سنتين و 10 شهور من كلية المجتمع إلى البترول,التجربة كامله+ التفصيل في عملية التحويل:)

الموضوع في 'ساحة كليات المجتمع وبرنامج الدبلوم' بواسطة د.غســـ, بتاريخ ‏28 يوليو 2011.

  1. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    .. بسم الله الرحمن الرحيم ..

    هذا الموضوع سيحوي على إقتباسات من موضوع آخر ...

    في هذا الموضوع .. أذكر فيه تجربتي في الدراسة في كلية المجتمع بالدمام بغية التحويل إلى جامعة الفهد .. وسأذكر ببعض الإيجاز والتفصيل .. ماحدث معي من تجارب لعلها تفيد من يريد أن يخوض نفس التجربه ...


    في 20/9/2008


    كانت هذه البداية .. وقرار الدخول في هذا المشوار .. طبعا بعد إنسحاب من كلية الجبيل الجامعيه على أمل الوصول لجامعة الفهد ... << وجهت لي أنواع الإنتقادات بسبب إتخاذي هذا القرار ..


    طبعا سأبدأ الموضوع سمستر سمستر لأنه يساعد على تصور الأحداث بالتسلسل الصحيح .. !

    وهذا رابط الخطه الدراسية للبرنامج اللي درسته عشان الواحد مايضيع معي :)
    http://www.dcc.edu.sa/mkt_degree_plan.html

    على بركة الله ....


    ... السمستر الأول ...


    دخلت الكلية على أمل التحويل للجامعه طبعا .... (ماراح أدخل في التفاصي اليوميه لكني بتكلم عن أهم الأحداث ) ....
    في البدايه كان الموضوع شكله سهل جدا .. وخصوصا في مادة الإنجليزي لأن مستواي ولله الحمد جيد وقتها ...
    أما في مادة الرياضيات فكان الموضوع غامض شوي .. مع بداية دراستنا للجبرا .. ماكنت عارف مستواي الحقيقي في الماث ..
    وفي نفس الوقت رشحني مدرس الإنجليزي ( وطبعا كلاهما 001 ) لأختبر إختبار تحديد المستوى لتعدية الماده ... إختبرت الإختبار الأول وأخذت 28 من 30 .. وتم ترشيحي للإختبار الثاني في الجامعه نفسها ...
    إختبرت الإختبار الثاني وكانت درجتي 74 من 100 وهذا أهلني لتعدية المادة الأولى ( واللي يقهر لو أخذت 75 لتعديتهم إثنينهم ) ... وبعد حوالي ثلاثة أسابيع من الدراسه تمت ترقيتي لـ 002 في الإنجليزي ... !
    دخلت بديت متأخر وكان أول كلاس أحذره كويز .. وأنا ما أدري أيش الموضوع .. دخلت وحليت وأخذت 9 من 10 :)
    وكانوا كل الطلاب أكبر مني سنا ( عايدين الماده ) ..
    والحمدلله علاقتي معاهم كانت حلوه .. بحيث أني أنا وأحد الزملاء (هيثم) نترجم للطلاب ونساعدهم .. وكان الكلاس ممتع بصراحه وإستفدت كثييييييييييير :)
    طبعا موازاتاً لهذه الأحداث .. وصلت للحضيض مع الماث 001 حيث أنه كانت مشكلتي مع الأرقام البسيطه والأساسيات (معقوله!!!!!!!) ...
    أنا في الثانوية كنت إنسان ذو آلة حاسبه .. ما فيه أي عملية حسابيه إلا وفيه آلة حاسبه .. وغير كذا كنت أتفنن في حل معادلات الدرجة الثانية والثالثة بالآلة بدون ما أحد يدري :)
    غير كذا كنت تعبان في الأساسيات .. :( !!!
    وتوكلت على الله وأخذت مدرس خصوصي .. كان والله ممتاز .. لكن جبت في الميجر الأول 8 من 22
    وطبعا من محاولات جاهده جبت في الميجر الثاني 12 من 22 !!
    وأنا الى ذاك الوقت أصارع نفسي في موضوع الأساسيات .. لدرجة أنه بعد ما نزل السلوشن وشفنا حلي أنا والمدرس قاللي لو كانت معاك آلة حاسبه تاخذ فل مارك !!!
    أنا بحد الله كنت شاطر بفك الألغاز اللي يحطونها في الأسئلة لكن أتعبتني الحسابات البسيطه !!

