سلام عليكم اولا ان شاء الله الموضوع يكون في القسم الصحيح شباب حبيت اسألكم الحين عشان تدخل البحرين الي اعرفه يتطلب عمرك يوافق السن القانوني وهو 21 سنه! بس هل بالهجري ولا الميلادي؟ ولو والده يطلع تصريح دخول من وين يطلعه هذا؟ اتمنى الشباب يفيدوني خصوصا الي من جده.
اعتقد الميلادي لانه التواريخ اللي بالجواز ميلادي الورقة تطلعها من مكتب الجوازات اللي عندكم..قبل كم سنة خويي جا من جدة وعمره اقل من 21 وما كان عارف انه لازم ورقة,,ابوه راح الجوازات وارسل الورقة عن طريق الفاكس
روحو انتا وابوك للجوازات وخل ابوك يقولهم ابي اطلع تصريح لولدي يديك ورقة مقاسها (شبر إلا ربع * نص شبر) تعبيها ويوقع ابوك ويختمها مدير الجوازات وبس لاتنسى تآخذ جوازك معك وابوك يآخذ بطاقته حقت الاحوال
شغلة التصريح مي صعبه تروها ورقه تكتب فيها اسمك واسم ابوك ويوقع عليها ابوك وتروح تختمها من الجوازات سريع سريع وانتهى ^^
تسلمو شباب كفيتوا ووفيتو شكلي بضطر اطلع تصريح لان باقي لي علي الميلادي كم شهر طيب شباب السيارة باسم الوالد و الاستمارة نسيتها في الشرقيه مافي حل اطلع تفويض يقبلو صوره من الاستمارة؟ والجوازات الحين هالايام شغالين ولا؟
بالهجري ،، متآكد 100 % < آنآ مسآفر آول مآصآر عمري 21 بآلهجري ،، بخصوص آلتصريح يطلعه لك آبوك من آيييي مكتب جوآزآت .. مو زي آلجوآز لآزم مكتب كبير ومكتب رئيسي .. آي فرع < مطلعه من فرع الجبيل آللي مسآحته مترين في مترين
بخصوص آلتفويض .. آنآ آعرف يسوونه آلمرور لك .. آذآ كآن موديل آلسيآرة آكثر من 3 سنوآت .. تحتآج فحص دوري .. ومآيكون عليك لآآنت ولآ مآلك آلسيآرة آي مخآلفآت .. تروح آلمرور ويطبعون لك ورقة بيضآ كبييييرة تعتبر تفويض رسمي لك تطلع فيهآ آي دولة من دول آلخليج ،،
آلبحرين بآلبطآقة آلجديدة " آلهوية آلوطنية " عآدي آذآ عمرك فوق آلـ 21 بآلهجـري .. وآذآ آقل من 21 لآزم آلهوية وتصريح من ولي آلآمر ،،
تسلموو شباب طيب شباب الحين أنا ٢١ بالهجري. ولكن بطاقة الأحوال حقتي قدييييمه مو الجديده فايش الحل لازم بطاقه جديده ولا اجيب جوازي ولا كيف؟
يعني في النهاية وملخص الكلام لازم يصير عمرك 21 سنة 1- بطاقة الأحوال الجديدة ( إذ لم تملك بطاقة أحوال جديدة وعندك القديمة ) تستخدم جواز سفرك ساري الصلاحية . عمرك أقل من 21 سنة 1- بطاقة الأحوال الجديدة ( إذ لم تملك بطاقة أحوال جديدة وعندك القديمة ) تستخدم جواز سفرك ساري الصلاحية . 2- تروح مع والدك إلى الجوازات تستخرج تصريح لمن هم أقل من 21سنة . بالنسبة للسيارة إن لم تكن لك تروح وتصدر تصريح من جهة المرور ومتطلباتها كالتالي : وهذا ملخص الفكرة والحلول وتروحون وتجون بالسلامة لا تنس تشتري لي هدية <<< أنا عارف ما في شئ عندهم تشتريه يصلح يكون هدية وتحياتي للجميع
آلهوية تقدر تطلعهآ من آي مكتب في آلمملكة .. تروح لهم وعندك صورة وحدة مقآس 4×3 .. وتعبي آلآستمآرة وتكتب تجديد .. تسلم كل شي وتصور في نفس آليوم ( روح بآلشمآغ وآلعقآل ) .. ويقولون لك تعآل بعد 14 يوم وآستلمهـآ .. في آشآعآت تقول مآيجددون لك آلآ لمآ تخلص .. وآلحقيقة آنآ آستغربت لآنه حتى في فرع آلآحوآل تلقى مكتوب مآنسوي تجديد آلآ لمآ تخلص آلقديمة .. طنشهم وخذ آلآستمآرة وعبيهـآ وجيب معآك صورة .. وآن شآء تتيسر آمورك .. بخصوص آلجوآز فيه حآلتين ،، آذآ عندك جوآز منتهي وتبغى تجدده .. مآيحتآج تكون آحوآلك جديدة .. آلبطآقة آلقديمة يمشي .. وآلتجديد يكون سريع سريع مآيآخذ يومين بآلكثير آلآ وآنت مستلم آلجوآز آلجديد .. آمآ آذآ بتصدر جوآز جديد ومآعندك جوآز قبل كذآ .. وقتهآ لآزم يكون عندك آلهوية آلوطنية آلجديدة ،،
عزيزي لازم يكون عمرك 21 بالهجري التصريح ع الجواز اذا كان عمرك اقل من 21 يطلعه لك ابوك من الجوازات لو ماعندك جواز بس بطاقة احوال مو مشكلة يسوي لك تصريح عليها بس شرط تكون جديدة بعدين انت بتدرس عندنا ولا في البحرين << استعباط هههه
طيب لازم اكون مخلص ال 21 وداجل في ال 22 ولا مخلص 20 وداخل في ال 21 يعني على بلاطه لازم اكون مواليد 1410 ولا 1411 ؟؟؟