سؤال عن مقابلة في مجال أمن المعلومات أرجوا الإفادة جزاكم الله خير

وعليكم السلام
ماعندي فكرة لكن شفت هالتغريدة وقلت يمكن تفيدك
مالك الدوسري on Twitter
+
منشن هذا الحساب
ياسر العصيفير (@alosefer) | Twitter



الله يوفقك

 

خل ببالك ان الرازق هو الله عز وجل و ماتاخر رزقك الا خيرة .وادري صعب بتتقبل كلامي وتقول وين الخيرة بتآخر الرزق لكن صدقني لو تنافست مع هالعالم كلها ع رزق مكتوب لك ب تاخذه و لو رُشحت لوظيفة ومحد منافسك ومو مكتوبه لك ماراح تكون لك . قلها من كل ايمان انها خيرة وماراح شي استمر قدم ولا تحسب عمرك مع الناس لك رزقك ولك حياتك اللي الله كتبها لك والله اعلم منك ويسير حياتك لما هو بصالحك . كلنا وانا شخصيا ليت عند المقابلة الا عند توقيع العقد وتعبئة فورمات التامين الطبي والايبان والتعهدات لوظيفة حٌلم وانصدمت برفضهم بحجه ان الادارة رفضت زيادة المقاعد . زعلت وقتها لكن بالاخير امنت انها خيرة وغير رزقي ماراح اخذ .
انا كتبت هالرد لاني حاس فيك ولاني مريت بتجربتك واقولك تفاءل بأذن الله الله يكتب لك فرصه ترضيك وتحقق طموحاتك . تخصصك يعيش اوج اوقاته الحين العالم كله يبون تخصصات الحاسب استمر و كمل وابحث وفالك التوفيق

 

لاتشيل هم إن شاء الله إنها خيرة لك
مافي بيدك إلا انك تستمر في التقديم ونصيحة حاول تتواصل مع الشركات بدون مايكون فيه اعلان منها ، يوميا ارسل ايميلن او ثلاثة للشركات أو حتى الستارت اب المهتمة بالتقنية
و الشركات الصغيرة ، لأن لما تقدم على اعلان منتشر فرصة الرد عليك حتى بالرفض تكون أقل ، لأن ممكن تكون ممتاز لكن فيه الي أفضل منك.

في الايميل حاول تتحسسهم انك مهتم بالعمل معاهم وعندك فكرة عن طبيعة عملهم مثلا تذكر المجالات الي انت عندك خلفية عنها ونفس الوقت مرتبطة بعملهم
صحيح هالشي نوعا ما متعب لكن أحيانا يجيب نتيجة ، لأن الشركات توصلهم مئات السير ، فلما يكون محتوى الايميل ممتاز ويبين انك مهتم بالعمل معاهم هالشي بيشجعهم يفتحون السيرة ويكلمونك للمقابلة .
ادخل يوميا على صفحات التوظيف للشركات وشوف هل فيه ايميل للتقديم او لا ، اذا مافيه ارسل للايميل العام الي يكون للشركة الي غالبا يبتدي بـ info

الشي الثاني خلال هالفترة لو كنت مميز في مجال معين خاصة لو كان مرتبط بتخصصك استفيد منه في العمل الجزئي أو عن بعد و free lancing
وابتدي بمنصة بحر لأن العدد فيها يعتبر أقل من المنصات العالمية وبكذا بتزيد فرصتك في الحصول على فرصة .

المشاريع
https://www.upwork.com/

يوم المهنة في البترول بعد اسبوع تقريبا ، لو كنت قريب تعال لأن بحسب موقع المعرض هذي المرة جاية شركات كثيرة مقارنة بالسمستر الماضي .
الرئيسية
من الشركات والجهات الي جاية المعرض : مركز المعلومات الوطني وطالبين خريجي تخصصات حاسب اعتقد



الله يوفقك ويرزقك الوظيفة الي تتمناها .

 

السلام عليكم اخوي سعد
اول شيء الله يوفقك وان شاء الله ان الان انت موظف ..
ثانيًا انا مقابلتي بكرة بنفس المجال وبنفس المنظمة وبالصدفة شفت استفسارك هنا .. ادري انك ناسي بس اذا ممكن واذا تتذكر وش كان محتوى المقابلة .؟؟
انا مقابلتي بكره وحرفيًا التوتر مسيطر علي
وشكرا لك

 

السلام عليكم الله يوفقك اخوي سعد
انا بس حبيت امر على الموضوع بخصوص ان باقي لي تقريبا سنة او سنة ونص على التخرج ان شاء الله وحبيت اشوف ايش صار معاك

الله يوفقك ويكتب لك الرزق
ياليت لو تفيدنا وايش صار معاك انا عندي تخوف شوية من وظائف تخصصي

 

الله يوفقك ويرزقك إن شاء الله والجميع ولاتشيل هم بإذن الله تحصل الوظيفة .

سويت أكثر من مقابلة وجاك رفض؟ هل سألتهم ايش سبب هذا الرفض وحاولت تتواصل معهم مرة أخرى (أحسها نوع من عدم الإحترام أن يتم طردك مباشرة وأنت جاي من مشوار وتعبت وفي النهاية كذا) لعلها خيرة إن شاء الله بس على الأقل تكون بطريقة محترمة .. الأفضل تتواصل معهم .

تمهير + حافز لا أرى أي جدية منهم وحتى الوظايف المعروضة مع الأسف أقل من المستوى .. لكن حاول تقدم ملفك أول بأول + تواصل معهم عن طريق الجوال وهم يرسلوا ملفك للموظف المختص ولعل وعسى .
تمهير غير منتهي بالتوظيف وهذي مشكلة أخرى .

رغم إن الدنيا الأن مع الأسف كلها واسطات وليست مهارات أشكرك بشدة على ثقتك بنفسك ولعلها خيرة لك إن شاء الله وتحصل أفضل منهم .

لاتيأس حتى لو تعديت ال 30 مازالت الفرصة موجودة والأمل بالله كبير لاتشيل هم حاول بكل جهد وبتحصل خير إن شاء الله .

بالتوفيق لك .