    قبل الفاينل حصل ضرف خلاني أفقد شهيتي فكل حاجه .. وأنا أساسا كان وضعي مايسمح أني أنجح بمقياس البترول .. الحمد لله على كل حال ..

    جبت في نهاية السمستر :
    +b في الإنجلش ..
    D في الماث ..

    :)


    --------------------------------------------​
    طبعا لا أخفيكم أني تحطمت نفسيا وقتها .. لكن التحطم النفسي من الضرف اللي حصل لي كان أكبر من المشكلة الدراسيه ..

    طبعا حاولت أتجاهل المشكله .. وأخفي أثارها السلبية وأبدأ مشوار حياتي ببطئ إلى أن أوصل اللي أبغاه ... بعد توفيق الله سبحانه ...​

    -------------------------------------------


    ... السمتستر الثاني ...

    طبعا السمستر الثاني كان ممل بشكل جدا خورااافي ( دراسيا ) ...
    أنا كنت في وقتها عديت المادتين الإنجليزيتين .. وباقيلي ماده وحده ماث .. !!!!

    نزل جدولي ...

    من 9:00 إلى 9:50 دقيقه ... فقط !!!

    طول الأسبوع دوامي 50 دقيقه في اليوم .. :)

    أنا طبيعتي كشخص .. الحمد لله نادر ماتقاني زهقان .. عندي شغلات كثير أسويها (تسلية يعني) .. وفاضي 24 ساعه .. :)

    طبعا .. دراسه أي كلام بحكم أني خلاص فقدت فرصتي للتحويل من السنة التحضيرية ..

    وخلص السمستر وجبت فيه في الماث 002 :
    D
    :ملك:



    ==========================================================

    الآن إنتهت مرحله مهمه في حياتي الدراسية وهي السنة التحضيرية ... وجات مرحلة تحديد المصير .. طبعا أنا كنت قد أخترت أني أتخرج من الكلية وأكمل دراستي لمرحة الباكالوريوس .. وكانت الحيره مع التخصص ... أنا كنت أرغب فب تخصص هندسة الكمبيوتر من تخرجي من الثانوية ...


    طبعا الكلية مافيها إلا 3 تخصصات ..

    محاسبة - تسويق - تطبيقات حاسب ..

    تطبيقات الحاسب كان تخصص بايخ بالنسبه لي لأنه أغلبه سوفت وير وأنا كنت مهتم بالجانب الآخر من العملية وهو الـ EE والهارد وير ..

    والمحاسبه تخصص ماينفعلي لأني ماحب أحسب أرقام وحسابات كثير ( مو رياضيات .. حسابات ) .. وغير كذا مافيه ذاك المستقبل الوضيفي اللي يحمس ....

    والتسويق .. تخصص يسهله لغتي الجيده .. غير كذا أنه تخصص سهل ومنطقي مافيه شي صعب مبدأه ومعقد عن الفهم .. !!

    وأنا كنت ابغى تخصص يسهل علي عملية ضمان المعدل اللي يدخلني البترول .. :crezy:


    ==========================================================

    ... السنة الأولى تخصص | السمستر الأول ....



    بدت الدراسه .. ومعاي 3 مواد مهمات أثرت على مسيرتي الدراسية في الكلية ..

    ENG101 وكان المدرس Mr.jackson إنسان محترم متفهم راااائع في المعامله ... كنت أجي المحاضره أحل التمارين ويطلعني بدري :) ( أدخل متأخر 5 دقايق وأطلع بعدها بـ15 دقيقه ) :khotrah:


    MKT101 وكان المدرس Mr.kashif إنسان جدي في التعامل .. يمزح مزح وقته جدا مناسب .. متفهم .. رحب الصدر ..

    بعد تقريباً أسبوع من هذي الماده ... جاتني فكره بزنس تعتمد على أحد المبادئ في الماده .. ( مابدخل في تفاصيل لأنها طلت فعلا موجوده وما أدري عنها :craying: ) ...

    المهم أنا رحت له وشرحت له المشكله والفكره اللي هي علاج لهذي المشكله .. طبعا هو انصدم لأنه مافكر فيها نفسه ولا يعرف عن وجودها شي .. فشجعني وقالي إبحث عن الموضوع ومن هالكلام وعطاني نصايح كثير ..

