هلاااا بكم شباب كيف حال الجداول اصلا احس ان الجدول اذا ماسويته في الايرلي , مستحيل تسويه (زي ماتبي) في التسجيل المتأخر الله يعين , ماعلينا موضوع اليوم عن الـ boot او الاقلاع متى نغيره وكيف نغيره مقدمة علشان نتعامل مع الجهاز والقطع اللي فيه , لازم يصير فيه وسيط بيننا وبين الجهاز فأول مانشغل الجهاز , الكمبيوتر عنده لستة معينة من الاماكن يبحث فيها عن برنامج تشغيل عادة يبحث في البداية في الـ cd rom وبعدها يروح على الهاردسك الداخلي وبعدها على الـ usb يبحث في الـ cd rom , اذا مالقى شي يروح للهاردسك , اذا مالقى شي يروح للفلاش وهكذا .. طبعا السالفة تصير بسرعة ومايمديك تلاحظ اذا لقى الجهاز برنامج تشغيل , يوقف عن البحث ويشغله لك (مثل الويندوز اللي نشتغل عليه الحين) فيه برامج واشياء مانقدر نسويها داخل الويندوز , لازم نغير الاقلاع علشان نستخدمها او نشغلها ومنها الفورمات الويندوز اللي نحرقه على اسطوانة او usb مانقدر نشغله الا اذا اقلعنا من الـ cd rom او الـ usb (على حسب اللي بتستخدمه) الشرح اول مانشغل الجهاز , نضغط زر معين باستمرار علشان تطلع لنا قائمة الـ boot طبعا يختلف هالزر من شركة إلى شركة لكن غالبا مايكون واحد من هذيلا فيه شركات تقدر توصل للبوت بزر واحد , مثل هذا وفيه شركات مو بشكل مباشر , مثل هذا اذا عرفنا كيف ندخل قائمة الاقلاع , نختار الشي اللي بنقلع منه cd rom usb وراح يعيد التشغيل ويقلع من اللي اخترته شكل الـ boot menu فيه اجهزة تعرض لك القائمة بتصنيف عام (هاردسك , اجهزة قابلة للازالة , cd rom ) وفيه hاجهزة تعرض لك اسامي الاجهزة اللي تقدر تقلع منها , بحيث لو كنت مركب فلاش من ماركة sandisk راح تشوفه في القائمة sandisk xxxx xx خلص الموضوووع المطلوب عليك انك تعرف كيف تدخل قائمة الاقلاع في جهازك علشان الاشياء الجاية