راتب ب 6000 ريال؟

خريجي الهندسه واجد

رواتب المهندسين 70% مع قرار الحد الادنى لراتب 7000 واقل استغلال من اتش ار الشركات

لنا في بعض الشركات مهندسين اكمل ثلاث سنوات بدون زيادة سنويه

تفضل بعض الشركات توظيف المهندسات كبرستيسج

حتي بعض شركات المنطقة المساندة بالجبيل رواتب مهندسين من 7000 الى 9000

بعضهم بخبرة ثلاث سنوات مهندسين في شركات الانتاج مازاد راتبه عن 9000

كرواتب للمهندسين افضلهم الرياض وبعدها الشرقية ..جدة سيئة في الرواتب

اذا مالك اهل في جده 6000 الاف تتعب..الا اذا تسكن في احياء الفقيرة الشعبيه او العزب على اطرف جده!

 

وعليكم السلام و الرحمة,

مقارنه لنفسك بموظفين ماكدولندز, حلوه و لكن لو نتعمق شوي بنحصل انه فرص النجاح و الرواتب العالية متاحة للعدد كبير من الناس. موظف ماك او خريج ثنوي قد يبدا راتبه قليل ولكن باتقانه للعمل و شوية حظ قد يترقى لمدير فرع, ممكن مدير منطقة, ممكن ينتقل لشركة اقوى, ممكن يوصل راتبه 10 15 20 الف واكثر. بعضنا اكيد مر عليه شخص اشتغل بشهادة ثنوي و بعد كم ترقيه صار بمنصب ممتاز وراتب عالي. قالها غازي القصيبي" (وكنت، ولا أزال، أرى أن هذا العالم يتسع لكل الناجحين بالغا مابلغ عددهم).

متى يكون راتبك عالي ؟؟ اذا انت عُمله نادره في سوق العمل. انت لازم تحدد قيمتك في سوق العمل, انت خريج فرش و بهندسة و بتخصص يحتاجه السوق, هنا انا اقولك حاول تبحث عن فرصه فوق الـ 8 الاف او 9 الاف او 12 الف او اكثر, لانك حديث تخرج و بعمر ممتاز ومرغوب لدى كثير من الشركات, لانها تقدر تتدربك و انت بنشاط شبابك و تاهلك و بعد كذا تكون موظف مؤهل للوظيفة الهندسية او الادارية.

لكن اذا مرت سنه او سنتين على تخرجك, هنا انا اقول اقبل بوظيفه تكسب فيها خبره و ترفع من قيمتك في السوق بس اهم شي يكون منصب له مستقبل وهذا فيه شوية حظ في كيف تختار الوظيفة. البعض يشغل سنين في شركه براتب 8 الاف مثلا و هو عُمله نادره في السوق ولا هو داري و ساكت وراضي, يوم يطفش من راتبه و يقدم استقاله, تقوم الشركة تعلي راتبه الى 9, ممكن 10 ممكن 14 حسب الى يستاهله. فأنا اقول حاول تعرف قيمتك في السوق, قدم على جميع الشركات طور من نفسك اشتغل و لو جاتك فرص براتب افضل فهذا يدل انك تستاهلها.

 

شوف ي غالي لاتحكم على الشهادة نعم الشهادة كما يقال سلاح لكن هناك اشياء اهم .

نعم ماكدونالدز ممكن أفضل وغير عنده مميزات مثل الوجبات مجانا والسكن وغير ذلك كلها ذي فوق الراتب ..

أعرف خريج ثانوي ITC ارامكو ماسك منصب عالي وترقى لمسؤول القسم وهو ماعنده الا ثانوي
وخريج تدرج في سابك للثانوي والان ماسك مدير التشغيل والصيانة وعنده خبرة في الفيلد وراتبه فوق 20 ألف واعلى من المهندس بمراحل .. فلا تستنقص ابدا من حقين الثانوي

فإنت إبدأ أول حياتك براتب مشي حالك ومع الوقت بإذن الله بتلاقي الأفضل إنت ترى لسع أول حياتك صح خريج جامعة قوية وكرف وكلنا مثلك لكن ماعندك خبرة تعطيك ذاك المنصب والراتب العالي

وليه تتوظف ماك أعتقد ان الشركات بالشرقية أكثر من جدة قدم عليهم ويارب يكون لك نصيب . وحصولك على عرض بالقرب من منزلك نعم أفضل لأنك بتوفر الكثير .

واحد دوامه 400 كيلو يوميا رايح جاي ومبسوط فشوف انت الافضل وهل يناسبك الأمر او لا

فالك التوفيق ان شاء الله وأنصحك بقبول العرض .

 

بالواسطة والمعرفة تعيش شبة أمير بشهادة المتوسط ... نايس مجتمع

 

حتى 7 الاف ما تكفي لفتح بيت