    وبعدها أنا حبيت الماده وحبيت تخصص البزنس وقررت أنه يكون مستقبلي في هذا المجال -بإذن الله- ..


    IAS 111 وكان المدرس الأستاذ مصطفى الحسن ... إنسان من كثر ماهو محترم يخليك تحبه وتحترمه أكثر من نفسك :)

    لكن أنا كانت عندي مشكله في الكورس هذا .. الغياب .. كان وقت الكورس وقت نوووووم ودايما ماتروح علي نومه ...

    طبعا بنهاية الفصل تعديت الغيابات المسموحه .. ورحت كلمته وشرحتله وضعي وماقصر عطاني D :/:


    يعني أخذت في الإنجلش +B وفي الماركتنق A وفي اللإيمان D
    طبعا فيه مواد غيرها أنا بذكر اللي أثر علي بس ...


    ... السنة الأولى تخصص | السمستر الثاني ....


    طبعا هذا السمستر مهم من ناحية الأحداث .. وفيه مادتين مهمتين ...

    أولهم مادة الـ Advertising الا وهي الدعايه والإعلان ... أنا كنت متحمس للماده هذي بشكل جدا جدا جدا جدا جدا خووورااافي .. لأني في وقتها مصمم جرافيكس صارلي 6 سنين ومصور فوتوغرافي صارلي تقريبا سنه وشوي :)

    دخلت على الكورس متحمس ووالله انه كورس مجنووون :)

    وقالنا أنه مطلوب بروجكت نهاية السمستر (( أنا قلت هلاااااااااااا :crezy: ))


    في نفس الوقت ..

    كانت فيه مادة الـ ENGL102 وهي كانت مع نفس المدرس اللي قبل :)

    لكن هنا فيه حدث مهم .. كان فيه معاي أحد الزملاء مهتم بالتصوير الفوتوغراقي .. :)

    مشت الأمور ... وقبل نهاية السمستر جاتني فكره .. طرحتها عليه وقلت له ليه مانسوي لنا رابطة تصوير أو نادي .. ونسوي طلعات تصوير وحركات .. لأني شفت أنه فيه ناس مهتمه بالتصوير الفوتوغرافي .. وقال والله فكره حلوه خلنا نضبطها ...

    طبعا قرب يخلص السمستر .. وحان موعد بروجت الأدفرتايزنق .. وأنا ماسويت بروجكت واحد ..!!


    سويت 6 .... اي نعم !!!

    كان البروجت عباره عن إعلان عن أي برودكت (منتج) ولازم تكون الفكره من عندك وماهي مكرره .. !


    الحمد لله أخذت على البروجكت A+ وعلى المادة A


    لكن قبل لايخلص السمستر .. كان زميلي عنده كورس من قسم الحاسب وكان المدرس هو منسق قسم الحاسب .. وفيه معرض الحاسب الآلي ... وزميلي طرح علي المشاركه بفكرة النادي كفكرة في المعرض .. وفعلا ..

    صصمت الشعار وخلصت كل الأمور وأخذنالنا جناح في المعرض وعرضنا على العميد الفكره وورحب بالشي هذا وقال أنا معاكم :)

    وكانت بداية قكرة نادي التصوير الفوتوغرافي بكلية المجتمع بالدمام :)

    طبعا قابلنا مدير الشؤون الفنيه بالكلية .. وقالنا تعالوا لي المكتب ونظبط الأمور إن شاء الله ..

    بحكم إنه كان نهاية السمستر ... وإحنا داخلين على Summer Internship .. فكان الموضوع مايسمح بإننا نتابع موضوع النادي ..

    وبكذا تكون إنتهت أول سنة تخصص وثاني سنة في الكلية ... ومعدلي فيها 3.15 من 4
    :)


    =========================================================
    طبعا الدراسة مثل ماهو في الخطه الدراسية اللي في الرابط اللي فوق ..

    سنة تحضيرية
    سنه أولى تخصص
    Summer Internship
    وبعدين سنة ثانية تخصص

    =========================================================

    ... Summer Internship ...



    طبعا التطبيق الصيفي يتكون من 8 اسابيع في بيئة عمل ماسبة للتخصص ...
    والوالد الله يطول بعمره ويحفظه من كل شر .. يملك مؤسسة مقاولات ... يقول قائل ... وش دخل المقاولات بالتسويق ..

