سؤال بسيط وخفيف لجميع الخريجين؟

2.5 من 4 يعتبر جيد لكن مع عدد الوظائف حاليا التنافس صار أشد وحتى الي قريب 3 ممكن يواجه صعوبة.
لكن اذا معدلك 3 فالوضع بيكون اسهل في التقديمات و ممكن تترشح لكثير من المقابلات لكن الوظيفة في النهاية تعتمد على المقابلة و أدائك فيها واختبارات القبول.
&
عندك الموضوع المثبت عشان تطلع أكثر على معدلات الشباب الي توظفوا.

على العموم لاتشيل هم ، أعرف اكثر من واحد ماشاء الله عليهم حصلوا وظائف ممتازة ومعدلهم كان 2.00 تقريبا و واحد منهم قبل مايتخرج وقع العقد و فيه شباب معدلاتهم عالية و اونر و تأخروا في الوظيفة وحصلوا رواتب تعتبر عادية مقارنة بمستواهم لكن في النهاية الوظيفة توفيق فأنت ركز على الدراسة الحين وحاول ترفع معدلك قد ماتقدر وماعليك من الي يقولك اخر سمستر ما يأثر وهالشي اقوله من تجربة ، في احد الجامعات كان الفرق بين معدلي والمعدل المطلوب لوظيفة معيد اقل من 0.1 و لو كان معدلي اعلى في السمستر الأخير كان انقبلت فيها لكن الحمدلله على كل حال. فأنت سوي الي عليك و التوفيق من الله.

الشي الثاني احرص إنك تفهم مواد التخصص صح واذا مهارات التواصل عندك نوعا ما ضعيفة حاول تطورها ، لأن بعض الوظائف تركز على الشخصية أكثر من الفهم للتخصص.
لكن انت حاول تكون مميز في الجانبين ، التخصص و الشخصية وهالشي بيفتح لك فرص كثيرة.


الله يوفقك وإن شاء الله بقية الشباب يفيدونك اكثر .

 

السيف سايد 3 وفوق لأنه فيه برامج خاصة للخريجين يكون أول شرط المعدل 3.00 وفوق

والهرجة ارزاق بالنهاية



+ انبسط بأخر ترم وشد حيلك فيه ولا توسوس

 

معك خبرة 3 وفوق مامعك 3.5 وفوق

 

قصدي بالخبرة intenship او Co-Op

 

بناءا على برامج حديثي التخرج من الشركات فالمعدل ما يكون تحت 2.5 -3 من 4

 

عندي كواب 7 شهور ولا فيه شركة وحدة اهتمت فيه لانه ما يعتبر خبرة مهنية اصلا ، تدريب فقط

 

الكواب يعطيك مقابلة على الاقل،، لو افترضنا شخص معدله 3.00 ومعه تدريب وشخص ثاني معدله 3.3 ومامعه تدريب،، الشركة راح توظف او تعطي الافضلية الى الشخص المتدرب...

 

معدل 3-4 من 4

فرصة الوظيفة كبيرة جدا.

يامقابلات يااتصالات من شركات . عاد انت وشطارتك في المقابلة


بشكل عام حاول انك ماتنزل عن
2.5/4 بمايعادل 3.5/5


ترا الحظ والتوفيق يلعب دور كبير . وقوة التخصص ايضا ... وبرأيي الشخصي اهم من المعدل


حاول توصل لاكبر عدد من الشركات . وسو الCV احترافي . هذا برأيي اهم النقاط اللي تركز عليها.

بتمنالك التوفيق بمسيرتك.



خذها قاعدة

كل ماتتعب اكثر وتدرس وتحط مجهود اكبر

فرصك أكبر ... بتستلم اكثر (غ.... وتزيد نجاحاتك


كل اللي اعرفهم ... القاعدة تطبقت فيهم 100% ...

فاللي ماتعب بدراسته .... دخل تخصص ضعيف او اخذ شهادة ضعيفة .... دخل مكان وظيفي سيئ براتب متدني جدا .. وكله مشاكل ببيئة العمل .


اما اللي تعب عل نفسه ودرس واعطى كل مالديه ... دخل افضل الشركات ولو بعد مدة .وفرض نفسه والشركة تحاول تتمسك فيه بأي طريقة
ومقابل راتب مميز.


In life most people get what they deserve


ففرصة انك تشتغل عل ماتبقى من دراستك.