انا ياشباب انسان مااصبر عن المسلسلات ولكن الحين صار عندي قحط واضطريت اني اتابع فريندز كل ال١٠ اجزاء ،، افزعوا لي برامج تابعتها اكثر من مره "الترتيب من الافضل للاقل" : Prison Break HIMYM Arrow The big bang theory White collar Friends Suits Baby Daddy برامج تابعتها مره وحده : The B**** in apartment 23 90210 Lost Alias Family guy Revenge Mad men Hart of Dixie برامج تابعت بعضها "اكثر من جزء او تقريبا جزء" وماكملت بالغالب لانها ماعجبتني: 30 Rock Walking dead Breaking bad 24 Community Psych Dexter Glee My name is earl Raising Hope برامج تابعت حلقات معدوده وماكملت: Gifted man Two and a half man Arrested Development The following Scandal Chuck Episodes Modern Family New girl Person og interest برامج سمعت عنها بس ماتابعتها "بالغالب لانها جديده": Almost human Enlisted Downton Abbey Orange is the new black Rules of Engagment House of Cards Weeds Seinfeld<<مشكلته قديم مرره Twisted وهذي هي قائمتي أو على الاقل اللي اتذكره حاليا ، ياليت احد يعطيني برامج حلوه وقويه وجامده وترا انا ذوقي مخيس وغريب في الاختيار تقون قريبه من اللي في اول قائمه -المطلوب رشحوا لي برامج "مسلسلات" اتابعها مااقدر اعيش كذا ،، مع العلم انه ممكن تختار برامج من المجموعتين الاخيرتين فقط وتشوف انه يستاهل اني ارجع واتابعه... اخر شي.. برامج اشهد لها بالقوه لكنها ابدا مو النوع حقي ولايمكن اتابعها: وبالغالب اي مسلسل فيه دم وخياس مايعجبني Game of Thrones Breaking Bad Walking Dead Grey's Anatomy Royal Pains أحتاج دماء جديييده
مع كامل إحترامي لك يا قلبي ، لكنّك هظمت حقّ بريكينق باد بإنك ما تابعت إلا موسم أو موسمين - وبعذرك لو ما أعجبك - . أنا أنصحك وأعنّف عليك بالنصح إنك تعطي المسلسل فرصة وتتابعه إلى الموسم الرابع ، إن ما جاز لك أنا بعمارة 825 -104 تعال وصفّقن لين تبرد حرتك . لكن على حسب قائمتك الأولى يبدو إن ( The Mentalist ) و ( Person of Interest ) و ( Homeland ) يبي يجوزن لك .
^^^ يارجل ، ذاك اليوم اتابع مع الشباب توزيع جوائز الـGolden Globes ورشحوا بريكنق باد لافضل مسلسل "درامي" مع اربع مسلسلات ثانيه ولما فاز بريكنق باد زعلت وقلت انه overrated ومايستاهل قسم بالله بغيت انجلد وقامت حرب نقاشيه لو ماتراجعت وراوغت لدرجة انهم حلفوني اني اتابعه كلّه وبعدها احكم ،، وان شاء الله ناوي اتابعه. واما بخصوص person of interest تابعت منه تقريبا ست او سبع حلقات مشكلته ومشكلت كثير من المسلسلات من نفس الـmodel ومن نفس النوع منها white collar و psych ،، يجيك بنص الموسم تحس فيه برود بالمسلسل نفس الاحداث ولكن بمشاهد ثانيه "قضية و bad guy وينمسك بالاخير" ، وبالغالب بنهاية كل حلقه "اخر كم ثانيه" يرجعون للقصه الطويله اللي تكون دراميه بالغالب ... ... ميزة white collar ان الممثلين "بقدراتهم الخاصه" قدروا يمسكون المشاهد وحتى المنتجين حاولوا يغيروا من نمط المسلسل وصار احداث اكثر وغيروا من فكرة المسلسل الاصليه .. انا اللي يعجبني المسلسلات اللي تكون احداثها كثيره وسريعه ومتداخله ببعض ، يعني زي preson break مثلا كل ماقلت خلاص انحلت وبيمشي الوضع تصير مشكله وقبل لاتنحل هالمشكله تصير مشكله ثانيه اكبر وحوسه،،، عندك بعد Arrow دخل مرحلة برود بسيطه جدا الموسم الاول بس المنتجين قلبوا الطاوله في الموسم الثانيه وقال المنتج حنا الهدف حقنا ننتج فلم The dark night في كل حلقة واشوف انهم قربوا جدا للهدف!! عندك revenge مسلسل حلو وقصه رهيبه وانتاج احلا ، بس مشكلته ركيك يعطيك القصه حبه حبه ، واذا بتعرف هالنوع من المسلسلات اذا وصلت لثلث الموسم انقز كم حلقه ، ماراح تحس بشي غريب وراح