شبكة زين داخل السكن

السلام عليكم ورحمة الله وبركاته ..

مساء الخير يا شباب ..

اعاني من قبل 7 شهور الى الآن في شبكة زين كثير يتصلون ويقولون جوالك كان مقفل ..
والمشكلة الثانية في النت عندي منهم اشتراك 4جي مدة سنة مفتوح لكن أعاني من تقطيع رهيب في النت بشكل متعب جدااااااااااااااا هل فيه احد يعاني من نتهم مع العلم اني اذا كنت في الرياض ما يقطع ابدا وسريع مرة اما داخل الجامعة الموقّرة يكون سيئ الى ابعد درجة .. وبدون اي تردد اتصلت على خدمة (الأعداء) حقتهم اتمنى الحل السحري كل من كلمته قال جرب الشريحة في جهاز ثاني ويبين عندنا وعلمنا هل المشكلة موجودة ولا لا .. طبعا سويتها مليون مرة مع اني ادري ان مالها دخل ابدا لأنه يشتغل بالرياض كويس اما الظهران سيئ بنفس الجهاز فأعتقد المشكلة ما يبيلها عالم ذرة .. طبعا قلت لهم مليون مرة ارفع شكوى للدعم قال ركبها بجهاز ثاني قلتله سويتها الف مرة واعيد واشرح المشكلة مرة ثانية وبالاخير يعيي يرفع طلب .. من ابسط حقوقي انهم يرفعون طلب للدعم لكن كل الموظفين يرفضون ايش هذا ..!! خلاصة الكلام الكثير هذا والبربرة اذا احد يعاني من هالمشكلة ياليت يعلمني ويكلم الدعم لعلهم يتكرمون علينا مع اننا ندفع لهم فلوس وبعد الذل يجون يشوفون برجهم الي يشتغل على نظام DOS ​

 

قد اتصلت على الدعم ؟؟ انا غالب استخدامي للبلايستيشن والعاب الاون لاين ما احتاج نت قوي بس احتاجه ما يقطع ..