سؤال عن جهات تقدم دعم "فني" - حاضنات - ، ومادي للمشاريع/الأفكار

أولا السلام عليكم ورحمة الله وبركاته وأعاد الله عيدكم بالخير والمسرات

أعتقد الموضوع هذا يهم كثير من الطلاب وكثير يمر علي نفس التساؤل

عندي مشروع/فكره أولا هي تصنّف كا Auxiliary , entertainment - ترفيه أو رفاهيه ،
وياما شفنا أدوات كانت رفاهيه وأصبحت ضروره مثل الجوال والتلفزيون وغيرها
المهم
الفكره تندرج تحت الـ embedded systems و الـ automation كاطبيعة عمل ،
بحيث أنها تجمع أدوات/أجهزه تقليديه تم ربطها وعمل تعديل على بعض وظائفها لتعطينا نتيجة "جهاز" جديد كليا "يفكـ أزمه!"

عندي مبدئيا التصميم وميكانيكية العمل والـ process كامل من المدخلات الى المخرجات
طبعا الفكره معقده الصدق وصارلي تقريبا حول السنتين وانا اصمم وأعدل ، وباقي لحد الأن! تحتاج حلول لبعض المشاكل
والحين أشتغل على prototype بسيط لتوضيح الفكره

المطلوب :
مثل مافي العنوان ، طبعا فعليا اذا احتجنا عمل نموذج عملي راح أحتاج مثلا مهندسين ميكانيكا ، مهندسين كهرباء ومطورين برامج
أنا ما أقول اني أبيهم يشتغلون لي ، عادي حتى لو يدخلون كاشركاء
- لكن هل فيه شركات / حاضنات تساعد على الالتقاء بذولا الأشخاص؟ وتقدم الدعم المادي بعد الاقتناع بالفكره طبعا
- وهل تشوف انت ان هالفكره ممكن تصنف كا اختراع "وحقوق ملكيه فكريه" ؟



ملاحظه: انا بعيد كل البعد عن الجامعه أو الدراسه حتى ، مع انه فيه شخص نصحني بأني أرجع للجامعه ولقسمي


أخر شي: نصيحه ، كثير قابلت شباب عندهم افكار مو فكره وباعتقاده ان هالفكره تجيب ملايين
هي فعلا ممكن تكون ذهب لكن اذا حولت الفكره لواقع وبديت التنفيذ
ولا تنتظر فلان ولا الشركات يجون يركضون وراك لمجرد ان عندك فكره ، ابدأ لو بدايه بسيط وراح تعرف مستقبل فكرتك
دائما أقول التنفيذ أهم من الفكره

وكل عام وأنتم بخير




*حبيت أن يكون الموضوع هنا لقربه من الخريجين "والعمل خارج الكلاسات"

 

تسلم عزيزي وشكرا على الاطراء

 

وادي مكه للتقنية أول مره أسمع عنه ، الجامعة خيار ممتاز

 

ماشاء الله أبهرتني وأبهرني الرجل لخبرته ، تم التواصل معه واذا فيه شيء بيفيد راح أنقله هنا ان شاء الله

 

ماشاء الله رد وافي مثل راعيه ، أفدتني كثير
للأسف بادر لي تجربة مع زميل مع بادر مسكين كره المشروع كامل لدرجة انه حصل على البراءه من امريكا ومشروعه هنا باقي "تحت الدراسه"
متحمس لواعد والان أجهز ملفات التقديم