لله كم هم برآء .. لأيام الطفولة ذكرياتها .. ولأيام الأوريا حلاوتها .. الأوريا هي مرحلة الطفولة الجامعية .. يكون طالب الأوريا فيها كالذي لم يبلغ الحلم .. فالقلم مرفوع عنه .. إلا أنه يعاقب على تقصيره بما يردعه .. لا يختلف الأوريا بلص << يعني معه بروموشن .. عن الأوريا ستاندرد .. كلهم فيه حقه من الأورنه .. فلكل منهم ذكرياته ومواقفه التي ربما استمتع بسردها على سبيل الاستظراف .. أو على سبيل تشجيع الأوريات الصغار .. بالنسبة لي .. فأنا ما كنت أوريا .. أنا طلعت من الثنوي وصرت دكتور على طول .. ما أعرف الأوريا هذي .. لكني أسمعهم يسولفون بها .. << الله من الصدق .. الحقيقة .. أيام الأوريا كان لها حلاوتها .. مررت فيها بمراحل كثيرة .. إلا أن السمة البارزة فيها كانت مشاعر التحدي .. والتحدي وبقوة .. لدرجة أن أحد مدرسي الانجليزي وهو فيليب قيلرد .. أشاد بثقتي واعتدادي بنفسي بعد أن ركلني بالبوز إلى عميد الخدمات التعليمية يشتكي فيه تلفظي بكلمات عربية بريئة << برضه ، الله من الصدق .. وكنت في مقابلتي مع العميد باردا جدا لدرجة جعلته يغلي كغلاية الشاي المجاورة لمكتب سعادته .. الحقيقة لم أكن بتلك الدرجة من السوء .. لكني كنت على يقين من أنه لن يستطيع أن يضرني بشيء بسبب تلك الشكوى .. لذلك لم أهتم كثيرا لما يقوله .. بقي أن أقول أن مستر فيليب قيلرد يتذكر ابو عزيز حتى الآن .. ويتذكر تلك الطردة الميمونة التي تشرفت فيها بمقابلة سعادة العميد على انفراد .. << يا حظك .. ولا أزال أتذكر ذلك القيلرد بكل خير .. لأنه يستحق أن يذكر بالخير .. وأسأل الله له الهداية .. هذا موقف لا أنساه حقيقة .. وهو ليس بالموقف المشرف .. ولا يفخر به .. لكنه مما يحضرني الآن .. أحد المواقف ذكره لي أحد الإخوة .. يقول أن والدة أحد الطلاب اتصلت على تلفون السكن تسأل عن ولدها .. فقال فلان راح للجبل وأنا روميتوه << اقروها بالقصيمي .. قالت العجوز وراك ترميه الله يفعل بك .. << إلخ دعائها .. أيضا أحد الأوريات راح يبي يداوم كلاس البي اي .. ولا يدري وين يدخل معه ولا وين يجي معه .. لقى له واحدن في الجبل سأله وين البي اي .. قال البي اي ؟؟! أنت أوريا ؟؟! .. والمفروض انه يسأل عن الجيمينيزيوم .. لأن البي اي اسم كورس الرياضة .. فيه مواقف عدة طريفة .. ومواقف مضاربات كعادتي في أول سنين دراستي الجامعية .. << انتبهوا تراه متوحش .. وكذلك مواقف اتعجب منها كثيرا .. الموضوع معني بشكل خاص بالمواقف في الأوريا .. لكن إن حصل مواقف في الفترة التي بعد الأوريا .. فحيّ هلا بها .. خاص للأوريات .. استعمل بامبرز لنوم هادئ .. ******* هذا الموضوع برعاية مؤسسة بيت الشعر للمأكولات الشعبية لصاحبها ابو عزيز للترقيم: جوال: **05500110 << ماسحها من بدري يا مشرف .. ملاحظة: الجوال أعلاه للأصوات الناعمة التي عندها خدمة الجيل الثالث وتستعملها .. فقط لا غير .. الأصوات غير الناعمة تاخذ موعد على الخاص .. زورونا تجدوا ما يسركم .. رضا العميلة هدفنا وغايتنا .. ان الله يستور عليكم ..
بسم الله الله يقطع ابليسك يا بو عزيز!!!!!!!!!!! بامبرز عاد ما شاء الله محتفظ فيه إلى الحين بس نسيت السيرلاك وما شاء الله هاذي صورتك يوم إنت صغير باين من وجهك الشطانة تسلم عالموضوع الظريف وكل شي توقعته إلا الأصوات الناعمة ما تجي منك يالحبيب ( رب كلمة قالت لصاحبها دعني ) ويا شباب الأوريا لا تاخذون على بو عزيز تراه يحب يستظرف يا ليت الدوام ما يخلص علشان كل يوم نلقى مثل الحبايب يكتبون
هههههههااااااااايلي أبو عزيز الله يرج أبليسك باقي الرضاعة <<< نسينا ما كلينا يالحبيب ما زال للإبداع بقية !!! بانتظارك يالغالي الرزين
عويشق .. الوعد في المسنجر .. خلنا نطلع علوم البساسة اللي عندك يا ابا البساسة .. الحبيب فريشمان .. يخوي طلتك تسعدني .. مهوب زي بعض الناس اللي ردوا قبلك .. وبالنسبة للاصوات الناعمة .. فأحب أنبه على إنه مهوب رقمي ولاهوب حوله .. وهي مزحة .. وما أظن إلا الحق معك .. {ذلك ومن يعظم شعائر الله فإنها من تقوى القلوب} .. فلابد للمسلم أن يعظم حمى الله .. {ألا وإن لكل ملك حمى ألا وإن حمى الله محارمه} .. جزاك الله خيرا أخوي فريشمان وجعلك مطوعا ذخرا لعيال المنتدى قاطبة .. << كيف غطيت على النصابين حقين الاخبار .. ؟! .. الرزين .. ربما كان أحسن رد هو {كذلك كنتم من قبل فمن الله عليكم} .. والحق إني ما نسيت الرضاعة .. قد حشيت بها الأوريات قديما .. يوم كنت رئيس أحد البيوت .. لكن يا نصفهم حقد علي حيل .. بزعمهم كيف تمزح معنا وأنت ما تعرفنا .. والله يا بعضهم ودك تقول له تكفى يالاطخم ..
