رفض عرض من ارامكو ثم الرد الغريب!

اللي أعرفه, انه في حال رفضت ثلاث عروض يحطونك في البلاك لست..

أعرف واحد رفض عرض في منطقة نائية بعدها جاه عرض في المكان اللي يببيه!

 

اجل الشغله واضحه لكل موظف عدد معين لازم يوظفه قبل نهايه السنه فعشان كذا الرجال زعلان انك رفضت العرض وحب يخوفك عشان توافق قبل تنتهي السنه

 

كلام فاضي اعرف شباب رفضوا العرض
واتصلوا عليهم بعد سنة نفس الدائرة وقبلوهم

 

الشركات في الوقت الحالي تحتاج مهندسين و فيها نقص فاليد العليا في الوقت الحالي هي للمهندسين على الشركات، و هذا مجرد تصرف فردي و لا يوجد اي شي رسمي في ارامكو يقول لك لو رفضت العرض بلاك ليست او لو خرجت من الشركة بلاك ليست

 

وين النقاص
انا متجرج من استراليا صار لي 4 شهور ولا جاني ولا عرض مع انو اجتزت معضم المقابلات اللي سويته ولاكن ما بعد يجي لي عرض


الحمد الله على كل حال

 

أخوي ارسل لي اميل الشخص هذا خل ارسل له السفي حق واحل مشكلتكم ثنينكم

 

و الله يا اخوي اني اعرف ان فيه نقص بس الله يهديهم موظفين الاتش ار في الشركات ما يتعاملون بجدية تحصل الواحد تجيه موافقة و عروض لناس و يحطها في الدرج و لا ينشغل عنها و يروح مستقبل ناس بسبب اهمال ، انا شخصياً اعرف اكثر من واحد سوا مقابلة مع ارامكو و لا جاه اي رد ، و بعد فترة شهرين او ثلاثه يروح لهم يحصل العرض له شهر عند الموظف و لا اتصل عليه ،ما فيه اهتمام و جدية و لا من ناحية النقص الشركات تعاني من نقص مهندسين هذا شي اكيد

 

أخوي لا تشكيلي ابكي لك. انا سويت تقريبا 4 مقابلات اجتزت 3 منهم 2 منهم جاتي موافقه نهايه
بس للحين ما جاني عرض

صار لي شهر اكلمهم يقول انت مقبول بس انتظر. الحمد الله على كل حال

 

راجعهم

 

صبرا جميل وبالله المستعان

 

طباخ ما عليك منه

انا رحت لحد عندهم ووقعت على ورقت الاوفر رفض

والى الان تجيني دعوات لمعارض التوظيف حقتهم من فترة الى فترة

it may and it also may not!

 

شي مؤسف اللي يصير بهذا الشكل من التهديد العلني و بشركة بحجم ارامكو ,

وارجوا من الجميع عدم تبرير هذا الفعل للشركة او للموظف الذي قام بتوصيل الرسالة ,

بالنهاية من حقي انا بامؤهل بسوق العمل اختيار الوظيفة التي تناسبني متى ما سنحت الفرصة وليس لصاحب العمل منعي من فرص اخرى محققه في المستقبل بسبب رفضي لفرصة سابقة !


عشنا وشفنا !


موفقين

 

شكله يبغى يوصل التاريقت حقه وماهو لاقي احد يوظفه.. ماعليك من رسالته ابد

 

هذا تصرف فردي من الموظف و لا يوجد شي اسمه (بلاك ليست) فالموضوع مجرد خزعبلات. اعرف شخص خرج من ارامكو و راح سابك و رجع ارامكو في اقل من سنة تقريباً.

 

كلام الموظف اذا ماقبلت العرض احتمال ماراح نقبلك مرة اخرى او ممكن تنقبل العلم عند الله لكن الاحتمالية تكون ضئيلة بقبولك .

لانهم اعطوك فرصة وغالبا بعدها بيعطوها لغيرك وانت ماتفرق معك كونك رفضت العرض رغم اني اشوفه مغري لكن كل شخص ظرفه الخاص صحيح ...

للعلم في ناس كثير تحلم بعرض ارامكو والمقدمين على ارامكو كثير جدا بالهبل والعروض قليلة فاتوقع عرض اخر ممكن يجيك لكن ليس بالسهل ..

بالتوفيق لك .