الصراحه الدكتور اول اسبوعين كان ممتاز بعدها تغير 180 درجه صار يخصم على اتفه لاشياء يعطيك كويزات فيها اغلاط او يكون فيها اجابتين صحيحتين بس حتى يعطيك غلط عليه و عنيد مرررره ويطلب عرض ويقاطعك بلعرض وينقصك عشان تاخرتوا دقيقتين مدري مين زعله الصراحه اذا بتختاره انت وحضك

 

الشرح : سوالف الماده مافيها شرح اصلا
التحضير : جدااااا شديييد , الدكتور احسه يحب يغيب الطلاب ومهتم في التحضير اكثر من شرح المادة .
الكويزات : مهزله ، ٥ كويزات كل واحد ٧ درجات والاسئله تعجيزيه بمعنى الكلمه او تكون غلط اصلا !
فوقها ١٥ درجه على عرض بوربوينت مع كام وتلخيص محاضره مالها علاقه بالماده اذا ماسويته يخصم ٥ درجات ، بنفس الوقت التلخيص بونص عند الدكاتره الاخرين
التعامل : سيء سيء سيء ، يعامل الطلاب بقلة ذوق واحترام ويحب يهين الطلاب بدون سبب حتى !
فيه طلاب كان عندهم تعارض ميجر مع كويزه (اللي يحطه بالمغرب مو بوقت الكلاس) ارسل ايميل يقول الطلاب مولولين ومجلجلين عشان كذا باجل الكويز يوم
وفيه كويز الدكتور حدد موعده ٨ المساء فجأه الساعه ٥ وربع ارسل لنا انه بيكون ٦ ، والطلاب اللي غابو حط اللوم عليهم انهم المفروض يكونون جاهزين بكل وقت ! (ما ادري صراحه عاده لهم ولا لا )
طبعا الدكتور ماعنده بونص ولا درجه ، واذا طلبناه يقول بعطيكم بونص بالسالب !

القريد النهائي F++ بجداره
لاتنزل عنده تحت اي ظرف ، غير الماده

 

صدقت اخي مولولين مجلجلين ، اتفق معك جمله ومضمونا

 

اتفق بعض الشيء مع الاخ الي قبلي.. الدكتور هذا اسلوبه ترا. ويحاول يضحك الطلاب بس محد يضحك للاسف بإختصار يعني مايقصد انه يكون اسلوبه متهجم ووقح في بعض الاحيان. بخصوص العرض الاخير الدكتور كان متساهل الصراحه

 

ترم 201 الاونلاين مادة ias 111

التحضير : شديد في التحضير ويحضر بالاسماء في البلاكبورد ويحضر في البدايه او النهايه او في نص وينقصك على كل غياب درجه
طريقة الشرح : يشرح من السلايدات وللامانه شرحه ممتاز وطريقة الشرح ممتعه ومفيده
الكويزات : اول كويز كان تعجيزي وكان ماخوذ من دكتور ثاني والوقت المحدد له ساعه واوبن بوك لكن السلمي عطانا اياه في 10 دقايق وبدون كتاب وبشكل عام الكويزات متوسطه الى صعبه لكن مع الوقت بدت كويزاته تسهل شوي
المياجر: -
الفاينلات : -
القريد النهائي: D
الصوت: واضح
إضافات : الدكتور مايعطي بونص ويعاملك كانه وده ينقصك والغيابات مايتهاون فيها وعلى كل غياب درجه تطير من ال 100 واسلوبه في التعامل يرفع الضغط
نصيحه اذا تبي قريد لاتنزل عنده ابدا

 

بكل اختصار اشرد
م ادري كيف يمدحونه

تحسه يبي ينقص على اي شي
الماده اسلامي بس هو يحسبها فيزياء وحنا طلاب كتوسط عنده
كريه ويذل و مافي بونص و ينقص على الغياب

الزبد ؟ اشرد عنه وشكرا

 

الدكتور سيئ جداً ومهما بذلت قصارى جهدك لن تنال م تستحق ووصلت فيه الدناءه انه يخصم عليك عليك بدون سبب يذكر معقوله كل المجموعات م اخذو فل ! واذا كلمته يرد عليك ب اسوء اسلوب واذا حشرتله يقول الله يعين ... عموماً اللي يبي قريد لايجي عنده وكان

 

مادة إسلامي111 ترم 201 (عن بعد)
التحضير : ينادينا بالأسماء بداية الحصة
طريقة الشرح : جيدة، يذكر المفاهيم ويشرح تفاصيلها وأحيانا يعطينا معلومات قد لا تكون مطلوبة علينا ولكنها مفيدة
الكويزات : كانت نيته أنه يعطينا 7 كويزات ويكون عليها 35 درجة ولكن قرر بعدين أنها تصير 4 وعليها 30 درجة، والكويزات متوسطة إلى سهلة ولكن لا تتوقع أنك بتقدر تجيب فيها درجات كاملة بدون ما تذاكر (إلا إذا كنت حالة استثنائية لكن أنا أتكلم عن العموم).
المياجر: تجينا من القسم
الفاينلات : أيضا من القسم
القريد النهائي: أعطيه B+
الصوت: ممتاز (عن بعد)
إضافات : الدكتور عنده عادة قد تكون مضايقة لبعض الطلاب ولكن بنبه عليها عشان مفروض ما تلقي لها بالا، وهي أنه أحيانا لما يعطينا الدرجات يتعمد تخويف الطلاب شوي ولكن يعطيهم درجات عالية في الأخير.