    أنا أقول وش رايك أنه خلال عملي إقترحت على الوالد أني أجهزهله موقع على الإنترنت ويكون هذا تطبيقي إضافة إلا الأعمال اللي بالعاده أعملها ... :)

    كانت الأمور سهله من هالناحية .. والحمد لله لما إنتهى التطبيق أعجبوا الدكاتره بالموقع اللي سويته ( مارفعناه إلى الآن :crezy: ) وأعجبوا بالبريزنتيشن اللي عملته .. والريبورت وأخذت +B

    وإرتفع المعد إلى 3.19

    =========================================================

    جاري .. تكملة الموضوع .. النص كبير جدا :sike:
     
    • x 1 إعجاب إعجاب
  2. أدفر واحد

    أدفر واحد عضو موقوف

    انضم:
    ‏11 أغسطس 2010
    المشاركات:
    165
    التقييمات:
    +4 / 0 / -0
    أي إبداع هذا وأي ذكاء

    , ما شاء الله تبارك الله , عيني عليك باردة ,

    أسلوب طرح روووووعة ,, تفاصيل دقيقة ,, أهنيك صراحة وأنا وكل جامعة البترول بطلابها نفتخر بأن يكون لدينا مثل هالمواهب في كنف الجامعة ,, حياك بين أهلك وإخوانك

    وااااصل ومن أشد المتابعين لبقية مجريات القصة :)

    اللي رأيه من رأيي لا ينسى التقييم <<
     
    • x 1 إعجاب إعجاب
  3. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    ... السنة الأخيرة | السمستر الأول ...


    هذا السمستر يحمل نقله شبه نوعية وفيه وصلت لمرحله شبه خطيره من الحماس الزايد :hahaha:


    بدأ السمستر .. ومافيه شي مميز بخصوص المواد .. كلها طبيعيه ... والأمور عاديه جدا جدا ..


    اللي غير عادي في الموضوع هو نادي التصوير الفوتوغرافي ..

    حيث أننا حصلنا على الإذن من مدير الجامعه و عميد الكلية بالبدء .. وطبعا مع التخطيط لكيفية العمل ..

    وتجمع الأعضاء .. حيث كان لي الشرف بترشيحي لرئاسة النادي :wub:

    وبدأ العمل هنا ... من عمل بطاقات العضويات إلى إستمارات التسجيل إلى تجهيز المكتب والإيميل .. إلى الإعلان عن بدء التسجيل إلى تلقي الطلبات وفرزها ... !!

    وهنا لاحظت نفسي أضيع في دوامة عدم التركيز ... حيث كنت مشتت بين النادي وبين دراستي ..

    ماستوعبت إلا على قبل نهاية السمستر بشوي .. وقدمت دورة مبادئ التصوير الفوتوغرافي قبل الإختبارات النهائية بأسبوع !!!!!!

    وبفضل الله إستطعت أن أقلل الخسائر أقل الإمكان وطلعت من هالسمستر بمعدل 3.11


    ==========================================================

    ... السنة الأخيرة | السمستر الثاني ...



    بدأ هذا السمستر ... والضغط كبير لأن معدلي بدأ يلمس الحافه .. وعندي 18 ساعه لأني أخرت ماده ...


    من بداية السمستر وأنا ناوي أشد حيلي .. وما أجيب العيد :boxing:

    لكني طحت في مشكله بسيطه ...

    أنا نظامي في الدراسه بالكلية .. أغيب كثير لكن إذا جيت أفهم ... وغير كذا أنا الحمد لله .. 4 ساعات قبل الفاينل تكفيني .. :)

    فأنا من بداية السمستر نويت ما أغيب وأشد حيلي وكذا ... وفعلا مرت 3 أسابيع بدون ولا غياب في أي ماده .. لكن لا حظت اني أمل .. أزهق ... ولا أجيب درجات كويسه في الإختبارات .. !!

    فقررت أني أرجع نفس نظامي الماضي لكن كان الوقت متأخر شوي وبديت أتخبط في الدراسه .. حسيت ان الموضوع كثير فقررت أني أشد على نفسي زياده وأتحمل للأخير ..

