موجودة في الكتاب )

في الختام الدكتور خالد ملك القسم

تقبلوا تحياتي

 

باختصار ،،

لو الدكتور نزل كورس ماث باسمه .. راح انزل معاه !!

 

التحضير :بشكل يومي
طريقة الشرح :ممتازة جدا وكلاسة ممتع
الكويزات :لا يوجد
المياجر:سهلة وأحيانا يجيب سؤالين أو ثلاثة من الشرح
الفاينلات :كومون على حد علمي
القريد النهائي:+++a
الصوت:,واضح
إضافات :الدكتور ممتاز جدا وهو من أفضل أو افضل الدكاترة الموجودين في قسم الدراسات الإسلامية وانصح الجميع ينزلون معه​

 

التحضير : التحضير في بداية الكلاس ويحاسب عالتأخير ..
طريقة الشرح : جداً ممتعة وتستفيد منها في حياتك اليومية .. ويقدمها الدكتور بأسلوب جداً رائع بعيداً عن التنظير وكثر الهذره ..
الكويزات : مع النظا الجديد صار فيه أختبار من 10 يعطيكم أياه قبل نهاية السمستر وهو عالكلاس وورك ..
المياجر: متوسطة تقريبا كآن الآفرج للميد ترم في 082 - 26 \ 35 فيها اسئلة تعتمد عالشرح والنوت الي تسجلونه معه بداية السمستر ..
الفاينلات : كوموون وسهالات ..
القريد النهائي:أعطيه a+
الصوت: واضح
إضافات : دكتور خلوووق أنسان جداً راااااائع تستمع معه وتستفيد راعي نكته ومايقصر مع الطلاب يحاول يفدهم في امور حياتهم ومايقصر بالقريدات يدف من قريد إلى قريدين .. زبدة الموضوع إذا نزلت الـ 111 عنده فأنت محظوظ ^.^

 

ماشاء الله على الدكتور خالد ..

اخلاق وتواضع ودايم يلقاك بـ ابتسامة ..

كلاسه كان من امتع الكلاسات وكنت دايم احرص ع اني اجي بدري لاجل احصل مكان قدام ..
لان صوته شوي واطي ..

كان يحكيينا عن مواضيع خارجية بس لها علاقة بـ الدرس .. وكانت مفيدة لي بكل امانة ..

ونهاية السمستر دفني بقريد .. واتوقع هالشي صار مع الكثير ..

كان عنده كويز واحد في نهاية السمستر .. اختيارات وصح وخطأ .. كان سهل نوعا ما ..

اتمنى لو نزل مواد اسلامي غير 111 ..


الله يسعدك يادكتور خالد ..


.
.

 

الله يوفق دكتورنا ويرجعه لنا بالسلامه من رحلته للخارج

الدكتور رايح دورة وانشالله يرجع بإقرب وقت

تخيلوا ياشباب نزلت الدرجات غالب الطلاب a b ماعدا يمكن واحد ماخذ c

والله دكتور قمة في الاخلاق والتعاون اذا حصلت عنده نزل وانت مغمض

 

IAS 111 - Term 122
ملاحظة: الدكتور سافر لعلاج ابنه في نص السمستر وجانا دكتور ثاني ..
ماختبرنا أي كوز (كان كل يقول ان فيه كوز بس ماحدد).. القريدات(سافر يعني ماجربناه)
الشرح: ماعليه كلام .. والمياجر كومن يعني عليك بالكتاب والاولد اكزام

العيوب:
يجيب قائمة بأسماء كتب (غالبها بطول 300 صفحة أو حولها)
كل طالب يختار كتاب واحد ويلخصه (في غضون اسبوعين-3اسابيع في منتصف السمستر)
ويسوي عليه برزنتيشن بوربوينت
هالشي اجباري وعليه درجات في المشاركة(ما اتذكر بس اظنه 10 درجات) <<

يقال انك بمجرد ماتسويه تاخذ الفل مارك في هالعمل، ولكن ولله الحمد سفره كان خيرة
افتكينا من هالشغل ( 300 صفحة <_< )
الله يوفقه

 

^^^^^^
كان اختياري للي يبغى بونص فقط ..




الكورس هذا احسه وطنية الجامعة فما اعتقد فيه شرح

عموما الحق على سكاشنه يا شنب

الدكتور خالد مبدع


والدكتور اللي جانا بنص الترم بعده هو أحمد العنيزان
وشفتi بالرجسترار للـ ias111 للـ 131

فراح اعطيكم التقييم حقه
ما لقيت له موضوع

الدكتور أحمد البونصات عنده خيالية يا لبى قلبه واخلاق ومتفهم
ممكن يعيبه شيء واحد وهو انه التحضير عنده اهم كل شيء

وفي آخر الترم اللي ما غاب عطاه بونص 2
واللي لخص الكتاب 6
واللي قدم مشاركه بسيطه في اخر الترم 3
اظافة على أن الكلاس وورك كامل للي ما غاب
يالبى قلبه هالآدمي بس

 

أخلاااااااااااااااااق بمعنى الكلمة
نزل عنده وأنت مغمض

 

