أستاذ مشارك http://faculty.kfupm.edu.sa/CHEM/maung/ بنود التقييم : التحضير : طريقة الشرح : الكويزات : المياجر: الفاينلات : القريد النهائي: الصوت: إضافات :
أعطيك إياها من الآآآآآآآآآخر .. فر منه فرارك من المجذووووم .. أنا أعتقد إنه من أسوء اللي درسوووني في التعامل .. إن لم يكن الأسوء حتى لو رحت له المكتب .. أخلاقه تعباااانه حيل و شااايف نفسه .. ما أدري على إيش .. أما بالنسبة للشرح .. انا ما احس انه مميز .. بالعكس يعصب كثير اذا حس انك ما فهمت حاجة شرحها .. و يهاوش كأنه قدام مبزرة .. في شباب مستانسين على شرحة للأمانة ... اما انا لااااا لغته واااضحة إلى حد كبير .. بلهجة بريطانية (إنجليزية) كويزاته .. متوسطة إلى صعبة .. هذا و الله أعلم
^^^ و الله انا ما أحب أنشر الغسيل .. و الا و الله كان عليه حركات .. تخليك تشك إنه دكتوووور .. يا رجال هذا مغروور بشكل غريب .. و يتكبر على أسئلة الطلاب الضعووف و الغلابا .. و الله سوا لي حركة ما لها داااعي .. لكن الله حسيبي عليه .. قسما ً بالله العلي العظيم .. إنه أعطاني صفر من 10 في أحد الكويزات .. و علما بأن درجتي مكتووبة على الورقة 10/10 .. لاني خالفته في أحد الاسئلة في كويز سابق .. مع إني ناقشته في الاوفيس أور .. يعني مش قدااام الطلاب ...!! كان هذا الكلام .. في 071 .. الله لا يعووده دمااار هج هج هج .. لا تنزل عنده ابد .. و الله اني ناصح يا شباب .. لا شرح .. لا تعامل .. وش بقى .!؟
لا أخلاق و لا شرح نكت ترفع الضغط سامج لأبعد حدووووووووووود شايف نفسه كأنه أول إنسان ماخذ دكتوراه في الكيمياء و إذا في مسألة متردد فيها يحلها بسرعة عشان ما ينحرج كوزاته ما تستفيد منها في المياجر بس سهلة . أعطيه في النهاية : d و إذا نزلت عنده لازم تشتغل عشان تحصل قريد لأنك ما راح تستفيد من شرحه أنا بصراحة عن نفسي أحس في حصته أن في دوامة من كثر ما يدخل النقاط في بعض . " فاششششششششششششششششششششل "
حرام عليكم يا شباب (عبدالله مع أحترامي لك شكلك من الناس اللي يجي ينام ولا يلعب بالجوال ) والله أنا نزلت 101 في سمستر 083 مع واحد الله لا يعيده هندي مريض نفسيا طبعا مو (مونق) طبعا عدت الماده ونزلت في هذا السمستر 091 مع مونق الصراحة لو أني داري عنه أنه بذي الدرجة من الشرح نزلت عنده من الصيف الصراحة شرح ما وراه شرح ما يحتاج ريستسشن أكثر ممتاز أما الاب ماني عنده الصراحة لكن للأمانه الطلاب ما يمدحونه في الاب هذا المدرس الله يجزاه الجنة يهتم بمدى فهم الطالب وصحيح أنه يتكلم خارج الموضوع كثير لكنها تدعم الموضوع ويجيب أمثلة غريبة تخليك غصب تفهم كونسبت زين الله يجزاه خير كويزاته من متوسط إلى صعب ( وليست صعب جدا) يعطي هووم ورك ولا عليه شيء بس يبي يفهمك وش نقطة ضعفك تقدير المدرس من وجهة نظري a+ نزل عنده وخلك فريب منه وراح تفهم زي السلام عليكم
اتفق معاك اخلاق وحبيب تجيه في الاوفس اور يرحب فيك ويشرحلك بانسبه لشرحه يشرحلك الكونسبت ويخلي الماث عليك التحضير ورقه تمر على الشباب(الي يبي يحضر خويه والله ماهو داري عنك) التاخير ما عنده اي مشكله دايم انا اجي بعد عشر دقائق واجلس قدام وماعمره قالي شي كوزاته من المتوسطة الى الصعبه انا اعطيه b
أنا نزلت معاه 101 في 091 كان مدرس يفوق التصور من ناحية الشرح لكن كوزاته متوسطة تميل إلى الصعوبة والحمدلله أخذت a+ ونزلت معاه 102 في 092 لكن كنت مهمل شوي وأخذت b المدرس صراحة ممتاااااااز القريد النهائي a+
تعامله مو قد كذا بس والله شرحه ممتاز ويعيشك جو ودايم أمثلته من سابك وارمكو وشركات كوزاته سهله التحضير سهالات هذا الكلام كمستري 102 سمستر 103
Chem 311 121 Lab بقي لنا 4 لابات ونخلص إن شاء الله حتى الآن الرجل أشوفه Not bad at all يشرح لك إيش المطلوب تسويه في اللاب ( يفضل تكتب وراه في ورقة خارحية ) ثم تسوي الإكسبيرمنت ثم تكتب الريبورت و تسلمها له فوراً تصحيحه جيد ، مو شديد و كثيرين اللي جابوا 9.5 من 10 >> هذا من اللي شفته حتى الآن ، ممكن ينقلب علينا في الأخير !!! مشكلته أخلاقه جافة إلى حد ما ، يعني لما يخلص من شرح طريقة اللاب ثم يقول : any questions ?? يجي طالب يسأله في حاجة ، يقوم الدكتور يضحك و يقول : C'mon man , this is silly question طيب .... إذا إنه سيلي كوسشن ، ليش تسوي لي فيها سياسة الباب المفتوح ؟؟ طبعاً هذا إذا ما هزأ الطالب أصلاً ، عشان كذا أنا قلت ( يفضل تكتب وراه في ورقة خارحية ) عشان ما تضطر تسأله و ممكن تأكل تهزئة ما لها داعي ... بنعود بالتفاصيل إن شاء الله نهاية السمستر أو بعدما ينزل لنا قريدات اللاب .. الله يستر و بالتوفيق
شباب الله يجزاكم خير ماعطيتونا علم واكي...الرجال ممتاز ننزل عنده ولا نفر منه....؟؟؟انا بنزل عنده chem101 الترم الجاي تكفون هاتو العلم
الدكتور سيء من ناحية الاخلاق زي ماقالوا الاخوان ,,,, بالنسبة للشرح عادي ,, يشدد في الحضور والغياب ويشدد في الكويزات الدكتور منظم .. للاسف العيب الكبير هو أخلاقه للأسف تجارية جدا ً جدا جدا ً المادة chem 311