باختصار يالربع ابحث عن منتج استهلاكي شبه يومي ، يعني مو مثلا سياره او جوال ،، يستخدم من الشريحه العمريه بين 15 و 35 سنه ذكور واناث وخصوصا الشباب .. الهدف عشان بحث ... من افكار الشباب اللي عجبتني وماشيه مع الهدف : مشروبات الطاقه كفر جوال شبابي وهكذا اتحفونا بابداعاتكم داخ راسي وانا افكر :/ ملاحظه ، نستقبل الشطحات والافكار الشيطانيه خخخخ
هل ممكن الواحد ، يمشي بدون ملابس لا بدون حذاء لا بدون فلوس ( محفظة ) نعم بدون جوال نعم بدون سيارة نعم الأكل والملابس والأحذية أكثر أشياء أستهلاكية معليش أحاول أكون تحليل economic
بالضبط ، انا ما ابحث عن اختراع او شي رفاهي ، ، انا انظر من منظور اقتصادي بحت ،، انا ابحث عن شي موجود ويستهلك ، اعدل فيه ويطلع لي منتج يغطي على منافسيه .. مثل ماقلت ، مشروب طاقه… عندك اسعار مشروبات الطاقه تختلف من ريالين الى اربع او خمسه ريال ، لكن هل تعتقد ان المستهلك عنده فكره عن تكلفة الانتاج؟ المنتج يستهدف الشريحه المطلوبه ، يعني ممكن انا اسوي لي مشروب طاقه بتكلفة اجماليه ريال للعلبه ومع الاعلان والتسويق ابيعه باربعه او حتى ثلاث ريال مثلا… مثال ثاني ، شامبو للشعر مع خلطه مستحدثه للتنعيم او القشره ،، يحقق الاهداف ، مع التسويق الممتاز ممكن نطلّع بزنس منه .. باختصار انا عندي خطه تسويقيه وبزنس بلان حديثه ومافيه احد يطبقها في السعوديه ،، عشان اختبر هالخطه ، لازم القى المنتج المناسب لاهداف الخطه ، واللي منها ان هذي الخطه التسويقيه تنجح مع المستهلكين من اعمار الشباب 15-35… ان شاء الله اني قدرت اوضح
لاياشيخ محد يبي أمور الدفره ، ولا تبيني أسوي مثل ماقال ادورز مهرجان العوده للمدارس ، والمشكله لا الاهل فرحانين ولا العيال فرحانين خخخخ
خلاص يا انت او مبرجستر يصير شريكي ، الله رزقني باخويا الواحد يضرب بالمندي وينسدح ويقول يارجال ماعندك سالفه بس ترا فيه كرف وزارة التجاره+المواصفات والمقاييس+هيئة المدن الصناعيه
احس فيني افكار بس مو راضية تطلع شف مثلا مقص الاضافر محد يستغني عنه امممممممم مقص اضافر بشكل مختلف يجي زي الكرة الصغيرة تدخل صبعك وتظغط حبة ويقص بدون تعب الزبدة لا تنسى ففتي ففتي
هو كرة صغيرة تختار فيها مقاس الاصبع يعني تضيق وتوسع اذا شفتها ركبت تضغط الحبة وينقص مره وحدة والكرة فيها زبالة يعني زي بعض البرايات وشكلها حلو عشان تصلح ميدالية مفاتيح وما عليك من ادورس يبي يخرب مشروعي