قسام 6 .. ماشاء الله عليك مجاهد .. ثلاث مرات على الحزام .. ؟! .. لا ومشي بعد .. ؟! .. يا أخي والله لو ان الجامعة دهاليز .. بس يلله يجي من الأوريا أكثر .. .. الإرهابي .. بارك الله فيك أستاذي بارك الله فيك .. وش علومك طال عمرك .. ؟! .. هقوتي هذي أول مرة ترد علي في موضوع من مواضيعي .. !! .. يلله منورين محلنا الله يسلمكم .. وبالنسبة لأحباب الله كما يقال فـ نصحنا لهم عشان يرتاحون بالليل .. يعني نغلط إذا نصحنا .. ؟! ..
السلام عليكم ورحمة الله وبركاته افا عليك يابو عزيز قاعد تحش بظهري يوم انشغلت هاليومين عنكم لكن زين انا وياك والزمن طويل لابعد الارهابي يشتم زين يالارهابي بس خلني اعدي هالترم بخير بعدين راح تعرف اطفال الجامعه
هههههههههههههههههههه بو عزيز يهدي بامبرز للأوريا والعاشق يتهمه بالبساسه اما الأخ فريش فلم ينسى السيريلاك كما أن الأرهابي تهجم على الأوريات بأسلوب لبق .. ثم يزعل الأوريا الماهر من الأوضاع الراهنة والتي تتجه بشكل عكسي تجاه الأوريات الجدد .. كان هذا موجز الأنباء لهذه الساعة .. نلتقي بكم مجددا ..
يالله حي ابو عزيز والله المواقف كثير لكن اذكر في الاسبوع التعريفي كنت راجع للغرفة ومريت في لاين 788 والله أعلم علشان الظل والوقت كان ظهر والا انا كنت ساكن جنب الجمعية، المهم كان واحد من العتاولة يكلم تليفون ومن يوم مريت جنبه عطاني السماعة وقال واحد يبيك ! وبما أني أوريا لم أبلغ الحلم وقتها مديت يدي فنظر لي وهو يبتسم ويقول : صدق انك أوريا ههههههههههههههه وانا دورني ما تلقاني لدرجة إني بغيت أصيح خخخخخخخخخخخخ المهم ما عاد طبيت اللاين هذا بعدها حتى الآن وحتى الآن أعتبرها من أفضل سنوات الجامعة وهي اللي تحدد 80% من مسيرتك وخذها مني من الآن أصدقاء الأوريا هم أصدقائك بقية عمرك وهذا في الغالب وكلام كثير من الخريجين، فصاحب خيار الناس ديناً وخلقاً مع السلامة
أبو عزيز يعني أنت تتهرب من المواجهة العلنية ومسوي قوي .... !! ولا بساستك ما تطلع إلا في الماسنجر !!! وهذي اربع ابتسامات ...ولا يهمك
الله يحيي كل واحدن باسمه .. والله اني اكتب لكم ها الرسالة وانا مستعجل .. لكن فيه رد فوق ردي مدري وش يبي راعيه من الدنيا .. ما اقول غير يا صبر الارض .. وش صبر الارض .. ؟! .. الا يا صبر اهله اللي مقابلينه 24 ساعة عليه .. الله يعظم اجرهم فيه .. والله ان مروركم عزيز .. لكني مثل ماقلت مستعجل .. وعندي 39 نافذة متصفح مفتوحة ..
والله الماهر من دخل الاوريا وما يبين هذا دوام الاوريا وما يسوي ههههههههههه وزعلان ليش نقول اطفال الجامعة مساكين خلاص لا حد يزعل احباب الله وشباب الوصية المعتادة اللي يشوف اوريا يبوسه ويحطه عند اقرب جدار ........ يقول لك مرة اوريا عنده كلاس pe - swiming ما صادوه الا بالشورت وفي النافورة اللي وراء المسجد ......
ياجماعة بسكم على الاوريا والله ياهم متوهقين بانفسهم.. انا سمعت سالفة ان باص روضه مدري ابتدائي قد مر على مبنى الاوريا وطلع بزر صغير يصرخ عليهم يا اوريا خخخخخخخخخخخخخخ والله انهم مساكين خخخخخخخخخخخخ تحياتي..
الخسران يقطع المصران أقول أبو عزيز والأرهابي ..... شكلهم يحنون للأيام الأوريا .... ودهم يرجعون .... ((( قل موتو بغيضكم )))@3@ والأيام دول من سرّه زمن ساءته أزمان موضوع جميل وممتع ..... تحياتي لأخوي الغالي أبو عزيز@46@