I LOVEEE HIM IN ALLLAH

SO kind so helpful soo good in teaching

take with him

 

IAS 111 - Term 122

*درسنا عند الدكتور نصف سمستر فقط لكن بتكلم عن اللي شفته معه

التحضير :
بداية الكلاس ويحاسبك عالتأخير

طريقة الشرح :
يلس ويستحضر المعلومات وأحيان يشطح عن الدرس ( لأن غالبا المواضيع قصيره )

الكويزات :
ما جربنا

المياجر:
كومون

الفاينلات :
كومون

القريد النهائي:
*

الصوت:
واضح

إضافات :
درجة الكلاس وورك عنده على كويز وعلى تلخيص كتاب طويييل كعرض باوربوينت وتطلع تشرح قدام الطلاب , ترى الكتاب تلخيصه بياخذ وقت طويييل فشخصيا أفضل التسجيل عند دكتور آخر وما أذكر ذكر لنا شي عن البونوس بداية السمستر.

 

IAS 111 - Term 191



التحضير :
بداية الكلاس ومايدقق على التأخير الا اذا تأخرت بزيادة + اللي عندهم غيابات قليلة ماخصم عليهم

طريقة الشرح :
يبدأ بالموضوع بسؤال للطلاب ثم يقعد يشرح عالسبورة ويسأل و يناقش الطلاب ويحب المشاركات من الطلاب
الكلاس معه ممتع مرره ولاتحس بالوقت لانك راح تستفيد باشياء ماكنت تعرفها ولاهي موجودة بالكتاب
بعد الميد تيرم قسمنا مجموعات نطلع نشرح كل مجموعه موضوع كانت الدعوى سهلات وكان يساعدنا بالشرح ويشرح معنا

الكويزات :
ماقدر اسميه كويز الصراحة لكنه عطانا ورقه فيها ايه وقال استدلوا منها وارجعوا للكتاب والنت

المياجر:
كومون

الفاينلات :
كومون

القريد النهائي:
A++++

الصوت:
واضح

إضافات :
اغلب الطلاب بالكلاس وورك فل او حوله + عطانا واجبين سهلات + الدكتور حبيب مرررره وهذا اول له ترم بالجامعة بعد ٧ سنين غياب
اذا كنت تبغى تطلع من الكورس بفايدة سجل معه على طول

 

منقول عبر واتس اب
اسم الدكتور : خالد العبري
المادة: ias 111
الفصل الدراسي: 191
بنود التقييم ⬇⬇⬇

التحضير : يحضر بالورقة ويدعي بالاسم
ماشاء الله م يغيب ولا كلاس
طريقة الشرح : يتكلم وهو جالس
الكويزات : الكلاس وورك من ٣٠
يعطي ١٥ درجة على برزنتيشن تقدمه له بأنك تشرح احد دروس المنهج
المياجر: ميد تيرم كومن
الفاينلات : كومن
القريد النهائي: B+
الصوت: شوي ضعيف
إضافات : الاختبار النهائي بذا السمستر كان صعب
وكل الدكاترة أعطوا بونص ٦-١٥ درجات
هذا اعطانا ٣ ‍♂

 

بنود التقييم :

التحضير : متساهل في التاخير ويقبل الميكب
طريقة الشرح : يشوف شوي من الكتاب ويسترسل بعدها في الشرح يتكلم عن مواضيع كثير احيانا يطلع عن المنهج ويضيف ملاحظات مو موجودة بالكتاب
الكويزات : مافيه كويزات بس كلفنا بالشرح على شكل مجموعات بحيث كل مجموعة تشرح شيء معين ويتم تقييمهم من خلال الطلاب
المياجر: ميجر مشترَك
الفاينلات : مشترَك
القريد النهائي: wp
الصوت: كان مسموع ولكن مو عالي كنت انام احيانا
إضافات : الدكتور محترم جدا ومتعاون بشكل كبير

 

ترم 201 اونلاين

التحضير : من البلاك بورد واحياناً ينادي بالاسماء
طريقة الشرح : مايشرح، كل يوم 4 طلاب يشرحون وهو يضيف كم كلمة بس
الكويزات : صعبة، احد الكويزات كان افرجه 3 من 7و بشكل عام الاسئلة مستواها عالي
المياجر: كومن
الفاينلات : كومن
القريد النهائي: B
الصوت: ماتسمع صوته الا بداية المحاضرة اذا نادى الطلاب اللي عندهم الشرح اليوم، لكن صوته كانه توه جالس من النوم
إضافات : الصراحة خله خيارك الاخير، كويزاته اظن انها الاصعب و كلها تركات، قال لنا فيه بونص لكن لين الوقت اللي كتبت فيه التقييم ما شفنا بونص، وحتى البونص ماراح يغطي النقص اللي في كويزاته التعجيزية

 

