رواتب المهندسين بخبرة سنتين

وعليكم السلام،

لك خبرة سنتين بمكتب الإستشارات الهندسية؟ هل الراتب نفسه أو كان فيه زيادات؟
هل التطوير مستمر؟ البيئة مناسبة؟ خبرة العمل ممتازة لخلق فرص مستقبلية؟

هذي أسألة ممكن أجوبتها تساعدك لو تقررين تبقين بنفس المكان …


بخصوص الشركة الثانية، بصراحة وجهة نظري المبدئية أنهم داخلين على طمع …
طاقات معناته هم يستهدفون دعم من الحكومة بأنهم يحققون نسب السعودة المفروضة عليهم.
فبالتالي يتقاسمون راتبك مع الحكومة بس أعتقد هذا الحال لفترة زمنية معينة .. بعد ذلك المفروض يقدمون لك الراتب كامل بنفسهم
يمكن بعد ثلاث سنين

السؤآل إلي يطرح نفسه، شركة "عالمية" مثل م تفضلتي ليه تسوي الحركات هذي؟
وش راح يصير بعد السنة الأولى؟ بتبقين على نفس الراتب؟
بعد سنتين؟
طيب بعد ثلاث سنين لما الحكومة ترفع الدعم عنهم لك. هل بيستمرون يوفرون لك نفس الراتب؟ أو يقللونه؟ أو يعطونك زيادة؟ أو بيحاولون يخلونك تقدمين إستقالة أو غيره من حركات إلي م يخافون الله

بالإضافة خذي بعين الإعتبار الخبرة للشركة الجديدة، هل بتكون داعمة لك بأنك تحصلين فرص مستقبلية أفضل؟ وهل بيئة العمل بتكون داعمة ويسلمونك شغل حقيقي؟

عن نفسي أفضل الخبرة دائما، على حساب الراتب ..
لو كنت أقدر أحصل على خبرة ممتازة. هذا الشيء راح يرفع سقف راتبي الممكن مستقبلاً
ولكن بصراحة الموضوع صعب.. يعني غالبا الشركات بتعطيك زيادة على راتبك القديم ب500 مثل الحالة ذي أو حتى 30%

لكن مو مستحيل وخبرتك راح تسمح لك تنتقلين للأفضل لو كانت مطلوبة بسوق العمل ..

أبحثي عن المنافسين للشركة إلي يشتغلون نفس الشغل. كل م كان فيه منافسين أكثر كل م كان أفضل .. لأنه بكرة يمكن المنافس يستقطبك براتب أفضل.

المعذرة، أغلب الرد أسألة والمقصود فيها أجوبتك راح تحدد الأفضل والمناسب لك.


بخصوص المفاوضة، أقوى مفاوضة هي "الرفض" بمعنى أني أرفض بشكل واضح وصريح زيادة بالقدر القليل هذا ..
لكن الرفض صعب على الشخص إلي نفسه يطلع ويتخلص من وظيفته الحالية ..
بس أعرف كثير رفضوا عروض وظيفية وجاتهم عروض أفضل لأنهم رفضوا..
الرفض يكون مبني على ثقتك هل تشوفين أنهم يبونك مررررة ولا بيحصلون غيرك

وفيه الرفض "الضعيف" أنه هل فيه إمكانية زيادة للراتب؟ بكل بساطة بيقولون لا .. خصوصا أنهم متقاسمين الراتب مع طاقات وفوق ذلك يبخلون.

وبخصوص البوزشن والمصنع وغيره مادري وش أقولك بس ممكن المفاجأة ماتكون بالشكل الكبير المتوقع
فأفضل شيء ندرس الخيار زين + نحاول نوصل لناس يشتغلون نفس الشيء وبنفس الشركة عشان نحصل المعلومات الأكيدة ..

والله يوفقك

 

الغريب أنها شركة (عالمية) وتدور دعم من طاقات وتستقطب موظفين بزيادة 5%.

 

عليكم السلام

ما ازيد على كلام الاخ حزم و ربما اجد العذر للشركة انها تستخدم طاقات لتقليل التكاليف حتى لو كانت شركة عالمية

السؤال المهم بيئة الشركة والاستقرار فيها هل عندهم رغبه جاده باعطائك بوزشن مهم و يكون لك دور ام مجرد سعوده و ديكور امام وزارة العمل ؟!!

و رايي الشخصي اذا انتي في الغالب راضيه عن الشركة الحالية بالذات من ناحية الخبرة لا تطلعين لان كثرة التنقلات تخرب السي في و تعطي انطباع انك شخص ولاء للمنظومه ضعيف و دائما شنطته جاهزه للرحيل

 

اذا مرتاح في شركتك وجالس تتعلم وتتطور لا تنتقل ..
اذا الزيادة 30% الى 40%
في الوظيفة الجديدة وبنفس مدينتك
اسال عن بيئة العمل والمهام ونوع المشاريع اللي بتشتغل عليها واستخير وتوكل

اما زيادة 500 مامنها فايدة ............ خصوصا اذا انت مرتاح في شركتك