تحس انك فاهم القصه واما بخصوص البرامج الكوميديه وهي لازم تكون بسيطه جدا جدا والممثلين او الممثل الرئيسي يلعب نسبه كبيره جدا جدا بنجاح المسلسل ، واهم شي تكون عنده ميزة الفهاوه عندك مثل neil patrick harris و jim parsons هذولا مدرسه في الكوميديا. واذا جيت للانتاج فيه مسلسلات كوميديه تعجبني مع ان السيناريو ضعيف والمشاهد ركيكه بس احترمها لشي واحد وهو انك ماتقدر تتوقع ايش يصير مع وجود بساطه وقرب للمجتمع! ينجح بهذا الموضوع مسلسل babby daddy و The B in apartment 23 ... كني فلّيتها المهم خلاص بتابع بريكينق باد بالصيف بس بشرط ان ليو ديكابريو مايفوز بالاوسكر
أحمّل بعضها وبعضها اشوفها مباشر بدون تحميل وكلها بشكل غير شرعي سينفيلد حلو وشكلي بتابعه بس مشكلته قديم مره مره وهذا يتعبني انا مااتابع اي شي انتهى 2006 ، الا استثناء واحد وهو friends وطبعا اشوف friends هو القاعده الاساسيه لمسلسلات الكوميديا برغم انه خرب شوي باخز شي!! خيارات أكثر؟
تقييمك للمسلسلات لايُنصح به :d breaking bad ما عجبك !! the walking dead dexter حاط ثلاثه مسلسلات من الـ top watched ، معلييش. عموماً حالياً أنصحك بـ Revolution و Nikita و The Following
قفل موضوعك يا شيخ ليش حاط بريكنق باد تصنيف سيء أرجع تابعه من جديد .. تراه شيء خورافي نصيحه مني لك قبل كل شيء خلص أجزاء بريكنق باد
breaking bad mad men prison break homeland حاليا اتابع house of cards اعتبره استثنائي و Kevin Spacey ما توقعته ينجح المسلسلات مثل نجاحه بالافلام لكنه ابدع
ياعيال والله اني رجعت اتابع بريكنق باد بس يجيني النوم انا الحين بالجزء الثاني وقريب بخلصه بحاول اخلص كلّه واشوف بس ياويلكم اذا طلع مخيس
كوميدي انصحك بـ everybody loves Raymond تلقاه على اليوتيوب ..مررررررررررره حلو واشوفه الافضل بعد friends ادخل على قناة everybody loves Raymond fan وبتلقا كل المواسم يمديك تحكم عليه من اول الحلقات مايحتاج تضيع وقتك اذا ماعجبك من اول الحلقات
أنا شفته كامل ، المسلسل يجيب الكآبة بشكل فظيع ، ما أدري كيف صبرت عليه و كملته طبعا المسلس كله عن ألعاب السياسة (اللي يصير بالبيت الأبيض) ، بالتحديد عن شخصية وحده يمثلها Kevin Spacey ، بنظري لو مثّل الشخصية واحد غير كيفن كان ما تعدت شهرة المسلسل حدود أمريكا فيه حركة جديدة و اللي هي إن الممثل الرئيسي (كيفن) يكلمك أنت (المشاهد) ، يعني يمثل و هو يناظر الكاميرا أنا شفته و ما أعجبني أبد ، و تابعه أخوي و قال إنه من أفضل المسلسلات اللي شافها Kevin Spacey يتكلم بدون ما يحرك حنكه
house of cards خلصته قبل اسبوعين تقريبا وكان حاجة عظيمه فعلا هو درامي سياسي يبين لك كيف الامور تتم بالكونغرس والحكومة الامريكية , يوريك كيف ان مبدأ i scratch your back and you scratch mine هو اللي يخليك تعيش كسياسي وعضو كونغرس وعن علاقة السياسة بالإعلام وكيف يتم استخدامه, طبعا القصة كلها عن Kevin Spacey ... يعتبر من المسلسلات اللي الحوارات فيها عميقه ومهمه للأحداث .. طبعا ما يصلح لراعين الاكشن وغيره عشان لحد يجي بعدين ينبرش علي Breaking Bad ممتاز لكن اشوف انه اخذ هالة اعلامية غير طبيعيه خصوصا عند ربعنا , عموما انا كنت مثلك بالموسم الثاني وقفت متابعته وبعدها كملته وما ندمت , القصة تطورت كثير والحماس يرتفع مع بداية الموسم الثالث تقريبا ..
بناء على هذي اللستة ، أتوقع بيعجبك LIE TO ME<< ما تابعته لكن سمعت بعض الناس يمدحونه و إذا كنت تقدر اللهجة البريطانية و مسلسلات التحقيق شوف Luther
لو طلّعنا الكوميدي وبريزون بريك يبقى Arrow, white collar , suits وهذي المسلسلات مثل ماقلت ما اطفش من مشاهدتها لان عندها رابط بينها ان شاء الله احد يقدر يطلّعه ، ومن الاخير الرابط ماهو القصه!