سمستر ٢٠١ ( اونلاين )
التحضير : احيانا ينادي على الاسماء بالترتيب فنهاية الكلاس بس اغلب الايام من البلاكبورد فقط
طريقة الشرح : اول اسبوعين تقريبا كان يشرح بنفسه من بعدها حيقسمكم مجموعات وكل مجموعة عندها عرضين تقدم و تشرح فيها الدروس المحددة والدكتور احيان يضيف كم نقطة على شرح الطلاب
الكويزات : ٤ كويزات ١ منهم كان صعب اما الباقي من متوسطة لسهلة
القريد النهائي : A

صراحة الدكتور حبيب جدا ويحب يمزح مع طلابه وكنسل كم كلاس ودايما قول الي بيغيب يكلمه يلاقي له حل و درجات العرض الاغلب جابو فل والي نقص نقص درجة درجتين فقط وفيه تلخيص محاضرتين ب ٥ درجات بونص

 

اسم الدكتور : خالد العبري
المادة: IAS 111
الفصل الدراسي: 201 ( اونلاين)

التحضير : بلاك بورد
طريقة الشرح : يشرح أول اسبوعين ومن ثم يوزع المنهج كامل على الطلاب بحيث كل طالب يقدم برزنتيشينين اثنين امام زملائه صوت وصورة
الكويزات : أصعب كويزات في القسم لأن الوقت قليل وهي تعتمد على الفهم وبين السطور وحتى من الهامش!
ميد تيرم: كومن
الفاينلات : كومن
القريد النهائي: B
الصوت: واضح وممتاز
إضافات : لا تفكر تنزل عنده الا اذا انت مجبور كل الموجودين افضل وكويزاتهم اسهل وبعضهم في فرص لإعادة الكويزات
* عطانا بونص خمس درجات على تلخيص محاضرة *

 

201
الدكتور اخلاق ويحب يمزح مع الطلاب ويأخذ ويعطي ومتعاون فالغياب لو كلمته
كويزاته صعبة الصدق لازم تدرس الكتاب من قلب وبعض الاشياء من خارج الكتاب ولكن عموما اخر كويزين مستواهم كان عادي وعطانا بونص ٥ درجات للتلخيص
تشرح مرتين فالترم مع مجموعتك وغالبا لك صفحه وحده تشرحها وما يدقق الاغلب فل
خلي الدكتور خيارك الثاني مو يعني انه ممتاز ولكن اتوقع السعدي افضل

 

بنود التقييم ' عن بعد ':

التحضير : ما يحضر الا قليل مره , وعلى الايام الاخيره بدا ياخذ التحضير بشكل متواصل

طريقة الشرح : يمكن أول اسبوعين كان يشرح بشكل عام ويسولف , ونص الترم كله طلاب يعرضون بالادوار والمجموعات .

الكويزات : صعبه للاسف وتخسف بالمعدل , لكن يعوضنا ببونص بالنهايه

المياجر: سهله جدا , اسهل من كويزات الدكتور

الفاينلات : سهله أيضا

القريد النهائي: A+

الصوت: واضح جدا

إضافات : الدكتور جدا متساهل وممتاز , ووسيع الصدر يعني بالواتس يرد ويتساعد ويتفهم لما قلنا له ترا كويزاتك صعبه وعوضنا ببونص .

 

IAS 111 - 201 Online

التحضير : ما حضر كثير ولو حضر يحضر بنهاية المحاضرة

طريقة الشرح : ما شرح لنا كثير لأنه قسمنا مجموعات عشان نشرح مواضيع من الكتاب، لكن اللي شرحه هو كان جيد وكان يمزح ويغير جو الكلاس ونفسيته دايم حلوة ومتأكد لو كان حضوري بيكون ممتع

الكويزات : أول ثلاثة كانت صعبة ولكن بعدها عطانا كويزات سهلة والأغلب جاب فيها كامل

المياجر: كان اختبار نصفي واحد وسهل جدًا

الفاينل : سهل جدًا

القريد النهائي: الدكتور أعطيه A

الصوت: واضح

إضافات : الدكتور عسل مرة ويحاول يغير جو الكلاس وخفيف دم، لكن بعض التقييم السلبي فوق من الطلاب أجزم أنه كان بسبب الكويزات الصعبة فقط.

بالرغم من أن الدكتور حضر أكثر من مرة وأذكر مرات كان يكون فيه غياب إلا أنه أعطى الكل في السكشن حقي الدرجة الكاملة
+ فعلًا الدكتور عطانا كويزات صعبة بالبداية لكن بعدين سهلها وعطانا كلنا 5 درجات بونص لتلخيص سويناه
+ كان عندنا عروض تقديمية "اثنين بس" والأغلب "الغالبية العظمى" أخذو كامل فيهم + واللي نقص فيهم نقص درجة أو ثنتين بس من 15
+ أغلب الطلاب "في السكشن اللي أنا فيه" أخذوا A و A+

بالنسبة لي أشوف أنك لو عطيت المادة حقها بتجيب الA+ عنده إن شاء الله وما راح تعاني

والدكتور ممتاز ومتعاون معنا ويعتبر خيار ثاني بعد السعدي لأن السعدي على حسب اللي سمعته انك تنزل عنده ويريحك وولا كأنك منزل المادة