    شديت بعد صراع مع نفسي و مع المدرسين ... والحمد لله جبت المعدل المطلوب .. 3.03




    وفي 24/7/2011



    سنتين و10 شهور من الصراعات الداخليه الخارجيه اللي صراحه استمتع فيها الكثيييير .. واستفدت منها الكثييييير ...

    وصراحة .. دخولي للكلية كان أفضل قرار إتخذته في حياتي .. فشكراً كليتي :قلب:

    والإقتباسات كانت من الموضوع :
    http://skfupm.co/showthread.php?t=24866



    -----------------------------------------------------------------------------------------------------


    أما الجزء الأخير من الموضوع فهو :

    ... التفصيل في عملية التحويل ...

    -----------------------------------------------------------------------------------------------------​



    في هذا الجزء .. أتكلم عن متطلبات التحويل في الحالتين سواء من السنة التحظيرية أو بعد التخرج ...



    في السنة التحضيرية :

    بشكل عام , لتستحق التحويل من الكلية إلى الجامعه يجب عليك أن تنجح في السنة التحضيرية نجاح طلاب البترول ((((( النجاح في الكلية من D أما الجامعه فمن C ))))).

    طبعا السنة التحضيريه تدرس فيها 3 مواد

    رياضيات 001
    إنجلش 001
    بي إي 001

    إذا نجحت فيها بـ C كلها أو أعلى .. تروح البترول وتكمل هناك السمستر الثاني والتخصص .. !!



    إذا مانجحت فيها .. عندك فرصة التحويل بعد التخرج ..

    وهي لها 4 شروط ..

    يكون معدلك 3.0 من 4 أو أعلى ...
    أن تحول بعد تخرجك من الكلية مباشره ...
    أن تكون سعودي الجنسيه .... ( ماعدى من أباه يشتغل في الجامعه ) ...
    أن تكون حسن السيره والسلوك ...



    طبعا هذي الشروط والمتطلبات ..


    أما من يتسائل عن التحويل وقضية عدد المحولين وهل فيه مفاضله بينهم أو حتى من يسأل هل فعلا يقبلون الشروط ولا كلام فاضي ....


    الرد النهائي على الموضوع ...

    كل من يحقق الشروط يقبل غصباً عن من لم يرضى ... طالما أنه فعلا يحقق الشروط ..

    لا مفاضله .. لو أنهم 400 طالب المحولون .... سيقبلون ... كاملينَ سالمينَ غانمين :)



    أما قضية صعوبة وسهولة التحويل أقول ...

    إذا حبيبك عسل ... لا تاكله كله !

    هاه !!! <<<<< فصل :)


    هههههههههههههههههههههههههههههههههههههههههه


    احم .. احم ... << يرجع إلى الجديه :)


    بالنسبه لموضوع الصعوبه والسهوله ..

    فأصابع اليد ماهي سوى ... ولكل مجتهد نصيب ..


    خذني أنا على سبيل المثال .. خانتني قدرتي في السنة التحضيريه ..

    وساعتدني لغتي وفهمي السريع نسبيا .. على تحصيل المعدل المطلوب بعد التخرج ..

    لكن .. هذا مايمنع إن إحنا نحدد بعض الأشياء اللي تحتاجها عشان تعدي التحضيرية بنجاح .. وخصوصا مادة الرياضات ..

    تحتاج إلى أساسيات الرياضيات المهارات الأساسية مثل الجمع والطرح والضرب والقسمه المطوله والتحليل .. غير كذا تحتاج أنك تكون مرتاح مع الأرقام بحيث أنك ماتزهق من التدرب لحل جميع أنواع المسائل ...

    غير كذا تحتاج إلى الصبر .. بحيث أنك راح تظطر تحل مسائل كثيره جدا جدا .. عشان تزيد فرصك في الوصول للحل الصحيح في الإختبارات ...

    هذا بالنسبة لمالدي على مادة الرياضيات ..

    أما مادة الإنجليزي .. فهذا شي مهم جدا جدا ...

    لأن لما الواحد يتخرج من الثانوية متعود انة حصة الأنجليزي حصة نوم .. أو مضيعة وقت .. !!

    انت لازم تكون متقبل أنك بتتلكم بالإنجليزي وبتستخدمها كلغة عشان تقدر تفهمها وتتقنها .. !!
    90% من الناس اللي ضعيفين في اللغة .. هم ضعيفين لأنهم مايستخدمونها ... !!

