سوبر اوريا ؟

على حسب ماسمعت ، انك اذا خلصتهم في الصيف ماتصير سوبر اوريا
السوبر اوريا اللي ياخذ فصل كامل من السنة اللي بعدها

 

حتى لو صرت سوبر أوريا

الوضع سهالات، يعني تقدر تدخل أي تخصص هندسي وبعدين تحول للتخصص اللي عاجبك إذا جبت معدل 2.5 في أول فصل دراسي لك

لأن ببساطة جميع التخصصات الهندسية يدرسون نفس المواد في سنة الفريشمان، طبعاً في اختلافات بسيطة في بعض التخصصات تكون مادة أو مادتين زيادة

مثل الهندسة الكيميائية يدرسون chem102 اللي مو مطلوب على بقية التخصصات الهندسية.

لكن على الأقل جميع التخصصات الهندسية يدرسون نفس المواد في أول سمستر.

طبعاً مو كل التخصصات تُحجب عن السوبر أوريا، على حسب ما أعرف فقط الهندسة الميكانيكية والكهربائية والتخصصات المزدحمة.

الوضع سهالات بخصوص إختيار التخصص، أهم شيء شد حيلك... وفالك التوفيق

 

حسب ما اعرفه ما تقدر تأخذ انجليزي و ماث مع بعض بالصيف الا اذا كنت بـ 04

 

غريبة رسبت في الحاسب رغم انها مادة سهلة
عموما، على حد علمي شروط اجتياز السنة التحضيرية هي الانجلش والماث ، بقية المواد - على كلام الناس - ما تصير سوبر أوريا عليها + اتوقع تصير مراعاة لك وممكن يسمحون لك تنزلها مع الانجلش والماث - في حال نزلتهم مع بعض - ؛ لأنهم ما اعتقد بيأخرونك عشان مادة ساعة

عموما في حال قدرت تنزلهم كلهم نزلهم وشد حيلك
في حال ما قدرت ، اشوف انك تخلص الانجلش في الصيف ، وتاخذ الماث في ترم ثالث عشان تقدر تنزل مواد من الجبل معاه ؛ لأنه اذا عندك انجلش اعتقد يسمحون لك تنزل اسلامي او عربي معاه ، وفيه حالات قليلة جدا سمحوا لهم ينزلون ماث ١٠١ ، بينما الماث تقدر تنزل معه كيمستري ومواد ثانية

شد حيلك وفالك التوفيق

 

مو اذا ما عدا الماث والانجلش في ترمين وصيف يترحل ؟؟