 

ترم 211 ias 111
التحضير: حريص على التحضير من اول محاضره فالنظام عنده ان كل غياب بدرجه


طريقه الشرح : عنده سلايدات بس مو دايما يستخدمها يشرح من الكتاب ويكتب شجره توضح اهم المحاور في الدرس ويعطي امثله ممتازه و يضيف اضافه من عنده للفائده و ممكن تدخل في الكويزات

الكويزات: سهله الى متوسطه الكوزات مثل ما قلت سابقا راح تكون غالبا على اضافات يقولها في في المحاضره والكتاب

المياجر:-
الفاينلات:-
القريد النهائي:A+
الصوت: واضح



الدكتور موسى السلمي من اكثر دكاتره الاسلامي المظلومين في الجامعه واللي عليه كلام غير صحيح انه ينقص الطلاب وكذا اللي شفته في الواقع شي ثاني الدكتور حبيب وطيب وما قصر معنا في شي ابدا بل كان فيه برزنتيشن مجموعات عليه ١٥ درجه الكل اخذ فل عنده بس ممكن عشان الطلاب ما يعجبهم نظامه في التحضير قالو انه شديد ويحب ينقص الطلاب وغيره من ذا الكلام.

وبسالفه البونص الدكتور ذكر انه ما يحب نظام البونص لانه يقول ان ذا الشي يخرب نظام تقيم الدكاتره بحيث انه يكون شي اساسي بدال ما يكون شي ثانوي ولكن مع ذلك الدكتور ما بخل على طلابه فا شاف الدكاتره الثانين يعطون اعطانا ٣ بونصمن باب العدل وكان عباره عن كويز سهل من ثلاث درجات فا اللي ابي اوصله اشتغل مع الدكتور في النهايه ما راح يقصر معك.

 

201 (عن بعد) IAS 111
التحضير : يحضر بانه ينادي بالاسامي في بداية المحاضرة بعدها كيذا يقوم يفاجاء الطلاب بنص المحاضرة بانه ينادي اساميهم عشان يجاوبون سؤال حتى ولو ما يعرفون الاجابة

طريقة الشرح : يسولف لا سلايدات ولا شيء واخر كم من درس صار مجموعات الطلاب تشرح وتفتح كاميرا

الكويزات : كوزين اول كوز كان تعجيزي كان سأل اسألة غريبة مثل "ماذا قال ابن تيمية صفحة 52" ما هذا السؤال انت تبي الطالب يفتح الكتاب ويجاوبك ولا كيف يعني؟

المياجر: كومن ميد كان عليها اغلب الدرجة

الفاينلات : كومن

القريد النهائي: +F (غير الكلام اللي كتبته في زيادة ذكرتها بالاضافات)

الصوت: كان اكثر مدرس صوته يجيب لي النوم يتكم كلمه ويسكت شوي

إضافات :الدكتور ابد مب متعاون مع الطلاب ابدا فيه واحد من الطلاب الميد طلعه من الاختبار راح كلم الدكتور قاله الدكتور طيب جا نهاية السنة الطالب ذكر الدكتور انه ما اختبر ولحد الان ما عوضه الدكتور رد عليه الدكتور بكل برود قال " مشكلتك انه قفل عليك الاختبار انا منب مسؤال عنك وقد تكون كذبت وما حضرت الاختبار من الاساس فما دليلك" فتحت انا الميكرفون وقلت " ي دكتور انا كان معي بنفس المكالمة ( مكالمة فيها 35 طالب يختبروا وهذا الطالب اشتكى للمراقب بان الاختبار طرده وقاله المراقب ببلغ دكتورك) وانا ي دكتور شاهد انه علق عليه وكلم المراقب (وذكرت له اسم المراقب)" وقال الدكتور "طيب بختبرك اسالك اسالة وتحسب درجة الميد لكن بنقصك 5 درجات لانك ما اختبرت معهم" فا اتمنى ان هذا يثبت قد ايش الدكتور ظالم وما يهتم بمصلحة الطالب ابد وحتى سألت الطالب اذا خصم عليه واجد قال "خسفني للاسف" فا اذا امكن لا تنزل عنده لكن اذا انحديت حاول ما تغيب