    ثق ثقه تامه .. أنك ماراح تتقن اللغه وتتعلمها إلا لما يصير عندك إستعداد تتكلم فيها وتستخدمها .. !!

    والموضوع إن شاء الله سهل ومافيه شي .. والتحويل مضمون لو حققت الشروط .. :)
    وشدو حيكلم ياجماعه .. :good:

    هذا وصلى الله وسلم على نبيه محمد خاتم الأنبياء وأشرف المرسلين .. لا تنسونا من دعائكم بالتوفيق في الجامعه :)

    أخوكم ... غسان الحربي :)
     
    • x 1 إعجاب إعجاب
  4. Bar3oom

    Bar3oom عضو

    انضم:
    ‏6 يونيو 2010
    المشاركات:
    136
    التقييمات:
    +0 / 0 / -0
    يعطيك العافية أخوي غسان ..

    تجربة فريدة وأستمتعت بقراءة الموضوع

    موفق وألف مبروك التحويل :)
     
  5. ولد المطر

    انضم:
    ‏1 يونيو 2011
    المشاركات:
    635
    الوظيفة:
    عاطل يعاني من حافز ض1
    الإقامة:
    في كل قلب محب ...
    التقييمات:
    +0 / 0 / -0


    ابداع والله يوفقك


    تسلم على التجربه والسرد الراااااااااااااااااااااااااائع للاحداث


     
  6. AAT-1992

    AAT-1992 عضو

    انضم:
    ‏21 سبتمبر 2010
    المشاركات:
    126
    الإقامة:
    الشرقيه--~>الدمام--~>الخبر--~>العقربيه
    التقييمات:
    +0 / 0 / -0
    جزآك الله خير يارجل ^_^

    استمعت بـقراءة الموضوع 3>
     
  7. الـدحـمي

    الـدحـمي وداعًا KFUPM

    انضم:
    ‏16 يوليو 2011
    المشاركات:
    1,056
    الإقامة:
    KFUPM
    التقييمات:
    +22 / 0 / -0
    استمتعت بقرأة تجربتك وأحيي فيك روح الصبر والمثابرة والاصرار على تحقيق المراد
     
  8. Bin Saeed

    Bin Saeed عضو

    انضم:
    ‏23 نوفمبر 2009
    المشاركات:
    2,306
    الإقامة:
    Makkah
    التقييمات:
    +10 / 1 / -1
    والله تجربه رائعه واسلوب في الكتابه اروع

    وانا احترم الاشخاص امثالك اللي مايعرفون في حياتهم كلمه صعب وكلمه خلاص ما اقدر

    والله يوفقك ونشوفك من كبار العلماء في المملكه ... واملي فيك كبير


    اجمل تحيه عطره لك
    :قلب:
     
  9. SilverShine

    SilverShine عضو

    انضم:
    ‏26 يوليو 2011
    المشاركات:
    122
    التقييمات:
    +4 / 1 / -0
    مـا شاء الله عليك :)

    صراحة عجبني اسلوبك وثقتك في نفسك

    بالتوفيق ...
     
  10. m7md A

    m7md A عضو

    انضم:
    ‏12 يوليو 2011
    المشاركات:
    263
    التقييمات:
    +9 / 0 / -0
    والله موضوع في وقته للي ما قبلته الجامعة

    بالتوفيق للجميع على العموم

    لو بس تغير الخط البرتقالي !!

    تفقعت عيوني وانا أقرا

    وبالنسبه للنشاطات أنا أعرف ناس كثير نفس نوعك

    وما شاء الله نهاية العام يصير من الأوائل مع أنه مزلب

    طبعاً أتكلم عن الثانوي الجامعة أن شاء الله نشوفهم السنه هذي ^_~

    كلنا موجودين في البترول ولله الحمد!!
     
  11. واصل

    واصل وكونوا عباد الله إخوانا

    انضم:
    ‏30 ابريل 2007
    المشاركات:
    7,585
    الصفحة الرئيسية:
    التقييمات:
    +82 / 0 / -0
    أحييك على هالهمة العالية والطموح الي ترغب أنك توصله

    والأجمل هو عدم نسيانك للمنتدى وانقطاعك عنه وتواجدك بعد هالفترة الطويلة اللي امتدت أكثر من ثلاث سنوات

    عقبال الدكتوراة :ملك:
     
  12. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    الله يعطيك العافيه على إطرائك الجميل .. أخجلتني صراحه بردك ... مشكوور :)
    وأحلى شي شيلدون :)
    والله اني استنى سيزن 5 على أحر من الجمر :)

    الله بيارك فيك يالغالي .. مشكور على مرورك وردك ... :)


    اجمعين ان شاء الله ... تسلم حبيبي .. ربي يجزاك الجنه قول آمين ... :)

    وياك ياغالي .. والحمد لله نلنا المرام بإمتعاك أنت وشرواك :)


    الله يعطيك العافية على ردك وتشجيعك لي .. حسستني بقيمة إنجازي بارك الله فيك ..
    قول آمين .. عساك في الفردوس الأعلى يامحمد يابن سعيد :)

    الله يعطيك العافيه ياغالي وأجمعين إن شاء الله ...
    أشكرك على مرورك وردك ياغالي :)

    الله يعطيك العافيه ياغالي .. والله أنا حاولت أحط الموضوع بدري لكن صارت بعض التعقيدات التقنية اللي بحمد لله إنحلت .. :)

    أما بالنسبة للخط البرتقالي فأنا أعتذر لك أولا ولعينك ثانيا .. وإن شاء الله أغيره الآن إذا ممكن .. :)

    ويعطيك العافيه أولا وأخيرا ومشكوور على مرورك ... :)


    الله يعطيك العافيه ياغالي .. والحمد لله اللي رزقنا بهالطموح .. ونشكره ونحمده على كل حال ... :)

    أما بالنسبه للمنتدى .. فالحمدلله أني من بين فتره وفتره ( أيام الكلية ) .. اطل أشوف وش الجديد .. :)

    أجمعين إن شاء الله ...

    -------------------------------------------------------------------------------------------------------------------

    صراحة يا أخوان أحب أشكركم جميعا على تشجيعكم لي واللي رفع معنوياتي كثيير وحمسني أتغلب على بعض التساؤلات الداخليه اللي بنفسي ...

    أحرجتوني بردودكم ..

    منونٌ أنا ....

    :)
     
  13. سلطان زمانه

    انضم:
    ‏12 سبتمبر 2007
    المشاركات:
    157
    التقييمات:
    +0 / 0 / -0
    هلا خيي

    يعطيك العافية على الموضوع

    وننطر تقريرك اذا دشيت الجامعة انشالله


    لانه راح يكون مشتعل :)
     
  14. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    هلئ :)

    والله تصدق فكره ياخي أني أسوي تقرير ثاني بعد أول سمستر بالجامعه :)

    هههههههههه

    مشكووور حبيب ألبي :)
     
  15. ناصر بن سعد

    انضم:
    ‏15 يونيو 2010
    المشاركات:
    282
    الإقامة:
    الذيب ما [ يدفى ] مكانه !!
    التقييمات:
    +0 / 0 / -0
    الله يوفقك ..تعبت فـ نلت :)

    احترامي :وردة:
     
  16. Abu Abdullah

    Abu Abdullah مشرف سابق

    انضم:
    ‏2 يونيو 2008
    المشاركات:
    4,969
    الوظيفة:
    Mechanical Engineer - student
    الإقامة:
    Earth - Saudi Arabia
    التقييمات:
    +55 / 0 / -2
    -

    الموضوع هذا كنز ثمين ,, و من عادتي أحب أجمع المواضيع اللتي تتحدث عن الإنجازات الشخصية و الطموح و أقراها بين الفينة و الأخرى ,


    تمت إضافة الموضوع إلى مفضلتي الشخصية ، و دمت مبدعاً متألقاً ..


    تحياتي لك ، و مرحباً بك بيننا هنا ، نوّرت جامعه البترول بقدومك
    :قلب:

    أخوك ,
    :وردة:
     
  17. فالح الهاجري

    فالح الهاجري المدير السابق لمنتديات stKFUPM

    انضم:
    ‏25 أغسطس 2008
    المشاركات:
    5,082
    التخصص:
    Chemical Engineering
    الجامعة:
    KFUPM
    سنة التخرج:
    2016
    الوظيفة:
    Production Eng. SABIC
    الإقامة:
    Dammam
    التقييمات:
    +374 / 0 / -8
    *

    من آكثر الموآضيع آفآدة لـ الجميع [ التجآربْ الشخصيّة ]
    وخآصة آذآ كآنت بهذآ الطرح والتنسيقْ والتفصيل الجميل .. :قلب:

    عآفآك الله آخي الكريم ,

    ومكآنك المنآسب هو آكيييد في جآمعة البترول :قلب:


    • [ تم تثبيت الموضوع ؛ + نسخ الموضوع الى سآحآت كليآت المجتمع لـ آلآفآدة آيضاً ]

    • [ [​IMG] + [​IMG][​IMG][​IMG][​IMG][​IMG][​IMG][​IMG][​IMG][​IMG][​IMG][​IMG][​IMG] + تمّ ختم الموضوع كـ موضوع متميّز ]
     
  18. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    أجمعين ياغالي .. ماقصرت بكلماتك الجميله هذي :)


    طال عمرك هذا صراحة شرف لي أن يوضع موضوع لي في مفضلتك ...

    الجامعه منوره بأهلها طال عمرك ..

    عافاكم الرحمن ياغالي ..صراحة أشكرك على إهتمامك بالموضوع وإتاحة الفرصة لأكبر عدد ممكن من الإستفاده منه ...

    ربي يجزاك الجنه قول آمين :)
     
  19. openmind

    openmind عضو

    انضم:
    ‏29 سبتمبر 2010
    المشاركات:
    17
    التقييمات:
    +0 / 0 / -0
    السلام عليكم

    اخوي ابغا رايك انا الحين خلصت سنة تحضيرية في كلية المجتمع بالدمام ومسجل في جامعة الملك فيصل و كلية الجبيل الجامعية

    اجا قبول لي في فيصل وانا محتار اسحب ملفي او اكمل بالكلية مع العلم انا متخصص تطبيقات حاسب وذي السنة ابتدي ادرس التخصص

    فا بغيت رايك اخوي في ان اكمل واجيب معدل للتكميل في البترول
     
  20. د.غســـ

    د.غســـ عضو

    انضم:
    ‏20 سبتمبر 2008
    المشاركات:
    97
    التقييمات:
    +4 / 0 / -1
    شوف يالغالي .. قسم الكمبيوتر قسم فعال عندنا بالكلية .. اذا انت من النوع اللي يحب النشاطات وماعندك مانع تشتغل عليها وتسوي بروجكتات .. أنا أقولك كمل في المجتمع لأنك بتقدر تحول إلى البترول ..

    أما مسألة الدراسة في البترول .. إذا انت ماعندك مانع بعد 3 سنين من الدراسة بالكلية تدرس 4 سنين زياده بالجامعه .. فـماعندك مشكله ...


    يعني الموضوع 3 نقاط :

    1 ) التحويل مو صعب خصوصا انه في التخصص في الكلية (يعني عديت التحضيرية اللي هي مرحلة الخطر ) .. بس زي ماقلت لك تحتاج شغل في الـ ca

    2 ) الدراسة في الجامعه 4 سنين بعد التخرج من الكلية بمعدل لا يقل عن 3.0 من 4

    3 ) قارن النقطتين السابقتين بالدراسة في فيصل .. بس انت ماحددت فيصل الحسا .. ولا جامعة الدمام .. !!


    وبالتوفيق ... :)
     
جاري تحميل الصفحة...
مواضيع شبيهة - سنتين شهور من
  1. د.غســـ
    الردود:
    29
    المشاهدات:
    2,125
  2. المستغيث بالله
    الردود:
    1
    المشاهدات:
    528
  3. 24601
    الردود:
    4
    المشاهدات:
    855
  4. Dyaa94
    الردود:
    3
    المشاهدات:
    432
  5. المصباح المضيء
    الردود:
    2
    المشاهدات:
    350
  6. سامي1097
    الردود:
    2
    المشاهدات:
    578
  7. othman alkthiri
    الردود:
    1
    المشاهدات:
    347
  8. m.k.m.o
    الردود:
    32
    المشاهدات:
    2,163
  9. Ageel-16
    الردود:
    20
    المشاهدات:
    1,177
  10. DAXTER
    الردود:
    40
    المشاهدات:
    1,981

مشاركة هذه الصفحة